വെറുതെ കോറിയിടുന്നത്

ഇനി ആനന്ദിന് ഉറങ്ങാം

2010-05-13T13:48:00.002+05:30

ആനന്ദും ടോപ്പലോവും ലോക ചെസ്സ് ചാമ്പ്യന്‍ഷിപ്പിലെ പന്ത്രണ്ടാം മത്സരത്തിനിടയില്‍

സോഫിയ: ജീവിതത്തിലെ ഏറ്റവും കടുപ്പമേറിയ മത്സരം, ഇനി ഒന്നുറങ്ങണം- ഇന്ത്യയുടെ ലോക ചെസ് ചാമ്പ്യന്‍ വിശ്വനാഥന്‍ ആനന്ദിന്റെ പ്രതികരണമിങ്ങനെ. ട്വന്റി-20 ലോകകപ്പില്‍ ഇന്ത്യ നാണംകെട്ട് പുറത്തായത് നിര്‍വികാരമായി ആരാധകര്‍ ഏറ്റുവാങ്ങിയ അതേ രാത്രിയിലാണ് ആനന്ദ് ഇന്ത്യക്ക് വീണ്ടും ലോക കിരീടം സമ്മാനിച്ചത്. ലോകം മുഴുവന്‍ കളിക്കുന്ന ചെസ്സും വിരലിലെണ്ണിത്തീര്‍ക്കാവുന്ന രാജ്യങ്ങളുടെ മാത്രം തമാശയായ ക്രിക്കറ്റും തമ്മില്‍ താരതമ്യത്തിന് സാധ്യതയില്ല. എന്നാല്‍ ഞങ്ങള്‍ക്കുശേഷം പ്രളയം എന്നു കരുതി ജീവിക്കുന്ന ക്രിക്കറ്റ് താരങ്ങളും, അവര്‍ക്ക് വെള്ളവും വളവും നല്‍കുന്ന കോര്‍പറേറ്റുകളും, ആരാധകരും കണ്ണുതുറന്നു കാണുക- ഇന്ത്യയിലെ ഏറ്റവും മഹാനായ കായികതാരത്തിന്റെ ഈ ജയം.

ലോക ചാമ്പ്യന്‍ഷിപ്പില്‍ എതിരാളിയായ വെസ്ളിന്‍ ടോപ്പലോവ് കടുത്ത വെല്ലുവിളി ഉയര്‍ത്തിയ ശേഷമാണ് കീഴടങ്ങിയതെന്ന് ആനന്ദ് പറഞ്ഞു.

"രണ്ടുമുതല്‍ അഞ്ചുവരെ ഗെയിമുകളില്‍ എനിക്കായിരുന്നു മുന്‍തൂക്കം. എന്നാല്‍ എട്ടാം ഗെയിംമുതല്‍ എതിരാളി ശക്തമായി തിരിച്ചുവന്നു. ഒമ്പതാം ഗെയിം നേടാനാകുമായിരുന്നു. പക്ഷെ ഞാന്‍ തോറ്റു. വെസ്ളിന്‍ എങ്ങനെ കളിക്കുമെന്നതിനെക്കുറിച്ച് എനിക്ക് ഒരു ധാരണയുമുണ്ടായിരുന്നില്ല. ശൂന്യമായ മനസ്സുമായാണ് ഞാന്‍ ഓരോ ദിവസവും എഴുന്നേല്‍ക്കുക. മത്സരം എങ്ങനെയായിത്തീരുമെന്ന് എനിക്ക് ഒരു ധാരണയുമില്ലായിരുന്നു. എന്തും സംഭവിക്കാവുന്ന നില. ചാമ്പ്യന്‍ഷിപ്പില്‍ ആര്‍ക്കും വ്യക്തമായ മുന്‍തൂക്കം ഉണ്ടായിരുന്നില്ല. ടോപ്പലോവിന് മുന്‍തൂക്കം, സ്വന്തം നാട്ടില്‍ കളിക്കുന്നതിന്റെ ആനുകൂല്യം തുടങ്ങിയ പ്രചാരണങ്ങള്‍ ശക്തമായിരുന്നു. മത്സരം കാണാനെത്തിയവര്‍ ഒന്നടങ്കം അദ്ദേഹത്തെയാണ് പിന്തുണച്ചത്. എന്നാല്‍ എനിക്കൊപ്പമുള്ളവര്‍ എന്റെ ശ്രദ്ധ പതറാതിരിക്കാന്‍ ആവുന്നത് ശ്രമിച്ചു. അതില്‍ അവര്‍ വിജയിക്കുകയും ചെയ്തു. അവസാന ഗെയിമായിരുന്നു ഏറ്റവും കടുപ്പമേറിയത്. ജീവിതത്തില്‍ ഇതിനു മുമ്പ് ഇത്രയും കടുത്ത മത്സരം ഞാന്‍ കളിച്ചിട്ടില്ല. നേരത്തെ പറഞ്ഞപോലെ ചാമ്പ്യന്‍ഷിപ്പില്‍ ആര്‍ക്കും മുന്‍തൂക്കമില്ലാത്തതിനാല്‍ ജയിക്കുമെന്ന പ്രതീക്ഷ എനിക്കുണ്ടായിരുന്നില്ല. ആര് സമ്മര്‍ദത്തിനടിപ്പെടും എന്നതു മാത്രമായിരുന്നു പ്രശ്നം. കളി പുരോഗമിച്ചപ്പോള്‍ എനിക്ക് സമ്മര്‍ദമില്ലെന്ന് ഞാന്‍ തിരിച്ചറിഞ്ഞു. ഇതോടെ കിരീടം എനിക്കുതന്നെയെന്ന് ഞാനുറപ്പിച്ചു. ഇനി ഒന്നുറങ്ങണം. അത്രക്കധികം ക്ഷീണമുണ്ട്." ആനന്ദ് പറഞ്ഞു.

വാര്‍ത്തക്ക് കടപ്പാട് ദേശാഭിമാനി ദിനപ്പത്രം, ചിത്രത്തിനു കടപ്പാട്: ഹിന്ദു ദിനപ്പത്രം

ഔദ്യോഗിക വെബ് സൈറ്റ് ഇവിടെ
മാച്ചിനെക്കുറിച്ചുള്ള കൂടുതല്‍ വിവരങ്ങള്‍ ഇവിടെ (വിക്കിപീഡിയ ലേഖനം)
Anand's win very special: parents

നെഗറ്റീവ് ലിസ്റ്റുണ്ടോ സഖാവേ, ആസിയാന്‍ കരാറൊപ്പിടാന്‍‍?

2009-11-01T09:16:00.002+05:30

ആസിയാന്‍ കരാറിനോടനുബന്ധിച്ച് നെഗറ്റീവ് ലിസ്റ്റുണ്ടോ ഉണ്ടെങ്കില്‍ തന്നെ അക്കാര്യത്തില്‍ തീരുമാനമായോ എന്ന വിഷയം ഇത്തിരി കണ്‍ഫ്യൂഷനുണ്ടാക്കിക്കൊണ്ടിരിക്കുകയാണ്. ഉണ്ടെന്ന് ചാണ്ടിയും കൂട്ടരും, ഇല്ലെന്ന് ഇടതുപക്ഷവും പറയുന്ന ലിസ്റ്റിനെപ്പറ്റി അന്നും ഇന്നും ഒക്കെയായി വന്ന ചില വാര്‍ത്തകളും പ്രസ്താവനകളും പരിശോധിക്കുന്നത് രസകരമായിരിക്കും.

ഇക്കഴിഞ്ഞ ദിവസം ഉമ്മന്‍ ചാണ്ടി പറഞ്ഞത് ഇതായിരുന്നു. വീക്ഷണത്തില്‍ നിന്നുള്ള വാര്‍ത്തയാകുമ്പോള്‍ വിശ്വസനീയത കൂടുമെന്നതിനാല്‍ അതു തന്നെ വായിക്കാം.

ആലപ്പുഴ: ആസിയാന്‍ കരാറുമായി ബന്ധപ്പെട്ട നെഗേറ്റെവ്‌ ലിസ്റ്റില്ലെന്ന്‌ തന്നെ ധരിപ്പിച്ചത്‌ ദേശാഭിമാനി ലേഖകനാണെന്ന മുഖ്യമന്ത്രിയുടെ വെളിപ്പെടുത്തലിന്റെ പശ്ചാത്തലത്തില്‍ തെറ്റായ വസ്തുത എവിടെ നിന്ന്‌ ലഭിച്ചെന്ന്‌ ലേഖകന്‍ വ്യക്തമാക്കണമെന്ന്‌ പ്രതിപക്ഷ നേതാവ്‌ ഉമ്മന്‍ ചാണ്ടി പറഞ്ഞു. ആരോപണമുന്നയിക്കുന്നവരെ അതു തെളിയിക്കാന്‍ താന്‍ വെല്ലുവിളിയ്ക്കുകയാണന്നും അദ്ദേഹം കൂട്ടിച്ചേര്‍ത്തു. ആലപ്പുഴ പ്രസ്ക്ലബ്ബില്‍ നടന്ന മുഖാമുഖം പരിപാടിയില്‍ സംസാരിക്കുകയായിരുന്നു ഉമ്മന്‍ ചാണ്ടി.

ആസിയാന്‍ കരാറില്‍ നെഗേറ്റെവ്‌ ലിസ്റ്റില്ലന്ന്‌ പ്രധാനമന്ത്രിക്കൊപ്പം യാത്ര ചെയ്ത ദേശാഭിമാനിയുടെ ലേഖകന്‍ തന്നോട്‌ പറഞ്ഞെന്നാണ്‌ മുഖ്യമന്ത്രി കഴിഞ്ഞ ദിവസം പറഞ്ഞത്‌. നെഗേറ്റെവ്‌ ലിസ്റ്റു സംബന്ധിച്ച്‌ ചര്‍ച്ച നടക്കുന്നതെയുള്ളുവെന്നു വാണിജ്യകാര്യ സെക്രട്ടറി എന്‍.രവി പറഞ്ഞുവെന്ന ഇവരുടെ പ്രചരണവും തെറ്റാണ്‌.വാണിജ്യമന്ത്രാലയത്തില്‍ രവി എന്നു പേരുള്ള ആള്‍ ഇല്ല. ജനുവരി ഒന്നിനു കരാര്‍ നടപ്പാകുമ്പോള്‍ ഒപ്പം നെഗേറ്റെവ്‌ ലിസ്റ്റും ഉണ്ടാകും ഇതില്‍ തര്‍ക്കമില്ലന്നും ഉമ്മന്‍ ചാണ്ടി പറഞ്ഞു.

ഇതില്‍ നിന്നും വ്യക്തമാകുന്ന കാര്യങ്ങള്‍..

1. ആസിയാന്‍ കരാറിനോടനുബന്ധിച്ച് നെഗറ്റീവ് ലിസ്റ്റ് ഉണ്ട്.
2. നെഗറ്റീവ് ലിസ്റ്റിനെക്കുറിച്ച് ചര്‍ച്ച നടക്കുന്നെ ഉള്ളൂവെന്ന് വാണിജ്യകാര്യ സെക്രട്ടറി എന്‍. രവി പറഞ്ഞിട്ടില്ല.
3. എന്‍. രവി എന്നൊരു ഉദ്യോഗസ്ഥന്‍ വാണിജ്യമന്ത്രാലയത്തില്‍ ഇല്ല.
4. മുഖ്യമന്ത്രിയെ പാര്‍ട്ടി പത്രപ്രവര്‍ത്തകന്‍ തെറ്റിദ്ധരിപ്പിക്കുകയായിരുന്നു.

ഇവ ഓരോന്നായി പരിശോധിക്കാം.

1. ആസിയാന്‍ കരാറിനോടനുബന്ധിച്ച് നെഗറ്റീവ് ലിസ്റ്റ് ഉണ്ട്. 2. നെഗറ്റീവ് ലിസ്റ്റിനെക്കുറിച്ച് ചര്‍ച്ച നടക്കുന്നെ ഉള്ളൂവെന്ന് വാണിജ്യകാര്യ സെക്രട്ടറി എന്‍. രവി പറഞ്ഞിട്ടില്ല.

ഉണ്ടോ ഇല്ലയോ എന്ന കാര്യം വ്യക്തമല്ല. ഇനി അഥവാ ലിസ്റ്റ് ഉണ്ടെങ്കില്‍ തന്നെ അത് അംഗീകരിക്കപ്പെട്ടിട്ടില്ല. കാരണം 24 ഒക്ടോബര്‍ 2009നു നടന്ന പ്രസ് ബ്രീഫിങ്ങില്‍ ചോദിച്ച ഒരു ചോദ്യവും ഉത്തരവും നോക്കുക.

Question: Two questions. In any of these ASEAN-India meetings, was there a demand for pruning the negative list which is already there? Secondly, there is the ASEAN Chairman‘s statement which says that there is an India-ASEAN Business Advisory Council to be formed. There is no mention about that in PM‘s speech or anywhere else.

Secretary (East): The Business Advisory Council is actually an ASEAN suggestion to which we have agreed. It used to meet quite regularly but after the discussions on the FTA started, there were certain delays in getting all the business people together. But now it will begin again. So, that revival is more or less on the cards. As regards negative list, from what little I have gathered, as against India‘s one list, ASEAN has ten lists. So, there has to be some degree of coordination. That is why I think some amount of delay is being encountered. But the desire of both sides is to move ahead but some amount of delay perhaps cannot be avoided.

സെക്രട്ടറിക്കു കിട്ടിയ പരിമിതമായ വിവരം അനുസരിച്ച് ഒന്നിനു പകരം 10 ലിസ്റ്റുണ്ടെന്നാണ് പറയുന്നത്। അവ തമ്മില്‍ പൊരുത്തപ്പെടുത്താനുള്ള ചര്‍ച്ച നടക്കുകയാണ് സ്വാഭാവികമായും തര്‍ക്കമുണ്ടാകും। തര്‍ക്കം പരിഹരിക്കാതെ നെഗറ്റീവ് ലിസ്റ്റിന്റെ കാര്യത്തില്‍ ഒരു ഉറപ്പും പറയാനാവില്ല. അതുകൊണ്ടായിരിക്കണം ചില കാലതാമസം ഉണ്ടാകുന്നത്. എന്നാണദ്ദേഹം പറയുന്നത്.

3. എന്‍. രവി എന്നൊരു ഉദ്യോഗസ്ഥന്‍ വാണിജ്യമന്ത്രാലയത്തില്‍ ഇല്ല. 4. മുഖ്യമന്ത്രിയെ പാര്‍ട്ടി പത്രപ്രവര്‍ത്തകന്‍ തെറ്റിദ്ധരിപ്പിക്കുകയായിരുന്നു.

മുകളിലെ ചോദ്യത്തിനു ഉത്തരം നല്‍കിയ ഉദ്യോഗസ്ഥന്റെ പേര്‍ എന്‍. രവി എന്നു തന്നെയാണ്. ഈ ലിങ്ക് നോക്കുക. ഇന്ത്യന്‍ വിദേശവകുപ്പിലെ പൌരസ്ത്യരാജ്യങ്ങളുടെ ചുമതലയുള്ള സെക്രട്ടറിയാണ് ശ്രീ. എന്‍. രവി. ആ നിലയ്ക്ക് ഉമ്മന്‍ ചാണ്ടിയുടെ വെല്ലുവിളി കാര്യങ്ങള്‍ ശരിക്ക് അറിയാതെയോ അതോ എന്ത് പറഞ്ഞാലും എതിര്‍ ചോദ്യങ്ങളില്ലാതെ പത്രങ്ങള്‍ അവ പ്രചരിപ്പിച്ചുകൊള്ളും എന്ന ധൈര്യത്തിലോ? പാര്‍ട്ടി പത്രപ്രവര്‍ത്തകന്‍ ഒരു തെറ്റിദ്ധരിപ്പിക്കലും നടത്തിയിട്ടില്ല എന്നതും വ്യക്തമാണല്ലോ.

നെഗറ്റീവ് ലിസ്റ്റുണ്ടോ വൈകുമോ അവസാനം ഇല്ല എന്നു വരുമോ എന്ന തര്‍ക്കം മാറ്റി വെക്കുക. എന്നിട്ട് കുറച്ച് കാലം മുന്‍പ് വരെ ഉമ്മന്‍ ചാണ്ടിയും വലതുപക്ഷ നേതാക്കളും ആവര്‍ത്തിച്ചു പറഞ്ഞിരുന്ന ഒരു കാര്യത്തിലേക്ക് ഒന്ന് കണ്ണോടിക്കുക. വീക്ഷണത്തില്‍ ഉമ്മന്‍ ചാണ്ടി എഴുതിയ ലേഖനത്തില്‍ നിന്നൊരു ഭാഗം:
.....റബറും മത്സ്യോല്‍പന്നങ്ങളും നെഗേറ്റെവ്‌ ലിസ്റ്റിലാണ്‌. ഇന്ത്യയ്ക്കു മാത്രമാണ്‌ നെഗേറ്റെവ്‌ ലിസ്റ്റ്‌ അനുവദിച്ചത്‌. രാജ്യത്തിനു ഹാനികരമാണെങ്കില്‍ ഒരു വര്‍ഷത്തെ നോട്ടീസ്‌ നല്‍കി ആസിയാന്‍ കരാറില്‍ നിന്നു പിന്മാറാം (ആര്‍ട്ടിക്കിള്‍ 9). ഇറക്കുമതിമൂലം തദ്ദേശീയ ഉല്‍പന്നത്തിനു പ്രതിസന്ധി ഉണ്ടായാല്‍ നാലു വര്‍ഷത്തേക്ക്‌ ആ ഉല്‍പന്നത്തിന്റെ ഇറക്കുമതി നിയന്ത്രിക്കാം (ആര്‍ട്ടിക്കിള്‍ 10). 15 വര്‍ഷത്തേക്ക്‌ ഈ വകുപ്പിനു പ്രാബല്യമുണ്ട്‌. ഇറക്കുമതി നിയന്ത്രിക്കാന്‍ ആന്റി ഡമ്പിംഗ്‌ ഡ്യൂട്ടി ചുമത്താം. പരസ്പര ധാരണ പ്രകാരം കരാര്‍ വ്യവസ്ഥയില്‍ ഭേദഗതി വരുത്താനും കഴിയും (ആര്‍ട്ടിക്കിള്‍ 21).

ഉമ്മന്‍ ചാണ്ടി കുറച്ച് കാലം മുന്‍പ് എഴുതിയ ഈ ലേഖനത്തില്‍ പറയുന്നത് ഇന്ത്യക്ക് മാത്രമേ നെഗറ്റീവ് ലിസ്റ്റ് അനുവദിച്ചിട്ടുള്ളൂ എന്നാണ്। അങ്ങിനെ അല്ല എന്ന് ഈ ഒക്ടോബറില്‍ നമുക്ക് മനസ്സിലായി. പത്ത് ലിസ്റ്റ് ഉണ്ട് എന്ന് ഉത്തരവാദിത്വപ്പെട്ട ഉദ്യോഗസ്ഥന്‍ തന്നെ നമ്മോട് പറയുന്നു॥ കോണ്‍ഗ്രസും യു.ഡി.എഫും പ്രചരിപ്പിക്കുന്നതുപോലെ ഇന്ത്യക്ക് പ്രത്യേക പരിഗണനയൊന്നും ലഭിച്ചിട്ടില്ല എന്ന് ചുരുക്കം. ഇന്ത്യക്ക് മാത്രം എന്നു പറഞ്ഞ നെഗറ്റീവ് ലിസ്റ്റ് പത്ത് ആയതുപോലെ തന്നെയായിരിക്കുമോ മറ്റു കാര്യങ്ങളും? കണ്ടു തന്നെ അറിയേണ്ടിയിരിക്കുന്നു. ഇക്കാര്യങ്ങളെക്കുറിച്ചും, നെഗറ്റീവ് ലിസ്റ്റിന്റെയൊക്കെ പൊള്ളത്തരത്തെക്കുറിച്ചും ധനമന്ത്രി തോമസ് ഐസക്കും മറ്റും വിശദമായി തന്നെ മുന്‍പേ തന്നെ പറഞ്ഞിട്ടുണ്ട്. ഇവിടെയും ഇവിടെയും ഒക്കെ അത് വായിച്ച് ഒരു ധാരണയിലത്തുക.

ഉപതെരഞ്ഞെടുപ്പില്‍ ആസിയാന്‍ കരാര്‍ വിഷയമല്ലെന്ന് പി.പി. തങ്കച്ചനൊക്കെ പറയുന്നുണ്ടെങ്കിലും പുറത്ത് വരുന്ന വാര്‍ത്തകള്‍ തെരഞ്ഞെടുപ്പില്‍ തങ്ങളുടെ സാധ്യതയെ ബാധിച്ചാലോ എന്ന ഭയം ആയിരിക്കാം ഉമ്മന്‍‌ചാണ്ടിയെക്കൊണ്ട് വെല്ലുവിളി മുഴക്കാന്‍ പ്രേരിപ്പിക്കുന്നത്. ലിസ്റ്റ് എന്തായാലും വൈകും എന്ന കാര്യം ആസിയന്‍ ഉച്ചകോടി നടന്ന തായ്ലന്‍ഡിലെ ഹുവാ ഹിന്നില്‍ ഉണ്ടായിരുന്ന മാതൃഭൂമി, മലയാള മനോരമ {അതെ മലയാള മനോരമ തന്നെ :) }പത്രങ്ങളുടെ ലേഖകരും റിപ്പോര്‍ട്ട് ചെയ്തിട്ടുണ്ട്.

ദേശാഭിമാനിയുടെ വാര്‍ത്തയില്‍ നിന്ന് തുടര്‍ന്നുള്ള ദിവസം നടന്ന കാര്യങ്ങള്‍ വായിക്കാം.

....തൊട്ടടുത്ത ദിവസത്തെ പ്രധാനമന്ത്രിയുടെ വാര്‍ത്താ സമ്മേളനത്തില്‍ ചോദ്യം ഉയര്‍ന്നപ്പോള്‍ വാണിജ്യമന്ത്രി മറുപടി പറയുമെന്നു പറഞ്ഞു. ചോദ്യത്തില്‍ കേരളത്തെ സംബന്ധിച്ച രാഷ്ട്രീയപ്രശ്നമുണ്ടെന്നു മനസ്സിലാക്കി വാണിജ്യമന്ത്രി ആനന്ദ് ശര്‍മ മറുപടി പറഞ്ഞു.

'ഇന്ത്യയുടെ കാര്‍ഷികോല്‍പ്പന്നങ്ങളുടെ പ്രാധാന്യം കണക്കിലെടുത്ത് സംരക്ഷിത പട്ടിക, സംവേദന പട്ടിക (സെന്‍സിറ്റീവ് ലിസ്റ്റ്) എന്നിവയുമായാണ് ഇന്ത്യ ആസിയനുമായി ചര്‍ച്ച നടത്തിയത്. സംരക്ഷിത പട്ടികയില്‍ 489 ഉല്‍പ്പന്നമുണ്ട്. ഇവയുടെ വിശദാംശങ്ങള്‍ മുഖ്യമന്ത്രിയെ അറിയിച്ചിട്ടുണ്ട്. ഈ ലിസ്റ്റുകള്‍ വാണിജ്യമന്ത്രാലയത്തിന്റെ വെബ്സൈറ്റിലുണ്ട്. ചിലര്‍ ബോധപൂര്‍വം തെറ്റിദ്ധാരണ പരത്തുകയാണ്'-മന്ത്രി പറഞ്ഞു.

എന്നാല്‍,ഇന്ത്യ മുന്നോട്ടുവച്ച സംരക്ഷിത പട്ടിക ആസിയന്‍ രാജ്യങ്ങള്‍ അംഗീകരിച്ചെന്ന് മന്ത്രി പറഞ്ഞില്ല. മന്ത്രിയുടെ മറുപടിക്കുശേഷം പ്രധാനമന്ത്രി 'സംരക്ഷിത പട്ടിക ഉണ്ടെന്നാണ് നിങ്ങളുടെ ചോദ്യത്തിനുള്ള ഉത്തരം' എന്ന് കൂട്ടിച്ചേര്‍ക്കുകയായിരുന്നു. ഇന്ത്യ മുന്നോട്ടുവച്ച സംരക്ഷിത പട്ടിക ആസിയന്‍ രാജ്യങ്ങള്‍ അംഗീകരിച്ചിട്ടില്ല എന്ന വിദേശകാര്യ ജോയിന്റ് സെക്രട്ടറിയുടെ പരസ്യപ്രസ്താവന പിന്‍വലിക്കുകയോ വാണിജ്യമന്ത്രാലയമോ പ്രധാനമന്ത്രിയോ തള്ളിപ്പറയുകയോ ചെയ്തിട്ടില്ല.

എന്തായാലും എല്ലാവര്‍ക്കും കേരളപ്പിറവിദിന ആശംസകള്‍.

ഐ.ജി.പറഞ്ഞാല്‍ കഥ, വക്കീലു പറഞ്ഞാല്‍ നിജം

2009-09-01T11:45:00.003+05:30

ഇത് 30/08/09 ലെ മാതൃഭൂമിയിലെ വാര്‍ത്ത.

പോളിനെ സഹയാത്രികര്‍ കാറിലിട്ട്‌ വധിച്ചതാകാമെന്ന്‌ അറസ്റ്റിലായവര്‍

ചങ്ങനാശ്ശേരി: മുത്തൂറ്റ്‌ പോള്‍ എം. ജോര്‍ജിനെ, സ്വന്തം കാറിലുണ്ടായിരുന്ന സഹയാത്രികര്‍ വധിച്ചതാകാമെന്നും ഇതിനുള്ള പിടിവലിയില്‍ നിയന്ത്രണംവിട്ടപ്പോഴാണ്‌ വാഹനം റോഡിലൂടെപ്പോയ ബൈക്കില്‍ തട്ടിയതെന്നും ഈ കേസില്‍ അറസ്റ്റിലായവര്‍ പറഞ്ഞതായി ഇവരുടെ അഭിഭാഷകര്‍ വ്യക്തമാക്കി.

പോളിനെ വധിച്ചെന്ന്‌ സമ്മതിക്കാന്‍വേണ്ടി ചെറിയ നാളികേരം ചാക്കില്‍ക്കെട്ടി ഇതുകൊണ്ട്‌ തങ്ങളെ പോലീസ്‌ ഇടിച്ചെന്നും ഇവര്‍ അഭിഭാഷകരോട്‌ പറഞ്ഞു.

അറസ്റ്റിലായവര്‍ ആലപ്പുഴയിലെ ഒരാളുടെ വധഭീഷണി നേരിടാന്‍ രണ്ട്‌ വാഹനങ്ങളില്‍ പോകുമ്പോഴാണ്‌ ആലപ്പുഴ - ചങ്ങനാശ്ശേരി റോഡിലെ സംഭവം. ഇവര്‍ സഞ്ചരിച്ച വണ്ടികളില്‍ ഒന്നായ ടെമ്പോ ട്രാവലര്‍ കേടായ സമയത്ത്‌, എതിര്‍ദിശയില്‍ വന്ന ഫോര്‍ഡ്‌ എന്‍ഡവര്‍ കാര്‍ ചങ്ങനാശ്ശേരി ഭാഗത്തേക്ക്‌ പോയ ബൈക്ക്‌യാത്രികനെ തട്ടിയിട്ട്‌ നിര്‍ത്താതെപോയി. കേടാകാത്ത മറ്റൊരു കാറില്‍ ഇവര്‍ നിര്‍ത്താതെപോയ വാഹനം പിന്തുടര്‍ന്നു.

പൊങ്ങ ജ്യോതി ജങ്‌ഷനില്‍ എന്‍ഡവര്‍ കാര്‍ നിര്‍ത്തിയ നിലയില്‍ കണ്ടു. ബൈക്ക്‌ യാത്രികനെ നോക്കാതെ പോയതിനെച്ചൊല്ലി ഇവര്‍ തമ്മില്‍ വാക്കേറ്റമായി. ഇതിനിടെ എന്‍ഡവര്‍ കാറില്‍ ഉണ്ടായിരുന്ന ഒരാള്‍ സംഘത്തില്‍പ്പെട്ട കാരി സതീശനുനേരെ കത്തിവീശി. ഇത്‌ ചെറുക്കുന്നതിനിടെയാണ്‌ കൈക്ക്‌ ആഴത്തില്‍ മുറിവേറ്റതെന്നും ഇവര്‍ പറഞ്ഞു.

ഈസമയം കാരി സതീശന്റെ കൂട്ടത്തില്‍പ്പെട്ട ഒരാള്‍ എന്‍ഡവര്‍ കാറിന്റെ ഡോര്‍ പുറത്തുനിന്ന്‌ തുറന്നു. അപ്പോള്‍ പോളിന്റെ ജഡം പുറത്തേക്ക്‌ മറിഞ്ഞുവരുന്നതായി കണ്ടുവെന്നും ഇവര്‍ പറഞ്ഞിട്ടുണ്ട്‌. പോളിന്റെ കൂട്ടാളികളായ മറ്റൊരു സംഘവും ഇതേ സ്ഥലത്തേക്ക്‌ വരുന്നതുകണ്ട്‌ ഇവര്‍ രക്ഷപ്പെടുകയായിരുന്നു.

അറസ്റ്റിലായവരുടെ വെളിപ്പെടുത്തല്‍പ്രകാരം പോള്‍ കൊല്ലപ്പെട്ടത്‌ കാറിനുള്ളില്‍ത്തന്നെയാകാമെന്ന്‌ ഇവരുടെ അഭിഭാഷകര്‍ ചൂണ്ടിക്കാട്ടുന്നു. ചില പ്രമുഖരെ രക്ഷിക്കാനാണ്‌ പോലീസ്‌ ശ്രമിക്കുന്നതെന്നും അഭിഭാഷകര്‍ പറഞ്ഞു.

ഇത് കേസന്വേഷണത്തെക്കുറിച്ച് ഐ.ജി പറഞ്ഞതായി പത്രങ്ങള്‍ മുന്‍പ് റിപ്പോര്‍ട്ട് ചെയ്ത വാര്‍ത്തയുടെ ഭാഗം.

കേസന്വേഷണത്തെക്കുറിച്ചും സംഭവത്തെക്കുറിച്ചും ഐ.ജി പറയുന്നത്‌ ഇങ്ങനെ: എറണാകുളത്തുനിന്നും സുഹൃത്തുക്കള്‍ക്കൊപ്പം പോള്‍ മാരാരിക്കുളത്ത്‌ സ്വന്തമായുള്ള റിസോര്‍ട്ടിലെത്തി ഭക്ഷണം കഴിക്കുകയും പിന്നീട്‌ ചമ്പക്കുളത്തുള്ള റിസോര്‍ട്ടിലേക്ക്‌ പോകുകയുമായിരുന്നു. എ.സി റോഡില്‍ പള്ളാത്തുരുത്തിയിലെത്തിയപ്പോള്‍ ഇവിടുത്തെ റിസോര്‍ട്ടില്‍നിന്നും ചമ്പക്കുളത്ത്‌ പുതുതായി വാങ്ങിയ റിസോര്‍ട്ടിന്റെ താക്കോല്‍ എടുക്കുന്നതിനായി പിന്നാലെ മറ്റൊരു വാഹനത്തിലുണ്ടായിരുന്ന ഡ്രൈവര്‍ ഷിബുവിനെ പറഞ്ഞുവിട്ടശേഷം എന്‍ഡവര്‍ കാറില്‍ പോളും സംഘവും ചമ്പക്കുളത്തേക്ക്‌ പോകുകയായിരുന്നു. മനു എന്നയാളും കുപ്രസിദ്ധ ഗുണ്ടകളായ ഓംപ്രകാശ്‌, പുത്തന്‍പാലം രാജേഷ്‌ എന്നിവരാണ്‌ വാഹനത്തിലുണ്ടായിരുന്നതെന്ന്‌ സൂചനയുണ്ട്‌. യാത്രയ്ക്കിടെ പള്ളാത്തുരുത്തിയ്ക്ക്‌ കിഴക്കുഭാഗത്തുവച്ച്‌ ചങ്ങനാശ്ശേരിയിലെ ഭാര്യവീട്ടിലേയ്ക്ക്‌ പോകുകയായിരുന്ന ബിജു എന്ന ബൈക്ക്‌ യാത്രക്കാരനെ ഇവരുടെ വാഹനം തട്ടിയിട്ടശേഷം നിര്‍ത്താതെ പോകുകയുമായിരുന്നു. ഈ സമയം ആലപ്പുഴ മണ്ണഞ്ചേരിയിലെ ഒരു ഗുണ്ടാസംഘത്തിന്റെ പ്രശ്നം പരിഹരിക്കുന്നതിനായി വരുകയായിരുന്ന ചങ്ങനാശേരി റെയില്‍വേ സ്റ്റേഷന്‍ കോളനിയിലെ ക്വട്ടേഷന്‍ സംഘത്തിന്റെ ടെമ്പോട്രാവലറിന്റെ വീല്‌ ഊരിപ്പോയതുമൂലം ഇവര്‍ വഴിയില്‍ കിടക്കുകയായിരുന്നു.

ഈ സമയമാണ്‌ ബൈക്ക്‌ യാത്രക്കാരനെ തട്ടിയ വാഹനം നിര്‍ത്താതെ പോയത്‌ ഗുണ്ടാസംഘത്തെ ക്ഷുഭിതരാക്കിയത്‌. മൂന്നു വാഹനങ്ങളിലായി എത്തിയ 22 ഓളം വരുന്ന ഗുണ്ടാസംഘത്തിലെ ചിലര്‍ മറ്റൊരു വാഹനത്തില്‍ പോളിന്റെ വാഹനത്തെ പിന്‍തുടരുകയും നെടുമുടി ജ്യോതി ജംഗ്ഷനില്‍വെച്ച്‌ ഇവരുമായി വാക്കുതര്‍ക്കമുണ്ടാകുകയുമായിരുന്നു. ബൈക്കില്‍ തട്ടിയ കാറിന്‌ എന്തെങ്കിലും സംഭവിച്ചോ എന്നറിയാന്‍ റോഡിനരികു ചേര്‍ത്ത്‌ പോളും സംഘവും സഞ്ചരിച്ച കാര്‍ നിര്‍ത്തിയിട്ടിരിക്കുമ്പോഴാണ്‌ ഗുണ്ടാസംഘം എത്തിയത്‌. പിന്നീട്‌ പോളിനും വാഹനത്തിലുണ്ടായിരുന്ന മനുവിനും കുത്തേല്‍ക്കുകയായിരുന്നു. സംഭവസ്ഥലത്തുവച്ചുതന്നെ പോള്‍ മരിച്ചു. ഈ സമയം വാഹനത്തിലുണ്ടായിരുന്നു എന്ന്‌ കരുതപ്പെടുന്ന ഓം പ്രകാശും രാജേഷും എന്‍ഡവര്‍ കാറുമായി രക്ഷപെടുകയായിരുന്നു. ഇവരുടെ നിലപാടുകള്‍ സംശയാസ്പദമായി തുടരുകയാണെന്നും ഐ ജി പറഞ്ഞു.

പോളും ഗുണ്ടാസംഘവും തമ്മിലുള്ള ബന്ധത്തെക്കറിച്ചും കേസില്‍ ഇവര്‍ക്ക്‌ എന്തെങ്കിലും തരത്തില്‍ പങ്കുണ്ടോ എന്നും അന്വേഷിക്കുന്നുണ്ടെന്ന്‌ ഐ ജി വ്യക്തമാക്കി. സംഭവദിവസം ഗുണ്ടാസംഘം ചങ്ങനാശേരിയിലെ ബാറില്‍നിന്നും മദ്യപിച്ചശേഷമാണ്‌ എത്തിയത്‌.

പോളിന്റെ പോസ്റ്റുമോര്‍ട്ടം റിപ്പോര്‍ട്ടിലും മദ്യപിച്ചതായി തെളിഞ്ഞിട്ടുണ്ടെന്നും ഐ.ജി വ്യക്തമാക്കി. അന്വേഷണത്തിന്റെ ആദ്യപടി മാത്രമെ ആയിട്ടുള്ളു. കേസിന്റെ ഓരോ വശങ്ങള്‍ പരിശോധിച്ച്‌ സാധ്യതകള്‍ വിലയിരുത്തി അന്വേഷണം ഊര്‍ജ്ജിതമാക്കി വരികയാണെന്നും ഐ ജി വിന്‍സന്‍ എം പോള്‍ പറഞ്ഞു.

പോലീസ് നല്‍കിയ സംഭവവിവരണവുമായി മാതൃഭൂമിയില്‍ പ്രതികളുടെ അഭിഭാഷകന്‍ നല്‍കിയ വിവരണം ഏതാണ്ട് ഒത്തു പോകുന്നില്ലേ? അഭിഭാഷകന്‍ തന്റെ കക്ഷികളെ രക്ഷിക്കാനുള്ള വഴി നോക്കും എന്നതും, ഈ വാര്‍ത്ത നല്‍കുമ്പോഴും മാതൃഭൂമിക്ക് അവരുടേതായ ഉദ്ദേശ്യം കാണും എന്നതും സത്യം. നോക്കാം.

എന്നാലും നമുക്കിതിലെ വസ്തുതകള്‍ എടുത്ത് പഴയ വാര്‍ത്തകളുമായി താരതമ്യം ചെയ്ത് നോക്കാം.

ഐജി പറഞ്ഞത് മുച്ചൂടും തെറ്റാണെന്ന് സ്ഥാപിക്കുകയായിരുന്നു മാധ്യമങ്ങള്‍. “മാധ്യമങ്ങള്‍ക്കു മുന്നില്‍ പോലീസ്‌ അവതരിപ്പിച്ച കഥ“ എന്നതായിരുന്നു സ്ഥിരമായി ആവര്‍ത്തിച്ചിരുന്ന പ്രയോഗം.

അവരുടെ പ്രധാന ചോദ്യങ്ങള്‍

1.ടയര്‍ ഊരിപ്പോയാല്‍ വണ്ടി നിലത്തിടിക്കില്ലേ? അതുകൊണ്ട് പോലീസ് പറയുന്നത് നുണയാണ്

2.കൊട്ടേഷനു പോകുന്നവര്‍ വഴിയില്‍ ഒരു ബൈക്കിനെ ഇടിച്ചിടുന്ന വാഹനത്തിനു പിറകെ പോകുമോ, അതിനു മാത്രം സാമൂഹ്യ ബോധം ഗുണ്ടകള്‍ക്കുണ്ടാകുമോ? (ഇന്ത്യാവിഷന്‍ ചാനലില്‍ നികേഷ് കൈകൊണ്ട് ഒരു അപ്പോസ്റ്റഫി കാണിച്ചുകൊണ്ടായിരുന്നു ചര്‍ച്ച അവതരിപ്പിക്കുമ്പോള്‍ സാമൂഹ്യബോധം എന്ന വാക്ക് പ്രയോഗിച്ചിരുന്നത്.) “അതിവേഗത്തില്‍ പായുന്ന എന്‍ഡവര്‍ കാറിനെ പിന്തുടര്‍ന്നു ചെന്നു തടയാന്‍ ടെംപോ ട്രാവലറിനു കഴിയുമോയെന്ന സംശയം ചില കോണുകളില്‍ നിന്നുയര്‍ന്നു‍“ എന്നു പറഞ്ഞ് ഈ പിന്തുടരല്‍ കഥ നുണയാണെന്ന് സ്ഥാപിക്കുകയായിരുന്നു അവര്‍. സാമൂഹ്യബോധത്തിന്റെ പുറത്തല്ല അകത്തുള്ള വെള്ളത്തിന്റെ പുറത്താണ് പിന്തുടരല്‍ എന്ന് ആരു കണ്ടതായി ഭാവിക്കാന്‍?

3. സതീഷിനിതുമായി ബന്ധമില്ല, 15 ലക്ഷം രൂപയ്ക്ക് കുറ്റം ഏറ്റതാണ്

ആദ്യദിവസത്തെ(24/08/09) പത്രങ്ങള്‍ വായിച്ചാല്‍ അതിലൊരിടത്തും പോലീസ് എന്തോ കള്ളക്കളി കളിക്കുന്നു എന്നതിന്റെ സൂചന പോലുമില്ല. മാതൃഭൂമി വളരെ വിശദമായി തന്നെ അതീവ ഗൌരവത്തോടെ പോലീസ് കേസന്വേഷിക്കുന്നതിനെപ്പറ്റി പറയുന്നുണ്ട്.

“വലിയ ഒരു വ്യവസായ ശൃംഖലയിലെ പ്രധാന വ്യക്തിയുടെ കൊലപാതകം അതീവ ഗൗരവത്തോടെയാണ്‌ പോലീസ്‌ കൈകാര്യം ചെയ്യുന്നത്‌. ഐജി വിന്‍സന്‍ എം. പോള്‍ ശനിയാഴ്‌ച സ്ഥലത്തെത്തി അന്വേഷണ പുരോഗതി വിലയിരുത്തി. എസ്‌പി ഇ. ദിവാകരന്‍, ഡിവൈഎസ്‌പി കെ.എം.ടോമി, ആലപ്പുഴ നോര്‍ത്ത്‌ സിഐ കെ.എ.തോമസ്‌ എന്നിവരാണ്‌ അന്വേഷണത്തിന്‌ മേല്‍നോട്ടം വഹിക്കുന്നത്‌.“

അതേ ദിവസത്തെ മംഗളത്തില്‍ ഉള്ള ഒരു വരി ഇങ്ങനെയായിരുന്നു

“കൊലപാതകത്തിന് പിന്നില്‍ തിരുവനന്തപുരെത്ത രണ്ട് കുപ്രസിദ്ധ ഗുണ്ടാത്തലവന്മാര്‍ക്ക് പങ്കുള്ളതായി പോലീസ് അറിയിച്ചു.“

ഈ ദിവസങ്ങളില്‍ പത്രങ്ങള്‍ക്കറിയില്ലായിരുന്നു രണ്ട് കുപ്രസിദ്ധ ഗുണ്ടകള്‍ എന്നു പറയുന്നത് ഓം പ്രകാശും രാജേഷും ആയിരുന്നുവെന്ന്. രണ്ട് ഗുണ്ടകള്‍ ഉണ്ടായിരുന്നതായി അറിയിക്കുന്നതും പോലീസ് തന്നെ. “തിരുവനന്തപുരം ജില്ല കേന്ദ്രമാക്കി പ്രവര്‍ത്തിക്കുന്ന രണ്ട്‌ ഗുണ്ടാ സംഘങ്ങളില്‍പ്പെട്ടവരാണിവരെന്ന്‌ അറിയുന്നു.“ എന്ന മാത്രമാണ് മാതൃഭൂമിക്ക് അന്ന് അറിവുണ്ടായിരുന്നത്.

പിറ്റേന്നും അതിന്റെ പിറ്റേന്നുമായി പത്രങ്ങളില്‍ കഥകള്‍ ആകെ മാറി മറയുകയാണ്. “ഭരണ, രാഷ്‌ട്രീയ, സിനിമാ, സാംസ്‌കാരിക മേഖലകളിലുള്ളവരുമായി അടുത്ത ബന്ധമാണ്‌ ഓംപ്രകാശിനുള്ളത്‌" എന്നെഴുതിയവര്‍ ഇതിലെ ഭരണ, രാഷ്ട്രീയ ബന്ധങ്ങളില്‍ നിന്ന് തങ്ങള്‍ക്ക് താല്പര്യമുള്ളവരെ മാറ്റുകയും, തങ്ങള്‍ക്ക് താല്പര്യമില്ലാത്തവര്‍ക്ക് ഓം പ്രകാശുമായി ബന്ധമുണ്ടായിരുന്നെവെന്ന് സ്ഥാപിക്കുവാന്‍ ഭൂതകാലം ചികയാന്‍ ആരംഭിക്കുകയുമാണ്। പോലീസ് പറയുന്ന ഓരോ വസ്തുതയും തെറ്റാണെന്ന് സ്ഥാപിക്കുവാനായി പരസ്പരവിരുദ്ധമായ വാര്‍ത്തകളുടെ ഒരു നിര തന്നെ ഇവര്‍ പടുത്തുയര്‍ത്തുകയായി. പോലീസിന്റേത് പ്രാഥമിക നിഗമനം മാത്രമാണെന്നും, എല്ലാ വശങ്ങളും അന്വേഷിക്കുന്നുണ്ടെന്നുമുള്ളതുമൊന്നും പിന്നീടിവര്‍ കണ്ടതേയില്ല. പോലീസ് കണ്ടെത്തിയ പ്രതിയെ നിരപരാധിയാക്കാനും ഇവര്‍ ശ്രമിച്ചു. അതിനായി അയാളുടെ ബന്ധുക്കളെ വരെ ഉപയോഗിച്ചു. പത്ത് വര്‍ഷം മുന്‍പത്തെ ഒരു രശീത്, അതും മറ്റാരുടെയോ പേരിലുള്ളത് ഇവര്‍ക്ക് അടിസ്ഥാന തെളിവായി. രാഷ്ട്രീയവശം പറയുകയാണെങ്കില്‍ കൊടിയേരി ഒറ്റപ്പെടുകയാണെന്ന് വാര്‍ത്തയില്‍ പറഞ്ഞിരിക്കുന്നതിനു നേരെ എതിരായ കാര്യങ്ങള്‍ “പിണറായി കൊടിയേരിക്ക് പിന്തുണയുമായി രംഗത്ത്” എന്ന വാര്‍ത്തയില്‍ കൊടുക്കാനും ഇവര്‍ മടിച്ചില്ല. പരസ്പരവിരുദ്ധമായ വാര്‍ത്തകളിലും സി.പി.എം വിരുദ്ധത ആവോളം ചെലുത്താന്‍ ഇവര്‍ മറന്നുമില്ല. താന്‍ ഓടിച്ചിരുന്ന വണ്ടി നിര്‍ത്താനായി ഓം പ്രകാശ് ബൈക്കുകാരനെ മനഃപൂര്‍വം ഇടിച്ചിടുകയായിരുന്നു എന്നു വരെ ഇവര്‍ എഴുതി വിട്ടിരുന്നു. (അതല്ലാതെ വണ്ടി നിര്‍ത്താന്‍ ഡ്രൈവര്‍ക്ക് വഴിയൊന്നുമില്ലെന്ന് നാം വിശ്വസിച്ചുകൊള്ളണം.)

ഇപ്പോഴിതാ പ്രതികളുടെ അഭിഭാഷകരെ കോട്ട് ചെയ്ത് എഴുതിയിരിക്കുന്ന വാര്‍ത്തയിലൂടെ പോലീസ് പറഞ്ഞതായിരുന്നു ശരി എന്ന് മാതൃഭൂമി പറയുകയാണ്. അവരത് പ്രത്യക്ഷത്തില്‍ സമ്മതിക്കുന്നില്ലെങ്കിലും.

മുകളില്‍ നല്‍കിയ 3 ചോദ്യങ്ങള്‍ക്ക് ഈ വാര്‍ത്തയില്‍ നിന്നും ലഭിക്കുന്ന ഉത്തരങ്ങള്‍

1. ഇവര്‍ സഞ്ചരിച്ച വണ്ടികളില്‍ ഒന്നായ ടെമ്പോ ട്രാവലര്‍ കേടായിരുന്നു. വഴിയില്‍ നിര്‍ത്തി നന്നാക്കുകയായിരുന്നു.

2. എതിര്‍ദിശയില്‍ വന്ന ഫോര്‍ഡ്‌ എന്‍ഡവര്‍ കാര്‍ ചങ്ങനാശ്ശേരി ഭാഗത്തേക്ക്‌ പോയ ബൈക്ക്‌യാത്രികനെ തട്ടിയിട്ട്‌ നിര്‍ത്താതെപോയി. കേടാകാത്ത മറ്റൊരു കാറില്‍ ഇവര്‍ നിര്‍ത്താതെപോയ വാഹനം പിന്തുടര്‍ന്നു.

3. സതീഷാണോ കൊന്നത് അല്ലയോ എന്നത് തെളിയേണ്ട കാര്യമാണ്. പക്ഷേ കശപിശ നടക്കുന്ന സമയത്ത് സതീഷ് അവിടെ ഉണ്ടായിരുന്നതായി സതീഷ് തന്നെ സമ്മതിക്കുന്നു. പോലീസിനോടല്ല, അഭിഭാഷകന്‍ വഴി പത്രക്കാരോട്. പരിക്ക് അവിടെ വെച്ച് പറ്റിയതാണെന്നും ഈ വാര്‍ത്തയില്‍ നിന്ന് വെളിവാകുന്നുണ്ട്.

വണ്ടി കേടായെന്നും, അപകടം നടന്നെന്നും, അതു കണ്ട് പിന്തുടര്‍ന്നെന്നും, കശപിശ ഉണ്ടായെന്നും ഉള്ള സാഹചര്യത്തെളിവുകള്‍ ഇവരുടെ അഭിഭാഷകന്‍ തന്നെ സമ്മതിക്കുന്നുവെങ്കില്‍ പോലീസ് നല്‍കിയ വിവരണം പ്രഥമദൃഷ്ട്യാ ശരിയാകുകയാണ്.

കേസിലെ യഥാര്‍ഥ പ്രതികള്‍ അകത്താകേണ്ടതുണ്ട് എന്ന കാര്യത്തില്‍ സംശയമൊന്നുമില്ല. പക്ഷേ, മാധ്യമങ്ങള്‍ ചൂണ്ടിക്കാണിക്കുന്നവരെ പ്രതിയാക്കുക എന്നതല്ല പോലീസിന്റെ ചുമതല. ഒരു വിധ സമ്മര്‍ദ്ദത്തിനും വഴങ്ങാതെ കേസ് അന്വേഷിക്കുക എന്നത് തന്നെയാണ് അവര്‍ ചെയ്യേണ്ടത്. പോലീസിന്റെ ഭാഗത്തു നിന്ന് അനാസ്ഥയുണ്ടാകുന്നുവെങ്കില്‍ സത്യസന്ധമായി ചൂണ്ടിക്കാണിക്കുന്നതിനു പകരം, തങ്ങളുടെ രാഷ്ട്രീയ താല്പര്യത്തിനനുസരിച്ച് കഥകള്‍ മെനയുകയാണെങ്കില്‍, ധാര്‍മ്മികത കയ്യൊഴിയുകയാണെങ്കില്‍, ചിലരെ പ്രതിയാക്കുകയും, ചിലരെ പ്രതിയല്ലാതാക്കുകയും ഒക്കെ ചെയ്യുകയാണെങ്കില്‍ പിന്നെ അവര്‍ക്ക് നാലാം തൂണിന്റെ പരിരക്ഷ കൊടുക്കേണ്ട കാര്യമില്ല.

ഓം പ്രകാശിനെ ഗുണ്ടാ ലിസ്റ്റില്‍ പെടുത്തിയതും, അയാളുടെ സ്വത്ത് കണ്ടുകെട്ടാനുള്ള നടപടികള്‍ തുടരുന്നതും എല്‍.ഡി.എഫ് സര്‍ക്കാര്‍ അധികാരത്തില്‍ വന്നതിനുശേഷമാണ്. യു.ഡി.എഫ് അധികാരത്തില്‍ ഇരിക്കുന്ന സമയത്താണ് ഓം പ്രകാശിനു പാസ്പോര്‍ട്ട് ലഭിച്ചിട്ടുള്ളത് എന്നതും ഈ വാര്‍ത്താതിസാരത്തിന്റെ കൂട്ടത്തില്‍ നാം ഓര്‍ക്കേണ്ടതുമുണ്ട്.

അന്വേഷണാത്മക പത്രപാരായണം എന്ന പോസ്റ്റും നോക്കാം.

എല്ലാവര്‍ക്കും ഓണാശംസകള്‍.

ഏതാണ് വിശ്വസിക്കേണ്ടത്?

2009-08-31T13:00:00.000+05:30

മംഗളം പത്രത്തില്‍ വന്ന രണ്ട് വാര്‍ത്തകള്‍ താഴെ

ഒന്നാം വാര്‍ത്ത:

പോള്‍ വധം: സി.പി.എമ്മില്‍ ഭിന്നത: കോടിയേരി ഒറ്റപ്പെടുന്നു

തിരുവനന്തപുരം: പോള്‍ വധത്തെ തുടര്‍ന്നുണ്ടായ രാഷ്‌ട്രീയ ധ്രുവീകരണത്തില്‍ ആഭ്യന്തരമന്ത്രി കോടിയേരി ബാലകൃഷ്‌ണന്‍ സി.പി.എമ്മില്‍ ഒറ്റപ്പെടുന്നു. സംസ്‌ഥാന സെക്രട്ടറി പിണറായി വിജയനും അദ്ദേഹത്തോട്‌ അനുകൂലമായ നിലപാടല്ല സ്വീകരിക്കുന്നത്‌. അന്വേഷണത്തിലെ ദുരൂഹതകള്‍ പാര്‍ട്ടി നേതൃത്വത്തിലും കീഴ്‌ഘടകങ്ങളിലും അതൃപ്‌തിക്കിടയാക്കിയിട്ടുണ്ട്‌.

മുഖ്യമന്ത്രി വി.എസ്‌.അച്യുതാനന്ദന്‍ കേസ്‌ അന്വേഷണത്തിന്റെ പുരോഗതിയെക്കുറിച്ച്‌ അന്വേഷിക്കുകയോ ഇടപെടുകയോ ചെയ്‌തിട്ടില്ല.

കോടിയേരിയുടെ നടപടികളെ അനുകൂലിച്ച്‌ പാര്‍ട്ടി നേതാക്കളില്‍ ആരും തന്നെ രംഗത്തെത്തിയിട്ടില്ല. മാധ്യമങ്ങള്‍ക്കെതിരേ അദ്ദേഹം നടത്തിയ പ്രകോപനപരമായ പരാമര്‍ശം അസ്‌ഥാനത്തായിപ്പോയി എന്ന വികാരം അവര്‍ക്കിടയിലുണ്ട്‌. ക്രമസമാധാന പ്രശ്‌നത്തിന്റെ പേരില്‍ പിണറായി വിജയന്‍ പത്രസമ്മേളനം വിളിച്ചു ചേര്‍ത്തത്‌ എല്ലാവരെയും അത്ഭുതപ്പെടുത്തി. കേസന്വേഷണത്തില്‍ പോലീസിന്റെ നടപടികളില്‍ വീഴ്‌ചയുണ്ടോ എന്ന ചോദ്യത്തിനു നല്ല രീതിയില്‍ അന്വേഷണം പുരോഗമിക്കുകയാണെന്നു മാത്രമാണ്‌ പിണറായി പറഞ്ഞത്‌. വീഴ്‌ചയില്ലെന്നു പറയാന്‍ അദ്ദേഹം തയാറായില്ല.

മന്ത്രിപുത്രന്‍മാര്‍ക്കെതിരായ ആരോപണങ്ങള്‍ക്കു വ്യക്‌തമായ മറുപടി പറയാന്‍ അദ്ദേഹം തയാറായില്ല. പകരം ഏതു മന്ത്രിയുടെ പുത്രന്‍ എന്നു വ്യക്‌തമാക്കണമെന്നും ഇതെല്ലാം കെട്ടിച്ചമച്ച കഥകളാണെന്നും ഒഴുക്കന്‍മട്ടില്‍ പറഞ്ഞുപോവുക മാത്രമാണു ചെയ്‌തത്‌.

പൊതുവില്‍ പോലീസിന്റെ പ്രവര്‍ത്തനങ്ങളെക്കുറിച്ചും സംസ്‌ഥാനത്തിന്റെ ക്രമസമാധാനത്തെക്കുറിച്ചും ഏറെ വാചാലനായ പിണറായിയുടെ വാക്കുകള്‍ സൂക്ഷ്‌മമായി പരിശോധിച്ചാല്‍ കോടിയേരിക്കെതിരാണെന്നു തോന്നിപ്പിക്കുന്ന പലതും പറഞ്ഞതായി കാണാനുമാവും. ആഭ്യന്തര വകുപ്പിന്റെ പ്രവര്‍ത്തനങ്ങളെക്കുറിച്ചു വിശദമായി ചര്‍ച്ച ചെയ്യണമെന്ന ആവശ്യം പാര്‍ട്ടിവേദികളില്‍ സജീവമാണ്‌. സംസ്‌ഥാനത്തു നടക്കുന്ന സാമ്പത്തിക ക്രമസമാധാന വിവാദങ്ങളിലെല്ലാം മന്ത്രിമാരുടെയും പാര്‍ട്ടിയുടെ മുതിര്‍ന്ന നേതാക്കളുടെയും മക്കളുടെ പേരുകള്‍ ഉയര്‍ന്നുവരുന്നത്‌ ആശങ്കയോടെയാണു കാണുന്നത്‌.

പാര്‍ട്ടി വിഭാഗീയതയുടെ മറവില്‍ ഇത്രയും കാലം കണ്ടില്ലെന്നു നടിച്ചെങ്കിലും ഇനി ഇക്കാര്യങ്ങള്‍ പരിശോധിക്കാതിരിക്കാനാവില്ലെന്ന

വികാരമാണ്‌ ഉയരുന്നത്‌. പാര്‍ട്ടിയിലെ പുതിയ രാഷ്‌ട്രീയ ധ്രുവീകരണങ്ങളില്‍ തോമസ്‌ ഐസക്ക്‌ എടുക്കുന്ന നിലപാടിനാണ്‌ ഏറെ പ്രാധാന്യം കല്‍പ്പിക്കപ്പെടുന്നത്‌.

ഇ.പി. ജയരാജന്‍ ഉള്‍പ്പെടെ കണ്ണൂരില്‍ നിന്നുള്ള നേതാക്കള്‍ കോടിയേരിക്ക്‌ അനുകൂലമായ നിലപാടു സ്വീകരിച്ചാല്‍ ഐസക്ക്‌ വിപരീത നിലപാടെടുക്കുമെന്നു സൂചനയുണ്ട്‌.

രണ്ടാം വാര്‍ത്ത: അതേ പത്രത്തില്‍ നിന്ന്..അതേ ദിവസം

കോടിയേരിക്ക്‌ പിന്തുണയുമായി പിണറായി രംഗത്ത്‌

തിരുവനന്തപുരം: പോള്‍ എം.മുത്തൂറ്റിന്റെ കൊലപാതകവുമായി ബന്ധപ്പെട്ട ദുരൂഹതകള്‍ മുറുകുന്നതിനിടെ പാര്‍ട്ടിക്കും ആഭ്യന്തരമന്ത്രി കോടിയേരി ബാലകൃഷ്‌ണനുമെതിരായ ആരോപണങ്ങള്‍ക്കുള്ള മറുപടിയുമായി സി.പി.എം സംസ്‌ഥാന സെക്രട്ടറി പിണറായി വിജയന്‍ രംഗത്തെത്തി.

ആര്‍.എസ്‌.എസുകാരനാണ്‌ കൊലയാളിയെന്നു പത്രസമ്മേളനത്തില്‍ അദ്ദേഹം ആരോപിച്ചു. പോള്‍ എം.മുത്തൂറ്റിന്റെ ഭൂതകാലത്തെക്കുറിച്ചു വിശദമായ അന്വേഷണം നടത്തണമെന്നും ആവശ്യപ്പെട്ടു. രാഷ്‌ട്രീയമായി ചിലരെ ക്രൂശിക്കാന്‍ ശ്രമിക്കുന്നു എന്നു തോന്നിയതിനാലാണ്‌ താന്‍ വിശദീകരണവുമായി രംഗത്തെത്തിയതെന്നും പിണറായി വ്യക്‌തമാക്കി.

വഴിവിട്ട ചില രീതികളും അതിന്റെ തുടര്‍ച്ചയായി വഴിവിട്ട ബന്ധങ്ങളും പോളിനുണ്ടായിരുന്നതായും അദ്ദേഹം ആരോപിച്ചു. 2007ല്‍ ഡല്‍ഹിയില്‍ പോളിനെ മയക്കുമരുന്ന്‌ ഉപയോഗിച്ചതിന്റെ പേരില്‍ പോലീസ്‌ അറസ്‌റ്റ് ചെയ്യുകയും രണ്ടു ദിവസം ലോക്കപ്പിലിടുകയും ചെയ്‌തിട്ടുണ്ട്‌.

ഓംപ്രകാശ്‌, രാജേഷ്‌ തുടങ്ങിയ ഗുണ്ടകള്‍ പോളിനൊപ്പം സഞ്ചരിച്ചത്‌ ഒന്നുകില്‍ ഏതെങ്കിലും സംഘത്തെ തടയാന്‍ ഉദ്ദേശിച്ചായിരിക്കും. അല്ലെങ്കില്‍ ആരെയെങ്കിലും നേരിടാനാവണം. കൊലയ്‌ക്കു പിന്നില്‍ കുടുംബവഴക്കിന്റെ പ്രശ്‌നങ്ങള്‍ ഉണ്ടെന്നു ചില മാധ്യമങ്ങള്‍ റിപ്പോര്‍ട്ട്‌ ചെയ്‌തിട്ടുണ്ട്‌. അതിന്റെ അപ്പുറവും ഇപ്പുറവും രാഷ്‌ട്രീയത്തില്‍ സജീവമായി നില്‍ക്കുന്നവരുമുണ്ടെന്ന്‌ അദ്ദേഹം പറഞ്ഞു. പോള്‍ ഗുണ്ടകളെയും കൂട്ടി സഞ്ചരിച്ചത്‌ എന്തിനാണെന്ന്‌ അന്വേഷിക്കണം. ട ആകൃതിയിലുള്ള കത്തി സാധാരണ ആര്‍.എസ്‌.എസുകാര്‍ ഉപയോഗിക്കുന്നതാണ്‌. ഇത്‌ ഉപയോഗിച്ചത്‌ ആര്‍.എസ്‌.എസുകാരനാണെന്ന്‌ പിന്നീട്‌ വ്യക്‌തമായതായും പിണറായി ചൂണ്ടിക്കാട്ടി.

ആര്‍.എസ്‌.എസുകാരനാണ്‌ കൊലപാതകി എന്നതിനാല്‍ അവര്‍ക്കും ബി.ജെ.പിക്കും പലതും ഒളിക്കാനുണ്ട്‌. കോണ്‍ഗ്രസിനും പോള്‍ വധക്കേസില്‍ മറച്ചുവയ്‌ക്കാന്‍ എന്തോ ഉണ്ടെന്നാണ്‌ മനസിലാകുന്നത്‌. അന്വേഷണം വഴിതെറ്റിക്കാനുള്ള ശ്രമങ്ങളാണ്‌ തെറ്റിദ്ധാരണ പരത്തുന്ന വാര്‍ത്തകള്‍ക്കു പിന്നില്‍. ഇതുവരെയുള്ള അന്വേഷണം ഫലപ്രദമായി നടത്തിയിട്ടുണ്ട്‌. ഇപ്പോള്‍ നടത്തുന്ന അന്വേഷണം തടയേണ്ടതുണ്ട്‌ എന്ന്‌ ചിലര്‍ ആഗ്രഹിക്കുന്നു. ഓംപ്രകാശിനു പാര്‍ട്ടിയുമായി യാതൊരു ബന്ധവുമില്ല. അയാളെ ഗുണ്ടാപട്ടികയില്‍ പെടുത്തിയതും വാറണ്ട്‌ പുറപ്പെടുവിച്ചതും എല്‍.ഡി.എഫ്‌ സര്‍ക്കാരാണ്‌. മന്ത്രിപുത്രന്‍മാരെക്കുറിച്ചുള്ള ചോദ്യങ്ങള്‍ക്ക്‌ ഏതു മന്ത്രിയുടെ പുത്രന്‍ എന്നു വ്യക്‌തമാക്കാത്തത്‌ കാപട്യം നിറഞ്ഞ വാര്‍ത്താരീതിയാണെന്നായിരുന്നു പിണറായിയുടെ മറുപടി. ഏതെങ്കിലും മന്ത്രിപുത്രന്‍ എന്നു പറയുമ്പോള്‍ എല്ലാ മന്ത്രിമാരുടെയും പുത്രന്‍മാര്‍ വിശദീകരണവുമായി വരേണ്ട കാര്യമില്ല. ഇടതു മുന്നണി സര്‍ക്കാരിന്റെ പ്രവര്‍ത്തന ഫലമായി ഭദ്രമായ ക്രമസമാധാനനിലയാണ്‌ കേരളത്തിലുള്ളത്‌. ഇവിടെ യാതൊരു രക്ഷയുമില്ല എന്ന പ്രതീതി ഉണ്ടാക്കാനാണ്‌ തല്‍പരകക്ഷികള്‍ ശ്രമിക്കുന്നത്‌. യുവവ്യവസായിയായ പോളിന്റെ കൊലപാതകം എല്ലാവരിലും അമ്പരപ്പുണ്ടാക്കി. റിപ്പോര്‍ട്ട്‌ കിട്ടിയ ഉടന്‍ സ്‌തുത്യര്‍ഹമായ പ്രവര്‍ത്തനമാണ്‌ പോലീസ്‌ കാഴ്‌ചവച്ചത്‌.

സംഭവത്തിന്റെ യഥാര്‍ത്ഥ വസ്‌തുതകള്‍ അന്വേഷണത്തിലൂടെ പുറത്തുകൊണ്ടുവന്നത്‌ പോലീസ്‌ തന്നെയാണ്‌. പോളിന്റെ കൂടെ സഞ്ചരിച്ച ഓംപ്രകാശ്‌, രാജേഷ്‌ എന്നിവരെക്കുറിച്ചുള്ള വിവരം പുറത്തുകൊണ്ടുവന്നത്‌ പോലീസ്‌ ആണ്‌. സംഭവത്തില്‍ പങ്കെടുത്ത ആളുകള്‍ ആരൊക്കെയെന്നു പെട്ടെന്നു മനസിലാക്കാനും പോലീസിനു കഴിഞ്ഞു പോള്‍ സഞ്ചരിച്ച വാഹനം ചവറയില്‍ ഉപേക്ഷിച്ച നിലയില്‍ കണ്ടെത്തിയിരുന്നു.

ഇതു പോലീസ്‌ വിട്ടുകൊടുത്തു എന്നുവരെ പറയുന്ന അവസ്‌ഥയുണ്ടായി. കാര്‍ ഇപ്പോഴും പോലീസിന്റെ കസ്‌റ്റഡിയില്‍ തന്നെയാണ്‌. സംശയകരമായി കണ്ടെത്തിയ കാര്‍ കൊലപാതകത്തില്‍ ഉള്‍പ്പെട്ടതാണെന്ന്‌ പോലീസിന്‌ അറിയില്ലായിരുന്നു. അറിഞ്ഞതിനു ശേഷം എടുത്തുകൊണ്ടുപോകാന്‍ ശ്രമിച്ചവര്‍ക്കു വിട്ടുകൊടുത്തില്ല.

പെരിയ ബാങ്ക്‌ കവര്‍ച്ച, ചേലമ്പ്ര ബാങ്ക്‌ കവര്‍ച്ച, സന്തോഷ്‌ മാധവന്‍, ടോട്ടല്‍ ഫോര്‍ യു തുടങ്ങി ഒട്ടേറെ കേസുകള്‍ ഫലപ്രദമായി തെളിയിക്കാന്‍ എല്‍.ഡി.എഫ്‌ സര്‍ക്കാരിനും ആഭ്യന്തര വകുപ്പിനും കഴിഞ്ഞിട്ടുണ്ട്‌. എന്തു കഥയും മെനയാമെന്ന അവസ്‌ഥയിലാണ്‌ കേരളം.

പോലീസിന്റെ ഭാഗത്തുനിന്ന്‌ കേസന്വേഷണത്തില്‍ എന്തെങ്കിലും വീഴ്‌ച ഉണ്ടായിട്ടുണ്ടോ എന്ന ചോദ്യത്തിനു നല്ല രീതിയിലാണ്‌ കേസന്വേഷണം മുന്നോട്ടുപോകുന്നതെന്നായിരുന്നു പിണറായിയുടെ മറുപടി।

*

രണ്ട് വാര്‍ത്തയിലേയും ഊന്നലുകള്‍ എന്റേത്.

ഒരേ പത്രത്തില്‍ ഒരേ ദിവസം വന്ന ഈ രണ്ട് വാര്‍ത്തകളില്‍ ഏത് വിശ്വസിക്കണം എന്ന് നിങ്ങള്‍ തന്നെ തീരുമാനിക്കുക।

ഈ വിഷയത്തില്‍ ശ്രീ। പി।എം മനോജ് എഴുതിയ ‘ചത്തത് കീചകനെങ്കില്‍’ എന്ന പോസ്റ്റ് ഇവിടെ.

അതില്‍ നിന്നൊരു ഭാഗം മാത്രം കോപ്പി പേസ്റ്റ് ചെയ്യുന്നു।

26ന്റെ മനോരമയില്‍ 'എന്‍ഡവര്‍ കാറിലെ ആ 40 ലക്ഷം എവിടെ?' എന്നൊരു വാര്‍ത്തയുണ്ട്. നാല്‍പ്പതുലക്ഷം രൂപയടങ്ങിയ ബാഗ് കാറിലുണ്ടായിരുന്നു എന്ന് മനോരമ മാത്രം എങ്ങനെ കണ്ടെത്തി എന്നതവിടെ നില്‍ക്കട്ടെ. ആ വാര്‍ത്തയില്‍ പറയുന്നു: "തലസ്ഥാനത്തെ പ്രമുഖ ക്വട്ടേഷന്‍ ഗുണ്ടാത്തലവന്മാരായ ഓംപ്രകാശിനെയും പുത്തന്‍പാലം രാജേഷിനെയും വിശ്വസിച്ച് അവര്‍ക്കൊപ്പം കാറില്‍ കയറിയ പോളിനെ ചങ്ങനാശേരിയില്‍ നിന്നെത്തിയ ക്വട്ടേഷന്‍ സംഘത്തില്‍നിന്ന് രക്ഷിക്കാന്‍ ഓംപ്രകാശിനും രാജേഷിനും കഴിഞ്ഞില്ലത്രേ. അവര്‍ അതിനു ശ്രമിച്ചതായി സൂചനയുമില്ല''. അതേ പത്രം ഒന്നാം പേജില്‍തന്നെ, 'ഓംപ്രകാശിനും പരിക്കേറ്റിരുന്നതായി സൂചന' എന്ന തലക്കെട്ടില്‍ മറ്റൊരു വാര്‍ത്തയും നല്‍കിയിരിക്കുന്നു. "പോള്‍ എം. ജോര്‍ജിനെ ആക്രമിക്കുന്നതു തടയാന്‍ ശ്രമിച്ചപ്പോള്‍ ഒപ്പമുണ്ടായിരുന്ന ഗുണ്ടാത്തലവന്‍ ഓംപ്രകാശിനും പരിക്കേറ്റിരുന്നതായി സൂചന.'' എന്നാണ് കോട്ടയത്തുനിന്നുള്ള ആ വാര്‍ത്ത. തിരുവനന്തപുരത്തിനും നാഗര്‍കോവിലിനുമിടയിലെ രഹസ്യകേന്ദ്രത്തിലുള്ള ഓംപ്രകാശ് അവിടെ ചികിത്സ തേടിയെന്നാണ് പോലീസിനു ലഭിച്ച സൂചനയെന്നും പത്രം എഴുതുന്നു. ഏതാണ് വിശ്വസിക്കേണ്ടത്?

ശ്രീ। പി।എം മനോജിന്റെ ചോദ്യം ഒന്നു കൂടി ആവര്‍ത്തിക്കാം॥

ഏതാണ് വിശ്വസിക്കേണ്ടത്?

ഒരു വണ്ടിച്ചെക്ക്, പല പത്രങ്ങള്‍

2009-08-30T11:00:00.003+05:30

'ആളുവില കല്ലുവില’ എന്നാണ് പഴമൊഴി. കടം വാങ്ങി തിരിച്ച് കൊടുക്കാതിരിക്കുന്നതായാലും ശരി, നിങ്ങള്‍ കൊടുത്ത ചെക്ക് മടങ്ങിയാലും ശരി, അല്ല ഇനി നിങ്ങള്‍ വണ്ടിച്ചെക്ക് കൊടുത്താലും ശരി, പഴമൊഴി പഴമൊഴിയാണ്. മാധ്യമങ്ങളെ നിങ്ങളാരും റിപ്പോര്‍ട്ടിംഗ് പഠിപ്പിക്കണ്ട.

മുന്‍‌മന്ത്രി മുനീറുമായി ബന്ധപ്പെട്ട് ഇന്നത്തെ പത്രങ്ങളില്‍ വന്ന വാര്‍ത്തകളിലൂടെ വെറുതെ ഒരു ഓട്ടപ്രദക്ഷിണം....

ആദ്യം ദേശാഭിമാനി..വാര്‍ത്ത മുഴുവനായും താഴെ.

വണ്ടിച്ചെക്ക് കേസ് : എം കെ മുനീറിന് തടവും പിഴയും
സ്വന്തം ലേഖകന്‍

കോട്ടയം: വണ്ടിച്ചെക്ക് കേസില്‍ മുസ്ളിംലീഗ് നേതാവും മുന്‍ മന്ത്രിയുമായ എം കെ മുനീറിനെ തടവിനും 25 ലക്ഷം രൂപ പിഴയടയ്ക്കാനും ശിക്ഷിച്ചു. പൊതുമരാമത്തുമന്ത്രിയായിരിക്കെ കരാറുകാരനില്‍നിന്ന് വായ്പ എന്ന പേരില്‍ വാങ്ങിയ 25 ലക്ഷം രൂപ തിരിച്ചുകൊടുക്കാതെ വണ്ടിച്ചെക്ക് നല്‍കി കബളിപ്പിച്ചതിനാണ് ശിക്ഷ. കരാറുകാരനായ കോട്ടയം വെള്ളാപ്പള്ളിയില്‍ മാത്യു അലക്സില്‍നിന്ന് 25 ലക്ഷം രൂപ വാങ്ങി തിരിച്ചുകൊടുക്കാതെ വഞ്ചിച്ച കേസിലാണ് ശിക്ഷ. ഇന്ത്യാവിഷന്‍ ചാനല്‍ ചെയര്‍മാന്‍ എന്ന നിലയിലാണ് മുനീര്‍ വണ്ടിച്ചെക്ക് നല്‍കിയത്. മുനീറിനെ കൂടാതെ ഇന്ത്യാ വിഷന്‍ കമ്പനി സെക്രട്ടറി എസ് യോഗേന്ദ്രനാഥ്, റസിഡന്റ് ഡയറക്ടര്‍ ജമാലുദ്ദീന്‍ ഫാറൂഖി എന്നിവരും പ്രതികളാണ്. മൂന്നു പേരും ചേര്‍ന്നോ ഇന്ത്യാവിഷനോ 25 ലക്ഷം പിഴയായി അടയ്ക്കണം. ഇത് പരാതിക്കാരനു നല്‍കണമെന്ന് കോടതി ഉത്തരവിട്ടു. മൂന്നു പ്രതികളെയും ഒരു ദിവസംവീതം തടവിനാണ് കോട്ടയം ചീഫ് ജുഡീഷ്യല്‍ മജിസ്ട്രേട്ട് അമീര്‍ അലി ശിക്ഷിച്ചത്. പിഴ അടച്ചില്ലെങ്കില്‍ രണ്ടുമാസം തടവുകൂടി അനുഭവിക്കണം. മാത്യു അലക്സില്‍നിന്ന് 2005 മാര്‍ച്ച് 29നാണ് മുനീര്‍ കടമെന്ന പേരില്‍ 25 ലക്ഷം രൂപ വാങ്ങിയത്. ഉറപ്പിനായി ചെക്കും നല്‍കി. 15 ലക്ഷത്തിന്റെയും 10 ലക്ഷത്തിന്റെയും രണ്ട് ചെക്ക്. ഫെഡറല്‍ബാങ്ക് എറണാകുളം ശാഖയിലെ ചെക്കുകളായിരുന്നു ഇത്. മാത്യു അലക്സ് പലവട്ടം ആവശ്യപ്പെട്ടിട്ടും മുനീര്‍ പണം തിരിച്ചുകൊടുത്തില്ല. ചെക്ക് ബാങ്കില്‍ ഹാജരാക്കിയെങ്കിലും പണമില്ലാതെ മടങ്ങി. തുടര്‍ന്നാണ് കരാറുകാരന്‍ കോടതിയെ സമീപിച്ചത്. പരാതിക്കാരനുവേണ്ടി അഭിഭാഷകരായ സുരേഷ്ബാബു തോമസ്, വിനീത് ജേക്കബ് വര്‍ഗീസ് എന്നിവര്‍ ഹാജരായി.

യുഡിഎഫ് ഭരണകാലത്ത് ഇന്ത്യാ വിഷന്‍ ചാനല്‍ ചെയര്‍മാന്‍ എന്ന നിലയില്‍ മുനീര്‍ കരാറുകാരില്‍നിന്ന് കോടികളാണ് പിരിച്ചത്. 20 ലക്ഷം രൂപ കടമായി വാങ്ങി വണ്ടിച്ചെക്ക് നല്‍കി വഞ്ചിച്ചതിന് മുനീറിനെതിരെ കൊല്ലം പ്രിന്‍സിപ്പല്‍ സബ് കോടതിയില്‍ കേസ് നിലവിലുണ്ട്. ഇന്ത്യാവിഷന്റെ പേരില്‍ വായ്പയെടുത്ത് സംസ്ഥാന സഹകരണബാങ്കിനെ കബളിപ്പിച്ചതു സംബന്ധിച്ച് മുനീറിനും കൂട്ടര്‍ക്കുമെതിരെ നേരത്തെ വിജിലന്‍സ് കേസ് രജിസ്റ്റര്‍ ചെയ്തിരുന്നു. എട്ടു കോടി രൂപയാണ് സംസ്ഥാന സഹകരണബാങ്കിനു നഷ്ടപ്പെട്ടത്. ലക്ഷങ്ങള്‍ വാങ്ങി മുനീര്‍ ധാരാളം വണ്ടിച്ചെക്ക് നല്‍കിയിട്ടുണ്ട്. വിവിധ കാരണങ്ങളാല്‍ പലരും കോടതിയില്‍ പോകുന്നില്ല. പൊതുമരാമത്ത് കരാറുകാരില്‍നിന്ന് ഭീഷണിപ്പെടുത്തിയും കരാറുകള്‍ മറിച്ചുകൊടുത്തതിന് പ്രത്യുപകാരമായും വന്‍ തുക മുനീര്‍ ഇന്ത്യാവിഷനുവേണ്ടി സംഘടിപ്പിച്ചു. വായ്പ എന്നു പേരിട്ടാണ് ചാനലിനായി കോടികള്‍ വാങ്ങിയത്. പത്തു ലക്ഷം മുതല്‍ 50 ലക്ഷംവരെ പലരോടും പലപ്പോഴായി വാങ്ങി. ഒട്ടേറെ കരാറുകാര്‍ പണം നഷ്ടപ്പെട്ട വിവരം പുറത്തു പറഞ്ഞിട്ടില്ല. വായ്പയെന്നു പറഞ്ഞ് വാങ്ങുന്ന പണം ആരും തിരികെ ചോദിക്കില്ലെന്ന ഉറപ്പിലായിരുന്നു മുനീര്‍. എന്നാല്‍, പലരും പണം മടക്കിച്ചോദിച്ചു. ചിലര്‍ കോടതിയെ സമീപിക്കാന്‍ തയ്യാറായതോടെ മുനീര്‍ നിയമക്കുരുക്കിലകപ്പെട്ടു. പിഡബ്ള്യുഡി കരാറുകാരന്‍ ചവറ പുത്തന്‍ചന്ത വലിയകത്ത് ഹൌസില്‍ ഇബ്രാഹിം കുട്ടിയില്‍നിന്ന് 20 ലക്ഷം വാങ്ങി കബളിപ്പിച്ചതിനാണ് കൊല്ലം കോടതിയില്‍ കേസ്. പൊതുമരാമത്ത് പ്രവൃത്തികള്‍ വീതം വെച്ചതിന്റെ മറവില്‍ മുനീറിന്റെ ഭരണകാലത്ത് 1000 കോടിയോളം രൂപയുടെ വെട്ടിപ്പ് നടന്നിരുന്നു. ചില പരാതികള്‍ അന്വേഷണത്തിലാണ്.

സംഭവം പിടി കിട്ടിയല്ലോ അല്ലേ? യാഹൂ/വെബ് ദുനിയ സൈറ്റുകളും നോക്കാം. വാര്‍ത്തയുടെ ടോണില്‍ വലിയ വ്യത്യാസമില്ല. വണ്ടിച്ചെക്ക് കേസ് തന്നെ.

ഇനി മാതൃഭൂമി

വാര്‍ത്തയില്‍ ഇത്തിരി വ്യത്യാസമൊക്കെ വന്നിട്ടുണ്ടല്ലേ? ഇത്തിരിയൊന്ന് പോളിഷ് ചെയ്ത് എടുത്ത പോലെ തോന്നുന്നില്ലേ? മുനീറിന്റെ സുന്ദരരൂപത്തിനു ചേര്‍ന്നതല്ല വണ്ടിച്ചെക്ക് എന്ന ദുഷ്ടലാക്കുള്ള പ്രയോഗം എന്ന് മാതൃഭൂമിക്ക് അറിയാം. ‘മടങ്ങിയ ചെക്ക്‘ എന്ന സൌമ്യമധുരമായ വാക്കുള്ളപ്പോള്‍ എന്തിനാണ് വണ്ടിച്ചെക്ക്? അതും ‘നമ്മുടെ കുട്ടി’ക്കെതിരെ.

കേരള കൌമുദി

വണ്ടി കാണുന്നില്ല. ചെക്ക് മാത്രം ഉണ്ട്. പൈസ കിട്ടിയില്ലെങ്കിലും ചെക്കെങ്കിലും കിട്ടിയല്ലോ എന്ന് സമാധാനിക്കുക..

മനോരമ

ഇതാണ് ഇതാണ് വാര്‍ത്ത . തമസ്കരണി മന്ത്രം പ്രയോഗിച്ചപ്പോള്‍ വന്ന മാറ്റം നോക്കണേ. വണ്ടിയും ഇല്ല, ചെക്കും ഇല്ല. ‘കടം വാങ്ങി തിരികെ നല്‍കാതിരുന്ന കേസില്‍’ എന്ന സുന്ദരന്‍ പ്രയോഗം മാത്രം. ‘നമ്മുടെ കുട്ടികള്‍’ക്കെതിരെയുള്ള വാര്‍ത്തയെ സോപ്പിട്ട് കുളിപ്പിക്കുന്നെങ്കില്‍ ഇങ്ങനെ വേണം..

ഈ മുനീറിന്റെ സ്ഥാനത്ത് വല്ല സി.പി.എം സ്റ്റാന്‍ഡിംഗ് കമ്മിറ്റി ചെയര്‍മാനോ അല്ലെങ്കില്‍ മറ്റേതെങ്കിലും അപ്പാവിയോ ആകണമായിരുന്നു. അപ്പോള്‍ കാണാമായിരുന്നു മാതൃഭൂമി മാതൃഭൂമി ആകുന്നത്. പോയ വണ്ടിയൊക്കെ തന്നെ തിരികെ വരും.

ഇന്ത്യാ വിഷനിലും മംഗളത്തിലും വാര്‍ത്തയേ ഇല്ല. പോള്‍ വധക്കേസിന്റെ അന്വേഷണവുമായി ബന്ധപ്പെട്ട തിരക്കു കാണും. ക്ഷമിച്ചേക്കാം.

പനി രാഷ്ട്രീയത്തിനു നിറം പകരാന്‍ മാതൃഭൂമിയുടെ ചിത്രവധം

2009-08-14T08:47:00.001+05:30

(ക്ലിക്കിയാല്‍ വലുതാകും)

മാധ്യമങ്ങള്‍ സ്റ്റോറി മെനയുമ്പോള്‍

2009-08-03T13:56:00.002+05:30

പാര്‍ട്ടിക്കനുകൂലമായ ഉദ്ധരിണിയില്‍ നിന്നും പാര്‍ട്ടിക്കെതിരായ സ്റ്റോറി വികസിപ്പിക്കുന്നതിന്റെ രസതന്ത്രത്തെക്കുറിച്ച് കഴിഞ്ഞ പോസ്റ്റില്‍ പറഞ്ഞിരുന്നു. അത് തമാശിക്കാന്‍ വേണ്ടി എഴുതിയതല്ലെന്നും വാസ്തവം തന്നെയെന്നും ഇത്ര പെട്ടെന്ന് തെളിയിച്ചു തന്ന മംഗളം ദിനപ്പത്രത്തിനു നന്ദി പറഞ്ഞുകൊണ്ട്....

സി.പി.എം നേതാവായിരുന്ന സഖാവ് ഹര്‍കിഷന്‍ സിംഗ് സുര്‍ജിത്തിനെ അനുസ്മരിച്ചുകൊണ്ടും അദ്ദേഹത്തിന്റെ സംഭാവനകളെപ്പറ്റി പരാമര്‍ശിച്ചുകൊണ്ടും പീപ്പിള്‍സ് ഡെമോക്രസിയില്‍ ‘REMEMBERING COMRADE SURJEET‘ എന്ന തലക്കെട്ടില്‍ ഇപ്പോഴത്തെ ജനറല്‍ സെക്രട്ടറി പ്രകാശ് കാരാട്ട് ഒരു ലേഖനമെഴുതിയിരുന്നു. സാമാന്യം നല്ലൊരു അനുസ്മരണക്കുറിപ്പ്. അതിവിടെ വാ‍യിക്കാം. {അത് വായിച്ചിട്ട് വന്നാല്‍ പോസ്റ്റ് വായിക്കാന്‍ ഒരു ഗും കിട്ടും :) }

സാധാരണക്കാരനു അതൊരു അനുസ്മരണക്കുറിപ്പാണെങ്കിലും മംഗളം പത്രത്തിലെ ടി.അഭിജിത് അത് വായിച്ചപ്പോഴാണ് മനസ്സിലായത് പാര്‍ട്ടിക്കെതിരെ നല്ലൊരു സ്റ്റോറി വികസിപ്പിച്ചെടുക്കാനുള്ള അസംസ്കൃതവസ്തുവാണ് ആ ലേഖനമെന്ന്..

അസംസ്കൃതവസ്തുവിലെ എല്ലാ ഭാഗവും കറിക്കാവശ്യമില്ലല്ലോ। ഈ സ്റ്റോറി വികസിപ്പിക്കാന്‍ അഭിജിത്തിന് ആവശ്യമായത് രണ്ടേ രണ്ട് പാരഗ്രാഫുകള്‍ മാത്രം.അതിലൊന്ന് ഇങ്ങനെ॥

Surjeet made a valuable contribution in the struggle for establishing and defending the basic principles of Marxism-Leninism disavowing revisionist and sectarian positions

പിന്നൊന്ന് ഏറ്റവും അവസാനത്തെ പാരഗ്രാഫ്. അതില്‍ ഇങ്ങനെ പറയുന്നു...

We deeply miss his presence at this juncture when the Party has to face many challenges. But we should be fortified in our resolve by the example he has set and the legacy he has left behind for us.

മംഗളം പത്രകാരകന്റെ ഭാവന വിരിഞ്ഞപ്പോള്‍ അത് ഇങ്ങനെ ഒരു സ്റ്റോറിയായി...

പാര്‍ട്ടി പ്രതിസന്ധിഘട്ടത്തിലെന്നു കാരാട്ട്‌; പരാമര്‍ശം പീപ്പിള്‍ ഡെമോക്രസിയിലെ ലേഖനത്തില്‍

കൊച്ചി: സി।പി.എം ജനറല്‍ സെക്രട്ടറി പ്രകാശ്‌ കാരാട്ടിന്റെ ലേഖനത്തില്‍ പാര്‍ട്ടി പ്രതിസന്ധിഘട്ടത്തിലെന്നു വെളിപ്പെടുത്തല്‍. അന്തരിച്ച സി.പി.എം നേതാവ്‌ ഹര്‍കിഷന്‍ സിംഗ്‌ സുര്‍ജിത്തിനെ അനുസ്‌മരിച്ച്‌ സി.പി.എം മുഖമാസിക 'പീപ്പിള്‍ ഡെമോക്രസിയില്‍' കാരാട്ട്‌ എഴുതിയിരിക്കുന്ന ലേഖനത്തിലാണ്‌ പാര്‍ട്ടിയുടെ വര്‍ത്തമാന സ്‌ഥിതി പരാമര്‍ശിക്കുന്നത്‌.

പാര്‍ട്ടി പ്രതിസന്ധി ഘട്ടത്തിലാണെന്നും നിരവധി വെല്ലുവിളികളെ അഭിമുഖീകരിക്കുന്ന അവസരത്തില്‍ സുര്‍ജിത്തിന്റെ അഭാവം നികത്താനാവാത്തതാണെന്നുമാണ്‌ ലേഖനത്തിലൂടെ കാരാട്ട്‌ അണികളെ ബോധ്യപ്പെടുത്തുന്നത്‌.

എന്നാല്‍ പ്രതിസന്ധികളെ മാര്‍ക്‌സിസ്‌റ്റ് ലെനിനിസ്‌റ്റ് പാതയില്‍ സുര്‍ജിത്തിന്റെ മാതൃകയില്‍ അതിജീവിക്കുമെന്നും കാരാട്ടിന്റെ ലേഖനത്തിലുണ്ട്‌.

സി.പി.എമ്മിന്റെ മുന്‍ ജനറല്‍ സെക്രട്ടറിയെ സ്‌മരിക്കുന്നതിനിടയില്‍ മാര്‍ക്‌സിസ്‌റ്റ് ലെനിനിസ്‌റ്റ് സംഘടനാതത്വങ്ങളുടെ പ്രസക്‌തിയും വിഭാഗീയതയും കാരാട്ട്‌ ലേഖനത്തില്‍ പരാമര്‍ശിക്കുന്നുണ്ട്‌. മാര്‍ക്‌സിസം-ലെനിനിസം അടിസ്‌ഥാന പ്രമാണങ്ങള്‍ പാര്‍ട്ടിയില്‍ ഉറപ്പിച്ച്‌ വിഭാഗീയതയേയും തിരുത്തല്‍വാദത്തേയും നിരാകരിക്കുന്നതിനു സുര്‍ജിത്തിന്റെ സംഭാവന മഹത്തരമായിരുന്നെന്നാണ്‌ ലേഖനം പറയുന്നത്‌.

മികച്ച രാഷ്‌ട്രീയ തന്ത്രജ്‌ഞനായിരുന്ന സുര്‍ജിത്തിന്റെ രാഷ്‌ട്രീയനീക്കങ്ങള്‍ മാത്രമാണ്‌ പാര്‍ട്ടിക്ക്‌ ഇന്ത്യന്‍ രാഷ്‌ട്രീയത്തില്‍ അവസരങ്ങളൊരുക്കിയതെന്ന വെളിപ്പെടുത്തലും ലേഖനത്തിലുണ്ട്‌. ഇതു പാര്‍ട്ടിയുടെ ഇന്നത്തെ ഉയര്‍ച്ചയ്‌ക്ക് അടിസ്‌ഥാനമായി കാരാട്ട്‌ പറയുന്നു.

സി.പി.എം പൊളിറ്റ്‌ ബ്യൂറോ അംഗമായിരിക്കേ 2008 ഓഗസ്‌റ്റ് ഒന്നിനായിരുന്നു സുര്‍ജിത്തിന്റെ മരണം. ഒന്നാം ചരമവാര്‍ഷികം ആചരിക്കുന്നതിനിടെ ഇന്നലെ പുറത്തിറങ്ങിയ പീപ്പിള്‍ ഡെമോക്രസിയിലാണ്‌ സുര്‍ജിത്തിനെ അനുസ്‌മരിച്ച്‌ കാരാട്ടിന്റെ ലേഖനം.

ടി. അഭിജിത്‌

കാരാട്ടിന്റെ ലേഖനമെവിടെ കിടക്കുന്നു, അതില്‍ നിന്ന് മംഗളം ഉണ്ടാക്കിയ വാര്‍ത്ത എവിടെ കിടക്കുന്നു। കാരാട്ട് ലേഖനത്തില്‍ revisionist and sectarian എന്നുപയോഗിച്ചിട്ടുള്ളത് മംഗളത്തിനും മനോരമയ്ക്കും ഒക്കെ പ്രിയപ്പെട്ട വിഭാഗീയതയെ സൂചിപ്പിക്കാനല്ലെന്നും മറിച്ച് 60 കളിലെ ഇടത് വലത് വ്യതിയാ‍നങ്ങളെ സൂചിപ്പിക്കാനാണെന്നും മനസ്സിലാക്കാനുള്ള രാഷ്ട്രീയപ്രബുദ്ധത ലേഖകനില്ലാതെ പോയതാവില്ല। factionalism എന്ന വാക്ക് അദ്ദേഹത്തിനറിയാഞ്ഞിട്ടും ആയിരിക്കില്ല। ഏത് വിധേനയും തങ്ങള്‍ മുന്‍‌കൂട്ടി തയ്യാറാക്കി വെച്ചിട്ടുള്ള ഫ്രെയിമിലേക്ക് സംഭവങ്ങളെ ഒതുക്കാനുള്ള വ്യഗ്രതയില്‍ കൃത്യതയും അര്‍ത്ഥശുദ്ധിയുമൊക്കെ അദ്ദേഹം വേണ്ടെന്നു വെച്ചതായിരിക്കും॥

‘ഭാവനാസമ്പന്നനായ‘ പത്രപ്രവര്‍ത്തകന്‍ ലേഖകനില്‍ ഒളിഞ്ഞിരിപ്പുണ്ടെങ്കിലും, തന്റെ ഭാവനയെയും അസംസ്കൃതവസ്തുവിനെയും വേണ്ട വിധത്തില്‍ അദ്ദേഹം ഉപയോഗിക്കുന്നില്ല എന്നൊരു തോന്നല്‍..

കൃത്യതയും വ്യക്തതയും സത്യസന്ധതയും ഒക്കെ വേണ്ടെന്നുവെക്കുകയാണെങ്കില്‍ ഉപയോഗിക്കാവുന്ന എത്രയെത്ര സുന്ദരന്‍ കഥാ സന്ദര്‍ഭങ്ങളാണ് അദ്ദേഹം മിസ് ചെയ്തത്...പഴയ കാലത്തെ പാര്‍ട്ടിയായിരുന്നു പാര്‍ട്ടി എന്നും ഇപ്പോഴൊക്കെ എന്ത് പാര്‍ട്ടി എന്നും തെളിയിക്കാമായിരുന്ന ഒന്നാംതരം സന്ദര്‍ഭങ്ങള്‍..

Surjeet belonged to a generation in the Communist Party whose political activities spanned both the pre-independence period of the struggle against British imperialism and the subsequent post-independence era.

പാര്‍ട്ടിയിലെ പഴയ തലമുറയില്‍പ്പെട്ട നേതാക്കള്‍ നല്ല അനുഭവസമ്പത്തുള്ളവരായിരുന്നുവെന്നും ഇപ്പോള്‍ ഉള്ള നേതാക്കള്‍ ഒരു വകയ്ക്ക് കൊള്ളാത്തവരെന്നും കാരാട്ട് വെളിപ്പെടുത്തി.

Surjeet made a valuable contribution in the struggle for establishing and defending the basic principles of Marxism-Leninism

ഇപ്പോഴുള്ളവര്‍ അടിസ്ഥാന ആശയങ്ങള്‍ പോലും അറിയാത്തവരാണെന്ന് കാരാട്ട് വിമര്‍ശനമുന്നയിച്ചു.

As general secretary, he steered the Party through a difficult period.....

സുര്‍ജിത്തുമായി താരതമ്യപ്പെടുത്തുമ്പോള്‍ ഇപ്പോഴത്തെ ജനറല്‍ സെക്രട്ടറി ആയ താന്‍ അത്ര പോരാ എന്ന് കാരാട്ട് സ്വയം വിമര്‍ശനപരമായി ചിന്തിക്കുന്നു..

Surjeet was imbued with the spirit of internationalism.

ഇപ്പോഴുള്ള നേതാക്കള്‍ പ്രാദേശിക വാദത്തിന്റെ പിടിയിലെന്ന് കാരാട്ട് ലേഖനത്തില്‍ ചൂണ്ടിക്കാട്ടുന്നു..

We deeply miss his presence...

ഇപ്പോഴത്തെ നേതാക്കളുടെ സാന്നിദ്ധ്യം കൊണ്ട് ഒരു പ്രയോജനവും ഇല്ലെന്നും കാരാട്ട് തുറന്നടിക്കുന്നു..

പോയത് പോയി. അടുത്ത അനുസ്മരണക്കുറിപ്പെങ്കിലും കൂടുതല്‍ വിശാലമായ സ്റ്റോറിയാക്കി മാറ്റാന്‍ ‘മ’ ചേട്ടന്മാര്‍ക്ക് കഴിയട്ടെ എന്നാശംസിച്ചുകൊണ്ട്..

വിലാസമില്ലാതെ സി.ബി.ഐ

2009-06-27T09:46:00.004+05:30

പാവം സി.ബി.ഐ..

എസ്.എന്‍.സി ലാവലിന്റെ വിലാസം അറിയാതെ സമന്‍സ് അയക്കാന്‍ കഴിയാതെ അവരങ്ങനെ ബുദ്ധിമുട്ടുകയാണ്. കഷ്ടപ്പെട്ട്, പാടുപെട്ട്, ബുദ്ധിമുട്ടി ഒരു കേസ് അന്വേഷിച്ചിട്ട് അവസാന നിമിഷം പ്രതിയുടെ അഡ്രസ് ഇല്ലെന്ന് അറിയുന്ന അന്വേഷണ ഏജന്‍സിയുടെ ഹൃദയവേദന....

എങ്ങനെ ഈ പാവങ്ങള്‍ ലാവലിന്‍ കേസ് ഇനി മുന്നോട്ട് കൊണ്ടുപോകും? ഇന്റര്‍ പോളിലെ ചേട്ടന്മാര്‍ മനസ്സുവെച്ചാലേ രക്ഷയുള്ളൂ എന്നാണ് മംഗളം പത്രം പറയുന്നത്.

ലാവ്‌ലിനു സമന്‍സ്‌ എത്തിക്കാന്‍ സി.ബി.ഐക്കു വിലാസമറിയില്ല

പിണറായി വിജയന്‍ പ്രതിയായ ലാവ്‌ലിന്‍ കേസില്‍ ഒമ്പതു പ്രതികള്‍ക്കും എറണാകുളം പ്രത്യേക സി.ബി.ഐ. കോടതി സമന്‍സ്‌ പുറപ്പെടുവിച്ചെങ്കിലും ലാവ്‌ലിനു സമന്‍സ്‌ അയയ്‌ക്കാന്‍ കൃത്യമായ വിലാസമില്ല. 'എസ്‌.എന്‍.സി. ലാവ്‌ലിന്‍, കാനഡ' എന്നു മാത്രമാണു നോട്ടീസിലുള്ളത്‌. ഇന്റര്‍പോളിന്റെ സഹായത്തോടെ കാനഡ ആസ്‌ഥാനമായ കമ്പനിയുടെ ഓഫീസ്‌ കണ്ടെത്തിവേണം സമന്‍സ്‌ കൈമാറാന്‍. അന്വേഷണ ഏജന്‍സിയായ സി.ബി.ഐക്ക്‌ ആരോപണവിധേയമായ കമ്പനിയുടെ വിലാസംപോലും അറിയില്ല. രാജ്യാന്തര കുറ്റാന്വേഷണ ഏജന്‍സിയായ ഇന്റര്‍പോളുമായി സി.ബി.ഐക്കു പരസ്‌പരസഹകരണമുണ്ട്‌. പ്രതികള്‍ സെപ്‌റ്റംബര്‍ 24-നു കോടതിയില്‍ ഹാജരാകാനാണു നിര്‍ദേശം. കമ്പനി പ്രതിനിധിക്കു നേരിട്ടോ അഭിഭാഷകന്‍ വഴിയോ ഹാജരാകാം.

നമ്മുടെ നാട്ടിലെ ഒരു അന്വേഷണ ഏജന്‍സി കേവലം ഒരു വിലാസത്തിനായി ഇന്റര്‍പോളിന്റെ വാതില്‍ക്കല്‍ കാത്തുകെട്ടിക്കിടക്കുക എന്നു വെച്ചാല്‍? നമുക്കുമില്ലേ ദേശാഭിമാനം? നമുക്കുമില്ലേ ധാര്‍മ്മിക രോഷം?

സി.ബി.ഐ യെ സഹായിക്കുക എന്ന ഒറ്റ ലക്ഷ്യം വെച്ച് ബുദ്ധിമുട്ടി, കഷ്ടപ്പെട്ട്, പാടുപെട്ട് കാനഡയിലെ ലാവലിന്‍ ഹെഡ് ഓഫീസിന്റെ വിലാസംകണ്ടെത്തിയിട്ടുണ്ട്.

ഇതാണാ വിലാസം.

SNC-Lavalin
455 René-Lévesque
Blvd. West
Montreal, Quebec
Canada H2Z 1Z3
Telephone: 514-393-1000
Fax: 514-866-0795

ഇതു പോരെങ്കില്‍ ലോകത്തില്‍ എവിടെയുമുള്ള അവരുടെ ഓഫീസ് വിലാസവും സംഘടിപ്പിച്ചുകൊടുക്കാന്‍ തയാറാണ്. വരുന്ന വഴിയില്‍ ആരെങ്കിലും സി.ബി.ഐയെ കാണുകയാണെങ്കില്‍ ഈ വിവരം ഒന്നു പറഞ്ഞേക്കണേ..

ഇനി അഥവാ ഒരു സാദാ ബ്ലോഗറോട് അഡ്രസ് ചോദിക്കാന്‍ സി।ബി।ഐക്ക് ചമ്മലുണ്ടെങ്കില്‍ അവര്‍ക്ക് സ്വയം തപ്പാനായി തൊട്ടുതാഴെഒരു വെബ് വിലാസം ഇവിടെ ഇടുന്നു। ഇവിടെ തപ്പിയാല്‍ ലോകത്തിലെ എല്ലാ എസ്।എന്‍।സി ലാവലിന്‍ ഓഫീസുകളുടെയും വിലാസം ലഭിക്കും.

പ്രണയപൂര്‍വം സിബിഐക്ക്

മംഗളം പത്രത്തിനു നന്ദി. അവരുടെ വാര്‍ത്തയില്‍ നിന്നു കിട്ടിയ തുമ്പില്ലായിരുന്നെങ്കില്‍ ..ഹോ...സി.ബി.ഐയുടെ അഡ്രസ് തപ്പല്‍ ചിലപ്പോള്‍ കട്ടപ്പൊക ആയേനേ..

തെരഞ്ഞെടുപ്പില്‍ സംഭവിച്ചത്

2009-05-17T10:54:00.003+05:30

ലോകസഭാ തെരഞ്ഞെടുപ്പ് അവലോകനം ചെയ്തുകൊണ്ട് ജയതി ഘോഷ് എഴുതിയ ലേഖനം പോസ്റ്റ് ചെയ്യുന്നു।

Farmers, Muslims had no faith left

By Jayati Ghosh

It is beyond doubt the general elections of 2009 have delivered a severe blow to the Left parties. Of course, it was always likely that the Left would come down from its historically high tally of 61 seats in the previous Lok Sabha elections, especially as these came overwhelmingly from only two states. But the extent of the decline in Left seats, to less than half the previous figure, nevertheless comes as a shock.

What is particularly disturbing is the performance in the two previous Left strongholds of West Bengal and Kerala. What explains this sharp deterioration?

This is a crucial question, since if the Left is to recover and grow again, as well as spread its message to other parts of the country, it is important to draw the right lessons from this defeat and to change strategy accordingly.

The lessons are likely to be different in the two states. Most people would agree that the Kerala state government is reasonably popular, and chief minister V.S. Achuthanandan certainly continues to command very high approval ratings. But the margins of victory and defeat have always been relatively small and the state has a history of consecutively shifting both Lok Sabha and Assembly victories across the two major fronts.

So even a small shift in vote percentage can cause very large shifts in the seats won or lost, and this is likely to have been the case in this election. Having said that, it is also likely that the widespread perceptions of factionalism within the main party in the Left Front, the Communist Party of India (Marxist), made people uneasy and harmed the front electorally.

The rather rigid attitude towards alliances with some smaller parties in Kerala before this particular election also did not help.

In West Bengal the picture is more disturbing. There is clear evidence of vote shifts against the ruling Left Front, and this message from the electorate cannot be ignored but must be addressed. The Left Front has ruled the state for more than three decades, providing not only stability but also many extremely positive measures for the improvement of conditions of life of ordinary people: not just the crucial land reforms that were the most extensive of any state government in the last 30 years, but the pioneering moves towards decentralisation and providing more powers to locally elected bodies.

However, in the past few years the state government of West Bengal, through its own actions or its inability to get its message across, has contributed to some loss of goodwill among the people. Three factors that have contributed to this and which must be recognised and addressed are:

The sense of alienation among the peasantry in the face of the events at Singur and Nandigram and the inability of the government to adequately justify its actions to the people or even to publicise its continuing land distribution programme;

The perceptions of discrimination among the Muslim community, even among those who have earlier been consistent Left supporters;

The feeling that the government has been more heavily influenced by the bureaucracy rather than responding to — and engaging with — the actual cadre of the parties, bright and highly committed people who have given their lives towards working for socialism and for the ideals of the Left.

To these negatives must be added some errors of omission, in terms of positive policy interventions that have not been sufficiently utilised or developed. The most important of these is the National Rural Employment Guarantee Act (NREGA), which was brought about by the United Progressive Alliance (UPA) government largely because of insistent pressure from the Left at the national level.

It is worth noting that the states in which the parties of ruling state governments have been successful in this election are those in which the NREGA has been implemented extensively and with some enthusiasm: Andhra Pradesh, Tamil Nadu, Rajasthan and Orissa.

In West Bengal there has been much less success in NREGA implementation and this is clearly a necessary and high priority task for the Left Front government. Another critical area of public intervention that requires urgent attention is the Public Distribution System (PDS) for food, which needs to be revamped, extended and strengthened in the state.

While this election result is a major setback, it can also be turned into an opportunity for Left revival and expansion, not only in these two states but across the country.

The clear result in Tripura has been little noticed, but it speaks extremely well of the solid support and popularity of the Left Front government in that state.

In other states where the Left has won seats or got many votes, it reflects the long and committed struggles of the local cadre on issues that are fundamental to the core support of these parties: land, livelihood, conditions of living and social equality. If these features are strengthened, this adversity can be turned into a stimulus for positive transformation and future growth of the Left movement in India.

*
ഡെക്കാന്‍ ക്രോണിക്കിളിലും ഏഷ്യന്‍ ഏജിലും പ്രസിദ്ധീകരിച്ചതാണ് ഇത്।

മെയ് ദിനാശംസകള്‍

2009-05-01T09:55:00.001+05:30

മെയ് ദിനാശംസകള്‍

ഇടതുപക്ഷ സ്ഥാനാര്‍ത്ഥികളെ വിജയിപ്പിക്കുക

2009-04-14T21:30:00.002+05:30

ഈ തെരഞ്ഞെടുപ്പുകാലത്ത് പലവിധ വിവാദങ്ങളിലായി മാധ്യമങ്ങള്‍ മുക്കിക്കളഞ്ഞ ചില സുപ്രധാന രാഷ്ട്രീയ വിഷയങ്ങള്‍ * സ്വയം ഓര്‍ക്കാനും ഉറപ്പുവരുത്താനും :

* കമ്പോളമല്ല, ഗവണ്‍മെന്റാണ് രാജ്യം ഭരിക്കേണ്ടതെന്ന് പ്രഖാപിക്കാന്‍.
* ഭീകരതയ്ക്ക് വിത്തുവിതയ്ക്കുന്ന വര്‍ഗ്ഗീയതയെ ചെറുക്കാന്‍.
* ഇന്ത്യന്‍ പൊതുമേഖലയെ ശക്തിപ്പെടുത്തി നിലനിര്‍ത്തുമെന്ന് പ്രഖ്യാപിക്കാന്‍.
* 60% ജനങ്ങള്‍ ഉപജീവനമാര്‍ഗ്ഗം തേടുന്ന കാര്‍ഷിക മേഖലയില്‍ ചെലവാക്കുന്ന തുകയുടെ പകുതി സര്‍ക്കാര്‍ സബ്സിഡിനല്‍കുമെന്ന് പ്രഖ്യാപിക്കാന്‍.
* വിദ്യാഭ്യാസം, ആരോഗ്യം, ഗതാഗതം, ജലം എന്നീ മേഖലകള്‍ സര്‍ക്കാര്‍ മേല്‍നോട്ടത്തിലും ഉടമസ്ഥതയിലും സംരക്ഷിക്കാന്‍.
* പി.എഫ്. പലിശ നിരക്ക് 13% ആയി ഉയര്‍ത്തുകയും പി.എഫ് തുക സ്വകാര്യ കമ്പനികള്‍വഴി ഓഹരികമ്പോളത്തിന് കൈമാറാനുള്ള യു.പി.എ. സര്‍ക്കാരിന്റെ തീരുമാനം പിന്‍വലിക്കുകയും ചെയ്യുമെന്ന് ഉറപ്പിക്കാന്‍.
* പെന്‍ഷന്‍ സ്വകാര്യവല്‍ക്കരണബില്‍ , ബാങ്കിംഗ് ബില്‍ , ഇന്‍ഷൂറന്‍സ് വിദേശ നിക്ഷേപ പരിധി ഉയര്‍ത്താനുള്ള ബില്‍ , എന്നിവ പിന്‍വലിക്കാന്‍.
* സര്‍ക്കാര്‍ അര്‍ദ്ധസര്‍ക്കാര്‍-സംസ്ഥാനസര്‍ക്കാര്‍ മേഖലകളിലും പൊതു മേഖലയിലും കഴിഞ്ഞ 15 വര്‍ഷമായി കാര്യമായി റിക്രൂട്ട്മെന്റ് നടക്കാത്തതുമൂലം ഒഴിഞ്ഞു കിടക്കുന്ന 50 ലക്ഷം വേക്കന്‍സികളില്‍ ഉടന്‍ നിയമനം നടത്തുമെന്ന് ഉറപ്പുവരുത്താന്‍.
* ഇന്ത്യയുടെ പരമാധികാരവും സ്വാതന്ത്ര്യവും സാമ്പത്തിക മുന്‍ഗണനകളും തകര്‍ക്കുന്ന അന്താരാഷ്ട്ര കരാറുകളില്‍ നിന്ന് പിന്മാറുമെന്നും പാര്‍ലമെന്റിന്റെ അനുമതിയില്ലാതെ അത്തരം കരാറുകളില്‍ ഇനി ഏര്‍പ്പെടില്ലന്നും ഉറപ്പുവരുത്താന്‍.
* തൊഴില്‍ സുരക്ഷ ഉറപ്പുവരുത്താനും, പണിമുടക്കാനും വിലപേശാനും ഉള്ള തൊഴിലാളികളുടെ അവകാശം സംരക്ഷിക്കാനും അതിനുള്ള നിയമനിര്‍മ്മാണം നടത്തുമെന്നും പ്രഖ്യാപിക്കാന്‍।
* ഭൂപരിഷ്കരണം നടപ്പാക്കുവാനും സെസുകള്‍ക്കുവേണ്ടി അന്യായമായി കര്‍ഷകരുടെ ഭൂമി ഏറ്റെടുക്കില്ലെന്ന് ഉറപ്പുവരുത്താന്‍.
* കോര്‍പ്പറേറ്റ് നികുതി 50 ശതമാനമായി ഉയര്‍ത്താനും ഓഹരി കമ്പോളത്തിലെ ഇടപാടുകള്‍ക്ക് നികുതി ചുമത്താനുനുമുള്ള രാഷ്ട്രീയ ഇച്ഛാശക്തി കാട്ടാന്‍.
* സംസ്ഥാനങ്ങളില്‍ നിന്ന് പിരിച്ചെടുക്കുന്ന കേന്ദ്രനികുതി വരുമാനം അതത് സംസ്ഥാനങ്ങള്‍ക്കുതന്നെ നല്‍കുമെന്ന് ഉറപ്പുനല്‍കാന്‍.

ഇടതുപക്ഷ സ്ഥാനാര്‍ത്ഥികളെ വിജയിപ്പിക്കുക.

*

*Modified from PAG Bulletin

പോസ്റ്റര്‍ ഡിസൈന്‍ : പരാജിതന്‍

മാധ്യമരംഗത്തെ തിരക്കഥാകൃത്തുക്കള്‍

2009-02-13T21:32:00.000+05:30

'' സ്വാമി, എനിക്കറിയാം ഇവരെല്ലാം കളളന്മാരാണെന്ന്‌, നമുക്കു വഴിയുണ്ടാക്കാം അല്‍പം കൂടി സമയം വേണം''

''താനിതു വേണ്ടവിധം പരിശോധിച്ച്‌ ആവശ്യമായതു ചെയ്‌താല്‍ പാര്‍ട്ടി രക്ഷപ്പെടും അതല്ലെങ്കില്‍ ചക്കരക്കുടം ഇവറ്റകള്‍ മോന്തി പാര്‍ട്ടിയെ നശിപ്പിക്കും''

ബൂലോഗത്തിനിതെന്തു പറ്റി, വന്ന് വന്ന് വഴിയേ പോകുന്നവനൊക്കെ തിരക്കഥയും നാടകവും നോവലും എഴുതാന്‍ തുടങ്ങിയോ എന്നാണോ ആലോചിക്കുന്നത്? അതോ ഏത് രഞ്ജി പണിക്കര്‍ ചിത്രത്തിലെ ഡയലോഗ് ആണിതെന്നോ? പഴയ ടി. ദാമോദരന്‍ ചിത്രങ്ങളിലൊന്നിലെ ഡയലോഗെന്ന്?

തെറ്റിപ്പോയി കൂട്ടരേ...ബൂലോഗത്തിനൊന്നും പറ്റിയിട്ടുമില്ല രഞ്ജി പണിക്കരോ ടി ദാമോദരനോ ആ ഡയലോഗ് എഴുതിയിട്ടുമില്ല.

മംഗളം ദിനപ്പത്രത്തിലെ രാഷ്ടീയ വിശകലന റിപ്പോര്‍ട്ടില്‍ നിന്നും പകര്‍ത്തിയതാണിത്. ഇവറ്റകള്‍ ചക്കരക്കുടം മോന്തുന്ന ആ സീന്‍ ഒന്ന് ആലോചിച്ചു നോക്കുക. കോള്‍മയിര്‍ ഉണ്ടാകുന്നില്ലേ?

മലയാള മാധ്യമരംഗത്തെ പുത്തന്‍ പ്രവണതകളൊലൊന്നാണോ ഇത്? ഉദ്ദേശിക്കുന്ന കടവില്‍ വാര്‍ത്തയെ കൊണ്ടു ചെന്നെത്തിക്കാന്‍ വാര്‍ത്തകള്‍ക്കിടയില്‍ തട്ടുപൊളിപ്പന്‍ ഡയലോഗ് രണ്ടെണ്ണം കയറ്റുക. വാര്‍ത്തയേത് തിരക്കഥയേത് എന്ന് തിരിച്ചറിയാതെ ജനം വട്ടം കറങ്ങണം.

ചില കത്തുകള്‍ പുറത്ത് വന്നിരിക്കുന്ന ഇന്നത്തെ രാഷ്ട്രീയ സാഹചര്യത്തില്‍ ആ ഡയലോഗുകള്‍ പറയുന്നത് ആരൊക്കെയായിരിക്കുമെന്ന് ഊഹിക്കാമോ?

പാര്‍ട്ടി എന്ന് ഏതെങ്കിലും മാധ്യമങ്ങളില്‍ കണ്ടാല്‍ അതേത് പാര്‍ട്ടി എന്ന് ഊഹിക്കാന്‍ വല്ല പ്രയാസവുമുണ്ടോ? പാര്‍ട്ടി എന്ന് മാധ്യമങ്ങള്‍ അംഗീകരിക്കുന്ന ഒരേ ഒരെണ്ണമേ ഭൂമിമലയാളത്തിലുള്ളൂ... (ബാക്കിയൊക്കെ കുടുംബസ്വത്തോ, നിക്ഷിപ്ത താല്പര്യക്കാരുടെ കൂട്ടുകെട്ടോ ആണെന്നായിരിക്കും പാവങ്ങള്‍ അറിയാതെ വരികള്‍ക്കിടയിലൂടെ കൊള്ളിച്ചു പറയുന്നത്.)

കക്ഷി രാഷ്ട്രീയമായിപ്പോകും എന്നത് കൊണ്ട് പാര്‍ട്ടിയുടെ പേരു വിടാം.ഡയലോഗ് അടിച്ചത് ആരാണെന്ന് പറയാം...ചൂടായി നില്‍ക്കുന്ന സ്വാമിയെ സമാധാനിപ്പിക്കുന്ന തരത്തില്‍ ആദ്യ ഡയലോഗ് അടിക്കുന്നത് പ്രകാശ് കാരാട്ട്. നിന്റെ വാചകമടിയൊന്നും എനിക്ക് കേള്‍ക്കണ്ടടേയ്.. വേണേല്‍ ചെയ്യെടേയ് എന്ന മട്ടില്‍ പ്രതികരിക്കുന്നത് അന്തരിച്ച സഖാവ് ഇ. ബാലാനന്ദന്‍ എന്ന സ്വാമി‍. ബാലാനന്ദന്‍ അയച്ചെന്ന് ഇവരും അയച്ചില്ലെന്ന് അവരും പറയുന്ന കത്ത് കൊടുത്ത് കുറച്ച് കാലത്തിനുശേഷം ബാലാനന്ദന്‍ പ്രകാശ് കാരാട്ടിനെ കണ്ടു മുട്ടുന്ന നിര്‍ണ്ണായകമായ കഥാ സന്ദര്‍ഭത്തിലാണീ ഡയലോഗ് പിറക്കുന്നത്. കഥ, തിരക്കഥ, സംഭാഷണം ക്ഷമിക്കണം പത്രറിപ്പോര്‍ട്ടര്‍ ഡി. ധനസുമോദ്. ചിത്രമേതെന്ന് പറയാനൊരുങ്ങി വീണ്ടും ക്ഷമ ചോദിക്കുന്നില്ല. ജനശക്തി വാരിക പ്രസിദ്ധീകരിക്കുവാന്‍ പോകുന്ന റിപ്പോര്‍ട്ടിന്റെ ട്രെയിലര്‍ ആണിതെന്ന് അതിലൊരു സൂചനയുണ്ട്.

എന്തൊരു കാലം. വാര്‍ത്തക്ക് വരെ ട്രെയിലര്‍ ആയിത്തുടങ്ങി.

എന്തായാലും പുതിയ പുതിയ റിപ്പോര്‍ട്ടിംഗ് ശൈലികള്‍ വെട്ടിത്തുറക്കുന്ന മാധ്യമപ്രതിഭകള്‍ക്ക് അഭിനന്ദനങ്ങള്‍.

ഈ നിലയ്ക്കൊക്കെ പോയാല്‍ ഒറ്റ കുഴപ്പമേയുള്ളൂ. ദിനപ്പത്രങ്ങളും അവരിറക്കുന്ന സിനിമാ വാരികകളും ആഴ്ചപ്പതിപ്പുകളും ഒക്കെ തമ്മില്‍ തിരിച്ചറിയാന്‍ ഇശ്ശി ബുദ്ധിമുട്ടും. മോളിവുഡ്/മല്ലുവുഡ് എന്നൊക്കെ പറഞ്ഞാല്‍ മാധ്യമരംഗത്തെപ്പറ്റിയാണോ സിനിമാരംഗത്തെപ്പറ്റിയാണോ എന്ന് കണ്‍ഫ്യൂഷന്‍ ആയിത്തുടങ്ങും.

എന്തായാലും മുഴുവന്‍ തിരക്കഥയും ഇവിടെ വായിച്ച് രസിച്ചോളൂ.

മാധ്യമങ്ങള്‍ സി.ബി.ഐക്ക് പഠിക്കുമ്പോള്‍..

2009-02-13T00:28:00.000+05:30

2009 ഫെബ്രുവരി 11ലെ മാതൃഭൂമി ദിനപ്പത്രത്തിന്റെ അഞ്ചാം പേജില്‍ മൂന്നു കോളത്തില്‍ ഒന്നാം തരമൊരു ഇന്‍‌വെസ്റ്റിഗേറ്റീവ് റിപ്പോര്‍ട്ട് വന്നിട്ടുണ്ട്. പള്ളിവാസല്‍, ചെങ്കുളം, പന്നിയാര്‍ ജലവൈദ്യുതപദ്ധതികളുടെ നവീകരണത്തിനായുള്ള സാദ്ധ്യതാ പഠന റിപ്പോര്‍ട്ട് ലാവലിന്റെ ഒത്താശയോടെ തയ്യാറാക്കിയതാണെന്ന് സി.ബി.ഐ. കണ്ടെത്തി എന്ന് പേരുകളും, തീയതികളും ഉദ്ധരിച്ച് പ്രത്യേക ലേഖകന്‍ റിപ്പോര്‍ട്ട് ചെയ്യുന്നു. പിണറായി വിജയന്‍ എന്ന മുന്‍ വൈദ്യുതി മന്ത്രിയുടെ താല്പര്യം മാത്രമാണ് ഈ റിപ്പോര്‍ട്ടില്‍ ഉള്ളതെന്ന് സി.ബി.ഐ കണ്ടെത്തി എന്ന ഞെട്ടിക്കുന്ന വിവരം ജനങ്ങള്‍ മുന്‍പാകെ അവതരിപ്പിക്കുകയാണ് പ്രത്യേക ലേഖകന്‍. മൊത്തം വാര്‍ത്തയും വായിച്ച് കഴിഞ്ഞപ്പോള്‍ പിണറായി വിജയനെ മുന്‍ കാല പ്രാബല്യത്തോടെ തൂക്കിക്കൊന്നാല്‍ പോലും അതില്‍ തെറ്റു പറയാന്‍ കഴിയില്ല എന്നേ പാവം വായനക്കാരന്‍ ഉറപ്പിയ്ക്കൂ.

ഒത്താശ, ദുരൂഹമായ പഠന റിപ്പോര്‍ട്ട്, സംശയാസ്പദമായ റിപ്പോര്‍ട്ട്, ദുരുദ്ദേശ്യം, ഗൂഢാലോചന, ക്രിമിനല്‍ ഗൂഢാലോചന, അധികാര ദുര്‍വിനിയോഗം എന്നിങ്ങനെയുള്ള പദങ്ങള്‍ വാരിവിതറിയ പ്രസ്തുത വാര്‍ത്ത ചില്ലിട്ടു വെയ്ക്കണമെന്നും, ജേര്‍ണലിസം വിദ്യാര്‍ത്ഥികള്‍ക്ക് പഠിക്കുവാനായി സിലബസില്‍ ഉള്‍പ്പെടുത്തണമെന്നും വായനക്കാരനു തോന്നും. അത്രമാത്രം കിടിലം.

അതിലെ ഏറ്റവും പ്രധാനമായ ഭാഗം വായിക്കുക...

ഈ സാധ്യതാ പഠന റിപ്പോര്‍ട്ട്‌ സംശയാസ്‌പദമായിരുന്നുവെന്ന്‌ കേസിലെ അഞ്ചാംപ്രതിയും റിട്ടയേര്‍ഡ്‌ ചീഫ്‌ എന്‍ജിനീയറുമായ എം. കസ്‌തൂരിരംഗ അയ്യര്‍ക്ക്‌ അറിയാമായിരുന്നു. എന്നിട്ടും ദുരുദ്ദേശ്യത്തോടെ, കരാറിനു വേണ്ടി സ്വന്തം കൈപ്പടയില്‍ എഴുതിയ മൂന്നു പേജുള്ള കുറിപ്പോടെയാണ്‌ അത്‌ നല്‍കിയത്‌. കേസിലെ ഒന്‍പതാം പ്രതിയും മുന്‍ വൈദ്യുതി മന്ത്രിയുമായ പിണറായി വിജയനും ഈ ഗൂഢാലോചനയില്‍ പങ്കുള്ളതായി സി.ബി.ഐ. ആരോപിച്ചു. പിണറായിയുടെ താത്‌പര്യം മാത്രമാണ്‌ കരാറില്‍ ഉള്ളതെന്നും സി.ബി.ഐ. പറയുന്നു.

പിണറായി വിജയന്റെ തല ഉരുളുവാന്‍ ഇനി അധികം നാള്‍ വേണ്ടി വരില്ല അല്ലേ?

ഒന്നു നില്‍ക്കണേ...

നമുക്കിതിന്റെ നാള്‍ വഴി ഒന്ന് പരിശോധിച്ചാലോ?

സി.എ. ജി റിപ്പോര്‍ട്ട് എന്ന ഔദ്യോഗിക രേഖ തന്നെയാകട്ടെ അവലംബം. അതില്‍ ഇങ്ങനെ പറയുന്നു.

3.10. Feasibility of renovation of the three projects was studied (September
1995) by a retired Chief Engineer of the Board who was later identified by the
Board itself as a consultant to SNC. Based on the consultant's report and
further discussions, contracts were signed (February 1996) with SNC for
providing technical services for management, engineering, procurement and
construction supervision to ensure completion of the projects within three
years.

1995 സെപ്തംബറിലാണ് സാധ്യതാ പഠന റിപ്പോര്‍ട്ട് തയ്യാറാക്കാന്‍ തീരുമാനിച്ചതെന്ന് സി.എ.ജി പറയുന്നു. അന്ന് കേരളം ഭരിച്ചിരുന്നത് ആരായിരുന്നു? വൈദ്യുതി മന്ത്രി ആരായിരുന്നു? എല്‍.ഡി.എഫ് , പിണറായി വിജയന്‍?

പ്രത്യേകിച്ച് എടുത്തു പറയുന്നില്ലെങ്കിലും ആ വാര്‍ത്ത വായിച്ചാല്‍ അങ്ങിനെ ഉറപ്പിക്കാന്‍ പറ്റും. വാര്‍ത്തയില്‍ ഇലക്ട്രിസിറ്റി ബോര്‍ഡുണ്ട്, ഒരു മുന്‍ മന്ത്രിയുടെ പേരുണ്ട്. ഗൂഢാലോചനയുണ്ട്. അപ്പോ പിന്നെ ഉറപ്പിക്കാനാണോ പാട്?

ഉറപ്പിച്ചു.

എന്നാലും വെറുതെ ഒരു ഫ്ലാഷ് ബാക് അടിച്ചു നോക്കി.

ശ്ശെടാ......അന്ന് കേരളം ഭരിച്ചിരുന്നത് യു.ഡി.എഫ് സര്‍ക്കാര്‍ അല്ലേ? വൈദ്യുതി മന്ത്രിയായിരുന്നത് ജി കാര്‍ത്തികേയന്‍?

ഒന്നു കൂടി ഉറപ്പിക്കാനായി വാര്‍ത്തയിലെ ചില തീയതികള്‍ കൂടി പരിശോധിക്കാമെന്നു വെച്ചു.

കരടു രേഖയും മാന്ദദണ്ഡങ്ങളും ലാവലിന്‍ കെ.എസ്.ഇ.ബിക്ക് നല്‍കിയ തീയതി 1996 ജനുവരി 3.

technical services for management, engineering, procurement and construction supervision to ensure completion of the projects within three years എന്ന നിബന്ധനയോടെ കരാര്‍ ഒപ്പു വെച്ചത് 24 ഫെബ്രുവരി 1996.

ഈ തീയതികളിലെല്ലാം കേരളം ഭരിച്ചിരുന്നത് ആരായിരുന്നു?

ഫ്ലാഷ് ബാക്കില്‍ തെളിഞ്ഞത് സത്യം തന്നെ. അന്ന് ഭരിച്ചിരുന്നത് യു.ഡി.എഫ്. 1996 ഫെബ്രുവരി 24ന് സംശയാസ്പദമായ പഠന റിപ്പോര്‍ട്ടിന്റെ അടിസ്ഥാനത്തില്‍ കരാര്‍ ഒപ്പു വെച്ചത് വൈദ്യുതി മന്ത്രി ജി.കാര്‍ത്തികേയന്‍.

നാണക്കേടായി. ഇതിനെയാണോ കിടിലം എന്നും ചില്ലിട്ടുവെക്കണമെന്നും കുറച്ച് മുന്‍പേ പറഞ്ഞത്?

ഇത്തരമൊരു സംഭവത്തെയാണല്ലോ വാര്‍ത്തയിലൊരിടത്തും അന്ന് കേരളം ഭരിച്ചിരുന്നത് ആരായിരുന്നുവെന്നോ മന്ത്രി ആരായിരുന്നുവെന്നോ പറയാതെ പിണറായി വിജയന്റെ പേരു ചേര്‍ത്ത്, സി.ബി.ഐയുടെ കണ്ടെത്തലെന്ന മട്ടില്‍ പ്രത്യേക ലേഖകന്‍ അവതരിപ്പിക്കുന്നത്. സമ്മതിക്കണം.

1996 മെയ്‌മാസം ഇടത് പക്ഷം അധികാരത്തില്‍ വരുമെന്നും താനായിരിക്കും വൈദ്യുതി മന്ത്രി എന്നും മുന്‍‌കൂട്ടി കാണുകയും അതിനനുസരിച്ച് 1995 സെപ്തംബറില്‍ തന്നെ ദുരൂഹമായ പഠനറിപ്പോര്‍ട്ട് തയ്യാറാക്കുവാന്‍ ക്രിമിനല്‍ ഗൂഢാലോചന നടത്തണമെങ്കില്‍ പിണറായി വിജയന്‍ ആരായിരിക്കണം മോന്‍? അദ്ദേഹത്തെ തൂക്കിക്കൊല്ലണമെന്ന് ലേഖകന്‍ ആവശ്യപ്പെടാത്തത് ഭാഗ്യം.

ഒരു സുഹൃത്ത് സൂചിപ്പിച്ചപോലെ ഈ വിധം ഭാവനാ സമ്പന്നനായ പ്രത്യേക ലേഖകന്റെ സേവനം പൂര്‍ണമായും സിബിഐയ്ക്കു തന്നെ വിട്ടുകൊടുത്താല്‍ കുറ്റാന്വേഷണ രംഗത്ത് എന്തെന്ത് അത്ഭുതങ്ങള്‍ നടക്കില്ല. ഇന്റര്‍പോളിലോ സ്കോട്ട്‍ലാന്റ് യാര്‍ഡിനോ ആണ് ഈ മഹാന്റെ സേവനം കിട്ടുന്നതെങ്കില്‍ ഈ പ്രപഞ്ചത്തില്‍ തന്നെ ഒരു ക്രിമിനല്‍ ഗൂഡാലോചനയും നടത്താന്‍ ഒരുത്തനും ധൈര്യപ്പെടില്ല. മാതൃഭൂമി മുതലാളിമാരേ പ്ലീസ്, ഈ പ്രത്യേക ലേഖകനെ സിബിഐയിലെടുപ്പിക്കൂ...സിബിഐ നടത്തിയ അത്ഭുതകരമായ ഈ കണ്ടെത്തല്‍ തോണ്ടിയെടുത്ത് അവതരിപ്പിച്ച പത്രപ്രവര്‍ത്തന പ്രതിഭ, പ്രത്യേക ലേഖകന്‍ എന്ന മറയ്ക്കുളളില്‍ ഒളിഞ്ഞിരിക്കുന്നതിന്റെ ആന്തരികാര്‍ത്ഥം ഒരു പക്ഷെ അവിഹിത ഗര്‍ഭത്തിലെ സന്തതിയ്ക്ക് സ്വന്തം പേര് സൂചിപ്പിക്കുന്ന ഇനിഷ്യലിടാന്‍ അറയ്ക്കുന്നവന്റെ മനോനിലയാകും.

എന്തായാലും കുറച്ച് കാലമായി മാധ്യമങ്ങളില്‍ പലതിലും സേതുരാമയ്യര്‍മാരുടെ അയ്യരുകളിയാണ്. വിജിലന്‍സും, സി.ബി.ഐയും കോടതിയും, പി.ബിയും ഒക്കെ ചെയ്യാന്‍ പോകുന്നതും ചിന്തിക്കുന്നതുമൊക്കെ നമുക്കതിനാല്‍ മുന്‍‌കൂട്ടി വായിക്കാനാകുന്നു. പ്രവചനാധിഷ്ഠിത പത്രപ്രവര്‍ത്തനത്തിന്റെ ഉത്തമ മാതൃകകള്‍. അതിന്റെ കൂട്ടത്തില്‍ കുറെക്കാലം മുന്‍പ് സ്വരാജ് എന്ന എസ്. എഫ്. ഐ സെക്രട്ടറി ഇത്തരം പത്രപ്രവര്‍ത്തനത്തെ വിശേഷിപ്പിക്കാന്‍ ഉപയോഗിച്ച പദവും പ്രത്യേകം സ്മരണീയമാണ്. പിതൃശൂന്യ മാധ്യമപ്രവര്‍ത്തനം.

ഇന്റര്‍നെറ്റ് വഴി ഒരു ചെലവുമില്ലാതെ ആര്‍ക്കും കിട്ടാവുന്നതാണ് ലാവലിന്‍ കരാര്‍ സംബന്ധിച്ച് സിഎജി നല്‍കിയ റിപ്പോര്‍ട്ട്. അതിലെ ഓരോ ഖണ്ഡികയിലും പിണറായി വിജയന്‍ എന്ന പേരുമെഴുതി, സിബിഐ കണ്ടെത്തി എന്ന വാക്കുകള്‍ തിരുകിക്കയറ്റിയാല്‍ എല്ലാ ദിവസവും എട്ടുകോളം എക്സ്ക്ലൂസീവ് വാര്‍ത്തയ്ക്കുളള വകുപ്പായി. ഒരു മൊബൈല്‍ കമ്പനിയുടെ മുന്‍പേജ് പരസ്യം കിട്ടിയതു കൊണ്ട്, അതുകൊണ്ട് മാത്രം വാര്‍ത്ത അഞ്ചാം പേജില്‍ ഒതുങ്ങിപ്പോയി.. അല്ലെങ്കില്‍ ഒന്നാം പേജില്‍ തന്നെ അച്ചടിച്ച്, വേണ്ടപ്പെട്ടവരെ പ്രസാദിപ്പിച്ചേനെ, കാളകൂടാഭ പേറുന്ന മാധ്യമ വിദൂഷകന്മാര്‍.

കഷ്ടം.

ദി റിയല്‍ ആര്‍ട്ട് ഓഫ് ലിവിങ്ങ്

2009-02-01T21:44:00.002+05:30

കുറ്റിച്ചൂലുകളും വാക്വം ക്ലീനറുകളും

2009-01-26T11:43:00.000+05:30

ജനാധിപത്യം എത്ര വ്യാഖ്യാനക്ഷമതയുള്ള പദം...

മുകളില്‍ നിന്നു താഴേയ്ക്കാണോ താഴെ നിന്ന് മുകളിലേയ്ക്കാണോ ജനാധിപത്യം വികസിക്കേണ്ടത് എന്ന വിഷയം തന്നെ ജീവിതകാലം മുഴുവന്‍ ചര്‍ച്ച ചെയ്യാനുള്ളതുണ്ടെന്ന് തോന്നുന്നു. തെരഞ്ഞെടുപ്പ് സംബന്ധിയായ കാര്യങ്ങളാണെങ്കില്‍ പിന്നെ പറയാനുമില്ല. സ്ഥാനാര്‍ത്ഥി നിര്‍ണ്ണയത്തെക്കുറിച്ചുള്ള പ്രാഥമികചര്‍ച്ചകള്‍ എന്ന് തുടങ്ങണം എന്നതിനെപ്പറ്റി കൂടിയാലോചിക്കാനുള്ള യോഗത്തിന്റെ തീയതി തീരുമാനിക്കാനുള്ള അധികാരം ഹൈക്കമാണ്ടിനാണോ അതോ കൂതറ ഡി.സി.സി പ്രസിഡന്റിനാണോ എന്ന വിഷയം അജണ്ടയില്‍ ഉള്‍പ്പെടുത്തണോ വേണ്ടയോ എന്ന വിഷയത്തില്‍ അണികള്‍ക്ക് സംസാരിക്കാന്‍ അവസരം കൊടുക്കണോ വേണ്ടയോ, പാര്‍ലിമെന്റ് സീറ്റിനെക്കുറിച്ച് തീരുമാനിക്കേണ്ടത് ഹൈക്കമാണ്ടാണോ ലോ കമാണ്ടാണോ തുടങ്ങി എല്ലാം പ്രസക്തമായ കാര്യങ്ങള്‍ തന്നെ.

സാംസ്കാരിക തലസ്ഥാനമായ തൃശ്ശൂരില്‍ നിന്നുള്ള ചില വാര്‍ത്തകളുടെ ഫോളോ അപ് ഡല്‍ഹിയില്‍ നിന്നും വന്നത് വായിച്ചപ്പോള്‍ വാചാലനായിപ്പോയതാണ്. ക്ഷമിക്കുക.

ടോം വടക്കന്‍ തൃശ്ശൂരില്‍ നിന്നും മത്സരിച്ചാല്‍ തോല്‍ക്കുമെന്ന് ഡി.സി.സി പ്രസിഡന്റ് സി.എന്‍. ബാലകൃഷ്ണന്‍ പറഞ്ഞത്രെ. അതിനെതിരെ ഡി.സി.സി സെക്രട്ടറി സി.എസ്. ശ്രീനിവാസന്‍ ജനാധിപത്യപരമായിത്തന്നെ സോണിയാ ഗാന്ധിക്ക് പരാതി അയക്കുകയും ചെയ്തു. അതിനു മറുപടിയായി ടോം വടക്കന്‍ പറഞ്ഞത് ഇങ്ങനെ.

തൃശൂര്‍: തൃശൂരുകാരല്ലാത്ത സ്ഥാനമോഹികളുടെ താല്‍പ്പര്യമാണ് ഡി.സി.സി പ്രസിഡന്റിന്റെ പരാമര്‍ശത്തിനു പിന്നിലെന്നും ഹൈക്കമാന്റ് എവിടെ നിര്‍ദേശിച്ചാലും താന്‍ മല്‍സരിക്കുമെന്നും എ.ഐ.സി.സി സെക്രട്ടറി ടോം വടക്കന്‍. എന്നാല്‍, മല്‍സരിക്കാന്‍ പറഞ്ഞാല്‍ തിരഞ്ഞെടുക്കുക തൃശൂരായിരിക്കുമെന്നും അദ്ദേഹം പറഞ്ഞു.

ഞാന്‍ ജനിച്ചതും വളര്‍ന്നതും തൃശൂരിലാണ്. ഡി.സി.സി പ്രസിഡന്റല്ല പാര്‍ലമെന്റ് സീറ്റുകള്‍ നിശ്ചയിക്കുന്നത്. എല്ലാ ജില്ലയിലെയും കോണ്‍ഗ്രസ് പ്രസിഡന്റുമാര്‍ സീറ്റുകളെക്കുറിച്ച് അഭിപ്രായം പറഞ്ഞാല്‍ എ.ഐ.സി.സിക്ക് എന്താണു പ്രസക്തിയെന്നു ടോം ചോദിച്ചു. ഹൈക്കമാന്റുമായി അടുത്തുപ്രവര്‍ത്തിക്കുന്ന കോണ്‍ഗ്രസ്സുകാരനാണു താന്‍. ജനങ്ങളാണു വിജയസാധ്യത നിര്‍ണയിക്കുന്നത്. മല്‍സരിക്കുമെന്ന് ആരെയും അറിയിച്ചിട്ടില്ല. എല്ലാം ഹൈക്കമാന്റ് തീരുമാനിക്കും. തിരഞ്ഞെടുപ്പ് അടുത്തവേളയില്‍ ഡി.സി.സി പ്രസിഡന്റ് ഇങ്ങനെയൊരു പ്രസ്താവന നടത്താന്‍ പാടില്ലായിരുന്നു. ഇത് അച്ചടക്കലംഘനമാണ്. ഞാനൊരു വാക്വം ക്ളീനറാണെന്നും തൃശൂര്‍ വൃത്തിയാക്കാനാണു വന്നിരിക്കുന്നതെന്നും കുറ്റിച്ചൂല്‍പ്രയോഗത്തെ പരാമര്‍ശിച്ച് അദ്ദേഹം പ്രതികരിച്ചു.

ജനാധിപത്യപരമായി പ്രവര്‍ത്തിക്കുന്ന പാര്‍ട്ടികളാവുമ്പോള്‍ അഭിപ്രായ വ്യത്യാസം സ്വാഭാവികം. അതില്‍ തെറ്റൊന്നുമില്ല. എന്നാലും ടോം വടക്കന്‍ പറഞ്ഞ ചില വിഷയങ്ങള്‍ പ്രത്യേകശ്രദ്ധ അര്‍ഹിക്കുന്നു.

എല്ലാ ജില്ലയിലെയും കോണ്‍ഗ്രസ് പ്രസിഡന്റുമാര്‍ സീറ്റുകളെക്കുറിച്ച് അഭിപ്രായം പറഞ്ഞാല്‍ എ.ഐ.സി.സിക്ക് എന്താണു പ്രസക്തിയെന്നും, എല്ലാം ഹൈക്കമാണ്ട് തീരുമാനിക്കുമെന്നും പറഞ്ഞത് തികച്ചും സത്യസന്ധമാണെന്ന് പറയാതെ വയ്യ മുകളില്‍ നിന്ന് താഴോട്ട് ഒഴുകുന്ന ജനാധിപത്യമുള്ള പാര്‍ട്ടികളെ സംബന്ധിച്ച് നൂറുശതമാനം കൃത്യമായ പ്രസ്താവന. ചുമരടിക്കുന്നവനും പോസ്റ്ററൊട്ടിക്കുന്നവനുമൊക്കെ സംസാരിക്കാന്‍ തുടങ്ങിയാല്‍ ഹൈകമാണ്ടിന്റെ കമാണ്ട് ശോഷിച്ചു പോകില്ലേ? ഹൈക്കമാണ്ടുമായി അടുത്തുപ്രവര്‍ത്തിക്കുന്ന കോണ്‍ഗ്രസ്സുകാരനാണു താന്‍ എന്നുമുണ്ട് ടോമിന്റെ പ്രസ്താവനയില്‍. അങ്ങനെ തന്നെയാണ് വേണ്ടത്. ജനാധിപത്യം എവിടെയാണോ കൂടുതല്‍ ഉള്ളത് അവിടെ തന്നെ വേണം നാം അടുത്ത് പ്രവര്‍ത്തിക്കാന്‍. ജനങ്ങളോട് പോകാന്‍ പറ എന്നു പറയാത്തത് ടോം വടക്കന്റെ മാന്യത. അല്ലെങ്കില്‍ മിടുക്ക്. കാരണം അവരാണ് വിജയസാധ്യത നിശ്ചയിക്കുന്നത് എന്നത് മറക്കരുതല്ലോ. ടോം വടക്കന്‍ കുറ്റിചൂലാണെന്ന് ഡി.സി.സി പ്രസിഡണ്ട് പറഞ്ഞിട്ടുണ്ടെങ്കില്‍ അത് മോശമായിപ്പോയി. താനൊരു കുറ്റിച്ചൂലല്ല കൂടിയ ഇനമാണെന്നദ്ദേഹത്തിന് തുറന്നടിക്കേണ്ടി വന്നത് അതുകൊണ്ടല്ലേ? വാക്വം ക്ലീനര്‍ കുറ്റിച്ചൂലിന്റെ കൂടിയ സൈസ് സാധനം അല്ലേ?

തൃശ്ശൂര്‍ വൃത്തിയാക്കാനാണ് താന്‍ വന്നിരിക്കുന്നത് എന്ന പ്രസ്താവന തൃശ്ശൂര്‍ക്കാര്‍ ഹര്‍ഷാരവത്തോടെ സ്വീകരിച്ചു എന്നാണ് കേട്ടത്. ഒരാളെ നോക്കിയിരിക്കുകയായിരുന്നുവത്രെ അവര്‍. അത്രമാത്രം കൊതുകല്ലേ ഇപ്പോള്‍ കേരളത്തില്‍.

ലിങ്കിടുന്നത് ജനാധിപത്യപരമാണോ അല്ലയോ എന്ന ശങ്ക വിട്ടുമാറാത്തതുകൊണ്ട് വാര്‍ത്തകള്‍ക്ക് ലിങ്ക് ഇടുന്നില്ല. when you are in doubt, don't do it എന്നല്ലേ....

അപ്പോ എല്ലാം പറഞ്ഞപോലെ..

മറ്റാരുടെയോ രക്തം, മറ്റാരുടെയോ കുഞ്ഞുങ്ങള്‍

2009-01-15T17:53:00.002+05:30

ഒന്ന്

MR. LEHRER: Mr. Vice President, getting from there to here, 4500 Americans have died, at least a hundred thousand Iraqis have died. Has it been worth that?

VICE PRES. CHENEY: I think so.

(Cheney Reflects on Legacy, Defends Interrogation Policy)

രണ്ട്

2008 ഡിസംബര്‍ 27ന് ഗാസയിലെ ഷിഫാ ആ‍ശുപത്രിക്ക് പുറത്ത് മൃതദേഹങ്ങള്‍ക്കിടയില്‍ നിരത്തിയിട്ടിരിക്കുന്ന കുഞ്ഞിനരികിലിരുന്ന് വിലപിക്കുന്ന ഒരു പാലസ്തീന്‍‌കാരന്‍।

(Photo by Abid Katib/Getty Images )

ഇന്നത്തെ പത്രത്തിലെ വാര്‍ത്തയനുസരിച്ച് ഗാസയില്‍ ഇസ്രയേല്‍ ആക്രമണത്തില്‍ കൊല്ലപ്പെട്ടവരുടെ എണ്ണം 1000 കവിഞ്ഞു. കൊല്ലപ്പെട്ടവരെ അടക്കാന്‍ സ്ഥലം തികയുന്നില്ലത്രെ. ജനവാസകേന്ദ്രങ്ങളെ ഇസ്രയേല്‍ പുത്തന്‍ തലമുറ ബോംബുകള്‍ പരീക്ഷിക്കുന്നതിനുള്ള വേദിയാക്കുന്നതായും വാര്‍ത്തയുണ്ട്.

മൂന്ന്

You've never done nothing
but build to destory
You play with my world
Like its your little toy
You put a gun in my hand
and you turn from my eyes
And you turn and run farther
While the fast bullets fly

You fasten the triggers
for the others to fire
you sit back and watch
white the death count gets higher
You hide in your mansions
While young people's blood
Flows out of their bodies
And gets buried in the mud

Let me ask you one question
Is you money that good?
Will it bring you forgiveness?
Do you think that it could?
I think you will find
When your death takes its toll
All the money you made
Will never bring back your soul.

Bob Dylan, "Masters of War," 1962

*
ഈ പോസ്റ്റ് വായിച്ചപ്പോള്‍ തോന്നിയത്.

ഒരു കോര്‍പ്പറേറ്റ് കവിതയില്‍ നിന്ന്...

2009-01-13T16:47:00.000+05:30

...................................
...................................
...................................
...................................

സത്യത്തില്‍
കണക്ക് തിരുത്തുമ്പോള്‍
എനിക്കറിയാമായിരുന്നു

എന്നെ ഒരു - മോനും
ഒന്നും ചെയ്യാന്‍ പോകുന്നില്ലെന്ന്.

ഏറ്റവും ചെറിയ കുറ്റം മാത്രം ചുമത്തി
എന്നെ രക്ഷിക്കാന്‍ ഇവിടെ ആളുണ്ടാകുമെന്ന്.
ഏഴുവര്‍ഷം വരെ ലഭിക്കാവുന്ന ശിക്ഷക്കര്‍ഹന്‍
എന്നെഴുതാന്‍ പത്രങ്ങള്‍ മത്സരിക്കുമെന്ന്.
ഒരു കൊല്ലത്തിന് ആയിരം കോടി നഷ്ടമല്ലെന്ന്.

അകത്ത് സുരക്ഷിതനായി
ഇരിക്കുമ്പോഴും കമ്പനിയെ രക്ഷിക്കാന്‍
പണമിറക്കാന്‍ ആളുണ്ടാകുമെന്ന്
ജനാധിപത്യ സര്‍ക്കാര്‍ ഉണ്ടാകുമെന്ന്

ഹയര്‍ ആന്‍ഡ് ഫയര്‍ ആണ്
കമ്പനിയുടെ ആപ്തവാക്യമെങ്കിലും
കമ്പനികളിലെ 53000 തൊഴിലാളികളുടെ പേരും പറഞ്ഞ്
സഹായം എന്റെ കമ്പനിക്കെത്തുമെന്ന്
എന്റെ രക്ഷക്കെത്തുമെന്ന്.

...................................
...................................
...................................
...................................

കൂടിപ്പോയാല്‍ കുറച്ച് കാലം
ഗോതമ്പുണ്ട തിന്നുന്നുവെന്ന് അഭിനയിച്ചാല്‍ പോരേ
അകത്തെന്താണെന്ന് പുറത്തറിയില്ലല്ലോ.
സി ക്ലാസ് തടവുകാരന്‍ എന്ന് പത്രങ്ങള്‍ പറയുമെങ്കിലും
അക്ഷരമാല തുടങ്ങുന്നത് സി യിലാണല്ലോ.

അറസ്റ്റ് വരിച്ചതിലും സത്യമുണ്ട്.
ഇന്ത്യന്‍ പീനല്‍ കോഡിന്റെ സ്നേഹസാന്ത്വനങ്ങള്‍
യു.എസ്സിലെ കോടതികളില്‍ പ്രതീക്ഷിക്കരുതല്ലോ.

...................................

ഐ ലവ് യു ഇന്ത്യാ...
ഐ ലവ് യു ഇന്ത്യാ...

...................................
...................................
...................................

ബുക്ക് റിപ്പബ്ലിക് പുസ്തകപ്രകാശനം - വാര്‍ത്തകള്‍

2009-01-11T11:02:00.003+05:30

ചിത്രത്തിനു കടപ്പാട്: ശ്രീനി ശ്രീധരന്‍

നിലവിളിയെക്കുറിച്ചുള്ള കടങ്കഥകള്‍ പ്രകാശനത്തെ സംബന്ധിച്ച് വന്ന വാര്‍ത്തകള്‍.

ഇന്ത്യന്‍ എക്സ്പ്രസ്സിലെ വാര്‍ത്ത

Movie out of a blog

KOCHI: It’s a proud moment for Malayalam bloggers. Five youngsters from blogosphere have raised the status of blogs to that of a creative platform by coming up with a first-of-its-kind video feature based on a blog story. The film, titled ‘Parole’, which had its first screening at Thiruvananthapuram on Wednesday, celebrates the success story of the unity of a group of bloggers. The film will be screened at Changampuzha Park, Kochi at 4.30 pm on Saturday. A quick rewind: Manikantan, one of the first-generation Malayalam bloggers (he is only 33), published a story on his blog, ‘Sankuchithan’, almost three years ago. He also posted the screenplay of the story under the title ‘Parole’, which has now been captured on video by Sanal Sasidharan, another blogger.

Mani and Sanal had their first meeting in the blog world. To be precise, through Sanal’s blog ‘Sanathanan’. Sanal had a brief stint with direction in 2001 when he and a group of youngsters based in Neyyattinkara established Kazhcha Chalachitravedi out of their love for cinema. The group produced a video film ‘Wonder World’, which Sanal posted on his blog and which caught Manikantan’s eye. The rest will soon be history.

``We decided to make the screenplay into a movie and then everything began falling into place. Since we had this huge world of netizens to support us, what began as a five-member venture grew into a 50-member close-knit group. We didn’t go after mainstream personalities to handle any role in its creation, so the making of the movie was comparatively an easy affair,’’ says Sanal.

The only big name in the crew is that of editor Ajithkumar who has been associated with film-makers like Adoor Gopalakrishnan. The protagonist is a young boy, Kannan, played by Aditya. Of the other two child artists in the film, Kalyani, who plays the role of Ammu, is a blogger’s daughter. Another child artist Abhijit is Sanal’s nephew. Karamana Sudheer (son of Karamana Janardhanan Nair) and Sandhya Ramesh (Amrita TV’s ‘Vanitha Ratnam’ fame) also handle leading roles. Venu Pattambi is the art director of the film.

“We adults can deal with migrant life, but kids are not able to do that easily. In the film, Kannan finds it heart-breaking when he is about to be taken abroad after a long stay in his village,” Sanal explains.

The shooting of the 50-minute film took only two months and covered Chathanoor and neighbouring areas. The budget of the film was limited to Rs 2.5 lakh with three of the five-member blogger group pooling in the money. Apart from Mani (who is presently in Dubai) and Sanal, Shaji, Dileep and Kumar form the rest of the group.

So, what’s next? “We plan to make a cinema one day. Being bloggers always keeps us connected to a larger section, which is sure to lead us to our dream,” Sanal says.

*
ഹിന്ദുവിലെ വാര്‍ത്ത

Book, movie by bloggers a hit

KOCHI: Scores of bloggers on Saturday met up at Changampuzha Park, Edapally, to release Nilaviliye Kurichulla Kadamkathaka, a collection of 49 poems authored by South Korea-based Keralite researcher T.P. Vinod. Published by the newly formed Book Republic, a commune of non-resident Keralite bloggers, the book was released by award-winning poet and blogger P.P. Ramachandran. Blogger N.G. Unnikrishnan received the first copy.

The group, aiming at carving a niche in the publishing industry by creating a unique system of book publishing, brought out the volume by pooling in money from members of the bloggers' network. They also plan to bring out CDs in a bid to promote quality woks of art and literature.

A Kaviyarangu, poetry reading session was also organised as part of the book release function in which writers P.P. Ramachandran, N.G. Unnikrishnan, P.N. Gopikrishnan, G. Ushakumari, Sebastian, Vishnu Prasad, Latheesh Mohan, Sanal Sasidharan and several others participated. Books by bloggers T.P. Anilkumar and Christian Joseph were on display at the venue. Another attraction was a sitar recital by T. Vinod Sankaran.

Parole, a short film based on a story and script written by blogger K.V. Manikantan (author of blog, Sankuchitham) and directed by Sanal Sasidharan (author of blog, Sanathanam) was screened as part of the event.

*
ഈ പരിപാടിയുടെ വിജയത്തിനായി ആത്മാര്‍ത്ഥമായി പ്രവര്‍ത്തിച്ച എല്ലാവര്‍ക്കും അഭിനന്ദനങ്ങള്‍।

യാരിദ് പോസ്റ്റ് ചെയ്ത പുസ്തകപ്രകാശന ചടങ്ങിന്റെ വീഡിയോ ഇവിടെ

ബ്ലോഗ് കൂട്ടായ്മക്ക് ഭാവുകങ്ങള്‍

2009-01-05T08:32:00.001+05:30

2009 ജനുവരി 5ലെ ദേശാഭിമാനി ദിനപ്പത്രത്തിലെ വാര്‍ത്ത

ലാപുടയ്ക്കും ബുക്ക് റിപ്പബ്ലിക്കിനും എല്ലാ ഭാവുകങ്ങളും നേരുന്നു.

‘അബ്രഹാമിന്റെ സന്തതികള്‍’ക്കൊരു അനുബന്ധം

2009-01-03T01:16:00.002+05:30

അബ്രഹാമിന്റെ സന്തതികള്‍ എന്ന സൂരജിന്റെ പോസ്റ്റിനു അനുബന്ധമായി ശ്രീ വേണു അമ്പലപ്പടി രചിച്ച ‘പലസ്തീന്‍ പ്രശ്നം ഒരു ചരിത്രാന്വേഷണം’ എന്ന പുസ്തകത്തിലെ പതിനഞ്ചാം അദ്ധ്യായം പോസ്റ്റുന്നു.

1948ലെ അറബ് ഇസ്രയേല്‍ യുദ്ധം

“1948 മെയ് 15ന് ഇസ്രയേല്‍ നിലവില്‍ വന്നു. ഉടന്‍ തന്നെ നവജാതശിശുവിനെ ഞെക്കിക്കൊല്ലാന്‍ അയല്പക്കത്തുള്ള അറബ് രാഷ്ട്രങ്ങള്‍ ഇസ്രയേലിനെതിരെ യുദ്ധം പ്രഖ്യാപിച്ചു. അറബികളുടെ സംയുക്തസേനയെ ഇസ്രയേല്‍ നിശ്ശേഷം തോല്‍പ്പിക്കുകൌം കൂടുതല്‍ ഭൂമി പിടിച്ചടക്കുകയും ചെയ്തു.” ഇസ്രയേല്‍ രൂപവല്‍ക്കരണത്തെത്തുടര്‍ന്ന് പലസ്തീന്‍ മേഖലയില്‍ നടന്ന യുദ്ധത്തെക്കുറിച്ച് ഏതാണ്ട് എല്ലാ ചരിത്രപുസ്തകങ്ങളിലും പ്രതിപാദിക്കുന്ന രീതിയുടെ സാമാന്യവല്‍ക്കരണമാണ് മുകളില്‍ കൊടുത്തത്.

പലസ്തീന്‍ മണ്ണിന്റെ 57% ഭാഗം വിദേശികള്‍ക്ക് ഇസ്രയേല്‍ എന്ന ജൂതരാഷ്ട്രം ഉണ്ടാക്കാന്‍ വിട്ടുകൊടുക്കണമെന്ന് ഐക്യരാഷ്ട്രസഭാ പ്രമേയം വന്നത് 1947 നവംബര്‍ 29ന് ആയിരുന്നല്ലോ. ഇത് ലോക ജൂതപ്രസ്ഥാനം സ്വാഗതം ചെയ്യുകയും ചെയ്തിരുന്നു. അതിനര്‍ത്ഥം തങ്ങള്‍ക്ക് പലസ്തീനിന്റെ ഇത്രയും ഭാഗം മാത്രം മറ്റി എന്ന് അവര്‍ സമ്മതിച്ചു എന്നതല്ല. പ്രയോഗക്ഷമമായ ഒരു രാഷ്ട്രമായി ജൂത പലസ്തീന്‍ മാറണമെങ്കില്‍ അയല്പക്കത്തുള്ള അറബ് രാഷ്ട്രങ്ങളില്‍ നിന്നും ഏതാനും ഭാഗങ്ങള്‍ കൂടി ചേര്‍ന്നുവന്നാലേ പറ്റൂ എന്നായിരുന്നു അവരുടെ കണക്കുകൂട്ടല്‍.ഇങ്ങനെ രൂപവല്‍ക്കരിക്കുന്ന വിശാല ‘മെദീനത്ത് യിസ്രയേലില്‍’ ജൂതന്മാര്‍ ഭൂരിപക്ഷമായിരിക്കണമെന്നും അവര്‍ക്ക് നിര്‍ബന്ധമുണ്ടായിരുന്നു. എന്നാല്‍ ഇങ്ങനെ വിഭാവനം ചെയ്യപ്പെട്ട പ്രദേശത്തെ ഭൂരിപക്ഷമായി തീരുവാനുള്ള ജൂത ജനസംഖ്യ ഭൂമിയിലാകെ ഉണ്ടായിരുന്നില്ല. പക്ഷെ അതിനൊരു എളുപ്പവഴി ഉണ്ടായിരുന്നു. അറബ് ഭൂപ്രദേശങ്ങള്‍ മാത്രം പിടിച്ചെടുക്കുകയും അതില്‍ അധിവസിക്കുന്നവരെ ഓടിക്കുകയും ചെയ്യുക! ഇത് ആദ്യം പലസ്തീന്‍ ഭൂമിയില്‍ നിന്ന് തുടങ്ങുക. തുടര്‍ന്ന് അയല്‍ പ്രദേശങ്ങളില്‍ ആവര്‍ത്തിക്കുക. ഇതിനായി മുന്‍‌കൂര്‍ കണ്ടുവെച്ച സ്ഥലങ്ങളായിരുന്നു ഈജിപ്ത്, ട്രാന്‍സ് ജോര്‍ദാന്‍, സിറിയ, ലബനന്‍ എന്നിവ.

1948ന് മുന്‍പ് തന്നെ ഇത് കേവലം കാടുകയറിയ ചില സിയോണിസ്റ്റുകളുടെ ചിന്ത എന്ന നിലയിലല്ല മുന്നോട്ട് വെക്കപ്പെട്ടത്. ബ്രിട്ടീഷ് സാമ്രാജ്യം തന്നെ ചിന്തിച്ചുറപ്പിച്ച ഒരു നിലപാടായി രൂപപ്പെട്ടു വന്നതാണ്. 1944ല്‍ ചേര്‍ന്ന ബ്രിട്ടീഷ് ലേബര്‍ പാര്‍ട്ടിയുടെ ഒരു തീരുമാനത്തില്‍ ഇങ്ങനെ പറയുന്നു:

“ പലസ്തീന്‍ തീര്‍ച്ചയായും ഒരു പ്രശ്നമാണ്. മാനുഷികമെന്ന് നിലക്കും ഒരു സുസ്ഥിരമായ ജൂത കുടിയേറ്റ മേഖല സ്ഥാപിക്കാനുള്ള സ്ഥലമെന്ന നിലക്കും അവിടുത്തെ നിലവിലുള്ള ജനങ്ങളെ അവിടെ നിന്നും മാറ്റേണ്ടത് ആവശ്യമാണ്.ജൂതന്മാര്‍ പ്രവേശിപ്പിക്കുമ്പോള്‍ അവരെ അവിടെനിന്നും പുറത്തുപോകാന്‍ പ്രോത്സാഹിപ്പിക്കണം.....തീര്‍ച്ചയായും നിലവിലുള്ള അതിര്‍ത്തി വിപുലപ്പെടുത്താനുള്ള സാധ്യതകള്‍ ആരായണം. അതിന് ഈജിപ്ത്, സിറിയ, ട്രാന്‍സ് ജോര്‍ദ്ദാന്‍ എന്നിവയുമായി അതിര്‍ത്തി കരാറുകള്‍ ഉണ്ടാക്കാന്‍ ശ്രമിക്കണം.”(1944 Annual General Conference Report of British Labour Party quoted by Christopher Mayhew & Michael Adam in Publish It Not, page 34)

ഇങ്ങനെ രൂപവത്ക്കരിക്കപ്പെടാന്‍ പോകുന്ന ഒരു കൃത്രിമ രാജ്യത്തെക്കുറിച്ച് വിഭാവനം ചെയ്യുമ്പോള്‍ത്തന്നെ അത് പലസ്തീന്‍ മുഴുവനായി മാത്രമല്ല. അയല്‍‌പ്രദേശങ്ങളെക്കൂടി ലക്ഷ്യമാക്കിയുള്ളതായിരുന്നു എന്ന് വ്യക്തമാകുന്നു. ഈ ലക്ഷ്യസ്ഥാപനത്തിനുള്ള ആയപടി എന്ന നിലയിലായിരുന്നു യു.എന്‍ പ്രഖ്യാപനത്തെ സാമ്രാജ്യത്വവും സിയോണിസ്റ്റുകളും കണ്ടത്. അതുകൊണ്ടു തന്നെയാണ് യു.എന്‍ പ്രഖ്യാപനത്തിനും ഔദ്യോഗിക ഇസ്രയേല്‍ രൂപവത്കരണപ്രഖ്യാപനത്തിനും ഇടയില്‍ത്തന്നെ ഐക്യരാഷ്ട്രസഭ വിട്ടുകൊടുക്കാമെന്ന് പറഞ്ഞ സ്ഥലവും അതിന്റെ പകുതിയോളം വരുന്ന അധികസ്ഥലവും അവര്‍ പിടിച്ചെടുത്തത്. സ്വാഭാവികമായും മെയ് 15 മുതല്‍ തങ്ങളുടേ അജണ്ടയുടെ ബാക്കിഭാഗങ്ങള്‍ കൂടി നടപ്പിലാക്കാന്‍ ഇസ്രയേല്‍ കുതിക്കുമ്പോഴാണ് പലസ്തീന്റെ/ഇസ്രയേലിന്റെ അയല്‍ രാജ്യങ്ങളായ ട്രാന്‍സ് ജോര്‍ദ്ദാന്‍, സിറിയ, ലെബനണ്‍, ഈജിപ്ത് എന്നിവ ഇസ്രയേലുമായി യുദ്ധം പ്രഖ്യാപിച്ചു എന്ന് പറയപ്പെടുന്നത്.

അറബ് രാഷ്ട്രങ്ങളും ഇസ്രയേലിന്റെ ജനനവും

ജനിക്കുന്നതിനു മുന്‍പു തന്നെ ഇസ്രയേലിനെ വിഴുങ്ങിക്കൊണ്ടിരുന്ന ഭീകരനായിരുന്നല്ലോ ഇസ്രയേല്‍. സാമ്രാജ്യത്വത്തിന്റെ പൂര്‍ണ്ണസഹായത്തോടെ മുഴുവനായും സൈനികവല്‍ക്കരിക്കപ്പെട്ട സമൂഹവുമായിരുന്നു അവരുടേത്. എന്നാല്‍ പലസ്തീന്റെ അയല്‍‌രാജ്യങ്ങളായ അറബ് രാഷ്ട്രങ്ങളുടെ അവസ്ഥയോ? അവ പൂര്‍ണ്ണമായും സ്വതന്ത്ര സമൂഹങ്ങളെന്നോ സ്വതന്ത്ര രാജ്യങ്ങളെന്നോ പറയാന്‍ പറ്റാത്തവയായിരുന്നു. ട്രാന്‍സ് ജോര്‍ദ്ദാന്‍, സിറിയ, ലെബനണ്‍, ഈജിപ്ത് എന്നിവിടങ്ങളിലെല്ലാം സാമ്രാജ്യത്വത്തിന്റെ പാവകളായ ഭരണാധികാരികളായിരുന്നു ഉണ്ടായിരുന്നത്. ഇവയിലെ പ്രമുഖശക്തികളായ ഈജിപ്തിലെയും ജോര്‍ദ്ദാനിലെയും സൈന്യങ്ങളെ നിയന്ത്രിച്ചതുപോലും ബ്രിട്ടീഷുകാരായിരുന്നു.

പലസ്തീനെ വിഴുങ്ങി ജനങ്ങളെ അടിച്ചോടിക്കുന്ന പുതിയ ജൂതരാഷ്ട്രത്തിന്റെ ആക്രമങ്ങളില്‍ ഈ രാജ്യങ്ങളിലെ സാധാരണ ജനങ്ങള്‍ക്ക് വമ്പിച്ച പ്രതിഷേധമുണ്ടായിരുന്നു. എന്നാല്‍ ഈ പ്രതിഷേധത്തെ സൈനികമായ ഒരു മുന്നേറ്റത്തിന് ഊര്‍ജ്ജമാക്കിത്തീര്‍ക്കേണ്ട ഭരണകൂടത്തെ നിയന്ത്രിക്കുന്നത് സാമ്രാജ്യത്വ ശക്തികള്‍ തന്നെയാണെന്നതായിരുന്നു വൈരുദ്ധ്യം.ഇതില്‍ ജോര്‍ദ്ദാന്‍ രാജാവിന്റെ പട്ടാളമായ അറബ് ലീജയന്റെ തലവന്‍ തന്നെ ഗ്ലബ് പാഷാ എന്ന പേരിലറിയപ്പെട്ട സര്‍ ജോണ്‍ ഗ്ലബ്ബ് ആയിരുന്നു.(Sir John Glubb)

1948 മെയ് 15ന് ഇസ്രയേലിനോട് യുദ്ധം പ്രഖ്യാപിച്ചു എന്ന് പാഠപുസ്തകങ്ങളില്‍ പറയുന്ന രാഷ്ട്രങ്ങളുടെ അവസ്ഥ തന്നെയായിരുന്നു ഇത്. യു.എന്‍ അനുവദിച്ച പലസ്തീന്‍ ഭൂമിയും കടന്ന് ഏകപക്ഷീയമായി ആക്രമിച്ചു കയറുന്ന ഇസ്രയേലിനെതിരെ എന്തെങ്കിലും ചെയ്യേണ്ടത് ഈ രാഷ്ട്രങ്ങളുടെ ആവശ്യമായിരുന്നു. തങ്ങളുടെ സമൂഹത്തിലെ സാധാരണ മനുഷ്യരുടെ ചോദ്യങ്ങള്‍ക്ക് ഉത്തരം നല്‍കാന്‍ അതല്ലാതെ അവര്‍ക്ക് ഒരു പോവഴിയും ഉണ്ടായിരുന്നില്ല. ഇങ്ങനെ സ്വന്തം ജനങ്ങളില്‍ നിന്നും രക്ഷപ്പെടാനുള്ള ഉപാധി എന്ന നിലയില്‍ ഈ നാല് രാജ്യങ്ങളും ഇസ്രയേലിനോട് യുദ്ധം പ്രഖ്യാപിക്കുകയായിരുന്നു. ഓരോ രാജ്യവും തങ്ങളുടെ പ്രതീകാത്മകസൈനികസാന്നിദ്ധ്യമായിരുന്നു ഉറപ്പാക്കിയത്. എല്ലാവരും കൂടി 20,000 പേര്‍. ഇങ്ങനെ യുദ്ധത്തില്‍ പങ്കെടുക്കുന്നത് ഇസ്രയേലിന്റെ ആക്രമിച്ച് തോല്‍പ്പിക്കാനല്ല എന്ന് വ്യക്തം. ഇസ്രയേലി മണ്ണിലേക്ക് കടന്നു പോകരുതെന്ന് ഈ സൈന്യങ്ങള്‍ക്ക് യുദ്ധാരംഭത്തിനു മുന്‍പു തന്നെ വ്യക്തമായി നിര്‍ദ്ദേശം നല്‍കപ്പെട്ടിരുന്നു. ഇസ്രയേലിന്റെ ഒരിഞ്ചു ഭൂമിപോലും യാതൊരു കാരണവശാ‍ലും പിടിച്ചെടുക്കരുതെന്ന് ഒരു മുന്‍ ഉപാധി ഉണ്ടാ‍യിരുന്നു എന്നര്‍ത്ഥം.

“ട്രാന്‍സ് ജോര്‍ദ്ദാന്റെ അറബ് ലീഗിനെ നയിച്ചിരുന്നത് ബ്രിട്ടീഷ് നേതൃത്വമായിരുന്നു. യു.എന്‍ വിഭജന പദ്ധതി പ്രകാരം ജൂതന്മാര്‍ക്ക് അനുവദിച്ച സ്ഥലത്തേക്ക് കടക്കരുതെന്ന് ഇവര്‍ക്ക് കര്‍ശന നിര്‍ദ്ദേശമുണ്ടായിരുന്നു. ഗ്ലബ് പാഷാ എന്നു കൂടി വിളിക്കപ്പെടുന്ന സര്‍ ജോണ്‍ ഗ്ലബ് എന്ന അറബി ലീഗിന്റെ കമാണ്ടര്‍ പറയുന്നത് ജോര്‍ദ്ദാന്‍ സൈനികര്‍ ഐക്യരാഷ്ട്രസഭ ഇസ്രയേലിനു നീക്കിവെച്ച പ്രദേശത്തെ സംരക്ഷിക്കാനാണ് ശ്രമിച്ചതെന്നുമാണ്.”(Henry Cattan, Palestine, The Arabs and Israel: The Search for Justice. Longman London 1970- page27-38)

യുദ്ധം ആരംഭിക്കുന്നതിനു മുന്‍പുള്ള ഈ നിലപാട് വ്യക്തമാക്കുന്നത് ഈ മുസ്ലീം ഫ്യൂഡല്‍ രാഷ്ട്രം പലസ്തീനെ വിഭജിച്ച് ജൂത പലസ്തീന്‍ അഥവാ ഇസ്രയേല്‍ സ്ഥാപിക്കാനുള്ള പദ്ധതിയെ അവര്‍ അനുകൂലിക്കുന്നു എന്നതാണ്. പലസ്തീന്‍ വിഭജിച്ച് വിദേശീയര്‍ക്ക് രാഷ്ട്രമുണ്ടാക്കാന്‍ ദാനം ചെയ്ത നടപടിയെ എതിര്‍ക്കുന്ന പലസ്തീന്‍ ജനതെയുടെ കൂടെയല്ല ഇവരെന്നുമാണ്. പലസ്തീനിലെ മൌലികമായ ഈ പ്രശ്നത്തിന്റെ പേരിലല്ല ഇവരാരും തന്നെ ഇസ്രയേലിനോട് യുദ്ധം പ്രഖ്യാപിച്ചതും. അതുകൊണ്ട് തന്നെ യുദ്ധത്തിലെ ജയാപജയങ്ങള്‍ ഒരു തരത്തിലും പലസ്തീന്റെ ഭാവിയെ സ്പര്‍ശിക്കുന്നതുമായിരുന്നില്ല.

അപ്പോള്‍പ്പിന്നെ അറബ് രാഷ്ട്രങ്ങള്‍ നടത്തിയ പ്രതീകാത്മകയുദ്ധം എന്തിനായിരുന്നു? ജോര്‍ദ്ദാന്റെ കാര്യത്തില്‍ വാക്കില്‍പ്പോലും ഒരു സ്വതന്ത്രപലസ്തീനായിരുന്നില്ല ലക്ഷ്യം. ഈ ഇസ്ലാമിക രാഷ്ട്രെത്തിന്റെ ലക്ഷ്യം തയ്യാറാക്കപെട്ടതുപോലും സാമ്രാജ്യത്വ തലസ്ഥാനങ്ങളിലായിരുന്നു. ഐക്യരാഷ്ട്രെസഭ നിര്‍ദ്ദേശത്തില്‍ പലസ്തീനായി ഒഴിച്ചിട്ട ഭാ‍ഗവും കൂടി തങ്ങളുടേതാക്കുകയായിരുന്നല്ലോ ഇസ്രയേല്‍ ചെയ്തുകൊണ്ടിരുന്നത്. ഇങ്ങനെ ഇസ്രയേല്‍ പിടിച്ചെടുത്തുകൊണ്ടിരിക്കുന്ന ഭാഗത്തേക്ക് തങ്ങളും കൂടി ഇറങ്ങുക. കുറച്ച് ഭാഗം തങ്ങളും പിടിച്ചെടുക്കുക. അത് തങ്ങളുടെ രാജ്യത്തില്‍ ലയിപ്പിക്കുക. ഇത് ബ്രിട്ടനും അമേരിക്കയും ഫ്രാന്‍സും പ്രോത്സാഹിപ്പിക്കുന്ന നയപരമായ തീര്‍ന്മാനമായിരുന്നു. പലസ്തീന്‍ എന്ന ഭൂപ്രദേശം അറബ് രാഷ്ട്രെങ്ങളുടെ കൂടി ചെയ്തികളുടെ ഫലമായാണ് ചരിത്രത്തില്‍ നിന്നും തിരോഭവിക്കുന്നത് എന്ന് ഇതുവഴി വന്നുകൂടുമല്ലോ. അതായത് ഇസ്രയേലിന്റെ യുക്തിപരമായ നിലനില്‍പ്പിന് പിറന്നുവീണ ഈ കുഞ്ഞിനു നേരെയുള്ള ഒരു അറബ് യുദ്ധം ആവശ്യമായിരുന്നു എന്ന് സാരം.

ജോര്‍ദ്ദാന്റെ ഈ നിലപാടിനോട് വിയോജിക്കുന്നവരായിരുന്നു ഈജിപ്തും അവരെ സഹായിക്കുന്ന അറേബ്യയിലെ സൌദികളും. ജോര്‍ദ്ദാന്റെ വിസ്തൃതി വര്‍ദ്ധിക്കുന്നതിനെതിരെ കരുക്കള്‍ നീക്കുകയായിരുന്നു യുദ്ധത്തില്‍ പങ്കെടുക്കുന്ന ഇവരുടെ ഒരേ ഒരു ലക്ഷ്യം. ഇതിനായി വേണ്ടി മാത്രം ജറുസ്സലേമിലെ മുഫ്തിയുടെ നേതൃത്വത്തിലുള്ള ഒരു സ്വതന്ത്രപലസ്തീനു വേണ്ടിയാണ് തങ്ങള്‍ നിലകൊള്ളുന്നത് എന്ന് പറഞ്ഞാണ് ഇവര്‍ യുദ്ധത്തിനിറങ്ങിയത്. ഇങ്ങനെ പരസ്പരം യുദ്ധം ചെയ്യാന്‍ ഒരു പൊതുകളം എന്ന നിലയിലുള്ള ഒരു ‘സംയുക്ത അറബ് സൈന്യ‘മാണ് 1948 മെയ് 15ന് ഇസ്രയേലിനെതിരെ യുദ്ധം പ്രഖ്യാപിച്ചത്.

മെദീനത്ത് യിസ്രായേലിന്റെ പ്രഖ്യാപനദിവസം തന്നെ ഹഗനാഹ എന്ന ഭീകരസംഘടനയെ അവരുടെ ഔദ്യോഗിക സൈന്യമായും പ്രഖ്യാപിക്കപ്പെട്ടു. ആ‍ബാലവൃദ്ധം ജനങ്ങള്‍ക്ക് ആയുധപരിശീലനം നല്‍കിക്കൊണ്ട്, അത്യന്താധുനിക ആയുധങ്ങളോടെ എല്ലാം കീഴടക്കാനുള്ള അധിനിവേശ ദാഹത്തോടെ നീങ്ങുന്ന ഒരു സൈന്യത്തോടാണ് അറബികള്‍ ആര്‍ക്കോ വേണ്ടി പ്രതീകാത്മക യുദ്ധത്തിനു പോയത്.

യുദ്ധം പ്രഖ്യാപിക്കുന്നതിനു മുന്‍പ് തന്നെ പലസ്തീനിന്റെ ഏറിയ പങ്ക് സ്ഥലവും കൈവശപ്പെടുത്തിയ ജൂതപ്പടക്കും അതിന് കൂട്ടുനിന്ന സാമ്രാജ്യത്വത്തിനും തങ്ങളുടെ കടന്നാക്രമണത്തെ പുകമറകൊണ്ട് മറയ്ക്കേണ്ടിയിരുന്നു. കൈയേറ്റത്തെ ‘യുദ്ധ വിജയ’മാക്കി അവതരിപ്പിക്കുക എന്നതായിരുന്നു ഇതിന് കണ്ടെത്തിയ വിദ്യ. ജൂതപ്പടക്ക് ഒരു യുദ്ധവിജയത്തിന്റെ ബാക്കിപത്രമായി വന്നുചേര്‍ന്നതാണ് പലസ്തീന്‍ ഭൂമി എന്ന താര്‍ക്കിക യുക്തിക്ക് വഴിയൊരുക്കുക എന്നതായിരുന്നു ‘സംയുക്ത അറബ് സൈന്യ‘ത്തിന്റെ ആക്രമണത്തിന്റെ പ്രായോഗിക ഫലം. അറബ് ഭരണകൂടങ്ങള്‍ ഇങ്ങനെ സാമ്രാജ്യത്വവുമായി ഒത്തുകളി നടത്തുമ്പോള്‍ പലസ്തീന്‍ ജനത കടന്നാക്രമണത്തിന്റെ ഭീകരത സഹിക്കവയ്യാതെ തങ്ങളുടെ പിറന്ന മണ്ണും വിട്ട് പാലായനം തുടങ്ങി.

പ്രശ്നം ഐക്യരാഷ്ട്രസഭ സെക്യൂരിറ്റി കൌണ്‍സിലിന്റെ പരിഗണക്ക് വന്നു. മെയ് 29ന് സെക്യൂരിറ്റി കൌണ്‍സില്‍ ഒരു വെടിനിര്‍ത്തലിന് ആഹ്വാനം ചെയ്തു. ഇസ്രയേല്‍ ചെവി കൊണ്ടില്ല. അവസാനം ഐക്യരാഷ്ട്രസഭയുടെ മധ്യസ്ഥന്‍ കൌണ്ട് ബര്‍ണാഡോട്ടിന്റെ ശ്രമഫലമായി ജൂണ്‍ 11ന് നാല് ആഴ്ചത്തേക്ക് വെടി നിറുത്താം എന്ന് സമ്മതിച്ചു. ഈ കാലയളവിനുള്ളില്‍ ഐക്യരാഷ്ട്രസഭയുടെ നേതൃത്വത്തില്‍ അഭയാര്‍ത്ഥി പ്രശ്നമുള്‍പ്പെടെയുള്ള പലസ്തീന്‍ പ്രശ്നത്തിന് കുറെക്കൂടി മെച്ചപ്പെട്ട ഒരു പരിഹാരമുണ്ടാക്കാന്‍ ശ്രമിക്കും എന്നതായിരുന്നു ധാരണ. ഇതിനായി വെടിനിറുത്തല്‍ പ്രാബല്യത്തിലുള്ള കാലയളവില്‍ യാതൊരുവിധ യുദ്ധസാമഗ്രികളും ഇറക്കുമതി ചെയ്യാന്‍ പാടില്ല എന്നും ഒരു വ്യവസ്ഥയായി ഉള്‍ക്കൊള്ളിച്ചിരുന്നു. അതുവരെയുള്ള യുദ്ധംകൊണ്ടു തന്നെ ഇസ്രയേല്‍ അടക്കമുള്ള കക്ഷികളുടേ ആയുധസാമഗ്രികള്‍ തീരാറായിട്ടുണ്ടായിരുന്നു. കൂടുതല്‍ സാമഗ്രികള്‍ എത്തിയില്ലെങ്കില്‍ പ്രശ്നം യുദ്ധം കൊണ്ട് തീര്‍ക്കാനുള്ള അമിതാവേശം ഇല്ലാതാകുമല്ലോ. ഇതിന്റെ ഭാഗമായിത്തന്നെ യുദ്ധത്തില്‍ ഏര്‍പ്പെട്ട രാജ്യങ്ങള്‍ക്ക് പുറത്തുനിന്നുള്ള ഒരു രാജ്യവും ഈ കാലയളവില്‍ ആയുധങ്ങള്‍ നല്‍കരുതെന്നും വ്യവസ്ഥ ചെയ്തിട്ടുണ്ടായിരുന്നു.

ആയുധങ്ങള്‍ ശേഖരിക്കുന്നതിന് അറബ് രാഷ്ട്രങ്ങള്‍ക്ക് ഏര്‍പ്പെടുത്തിയ വിലക്ക് അക്ഷരം പ്രതി പാലിക്കപ്പെട്ടു. കാരണം തീരുമാനമെടുക്കേണ്ടത് സാമ്രാജ്യത്വശക്തികളുടേ സൈനിക നേതൃത്വമായിരുന്നല്ലോ. തങ്ങളുടെ കൈവശമുണ്ടായിരുന്ന വെടിക്കോപ്പുകള്‍ തീര്‍ത്ത ശേഷം ഐക്യരാഷ്ട്രസഭയുടേ നേതൃത്വത്തിലുണ്ടാകാന്‍ പോകുന്ന യുദ്ധമില്ലാക്കാലത്തെക്കുറിച്ചുള്ള സ്വപ്നങ്ങള്‍ നെയ്ത് അവര്‍ നാലാഴ്ച സുഖകരമായി ചെലവഴിച്ചു.

എന്നാല്‍ ഇസ്രയേലിന്റെ കാര്യത്തില്‍ കാര്യങ്ങള്‍ നടന്നത് വ്യത്യസ്തമായാണ്. യുദ്ധവിരാമം അനുവദിച്ച നാല് ആഴ്ച സമയം പരമാവധി ആയുധങ്ങള്‍ യൂറോപ്പില്‍ നിന്നും അനധികൃതമായി ഇറക്കുമതി ചെയ്യാനാണ് അവര്‍ ഉപയോഗിച്ചത്. ഇതിനായി അമേരിക്കയില്‍ നിന്നും നിര്‍ലോപം കിട്ടിയ ഡോളര്‍ അവര്‍ വാരിയെറിഞ്ഞു.

യുദ്ധവിരാമം ജൂലൈ 7ന് അവസാനിച്ചു. 1948 ജൂണ്‍ 8ന് പുതുതായി വാരിക്കൂട്ടിയ ആയുധങ്ങളുമായി ഇസ്രയേല്‍ പൂര്‍വാധികം ശക്തിയോടെ യുദ്ധരംഗത്തെത്തി വന്നു. തങ്ങള്‍ തല്‍ക്കാലം ഉദ്ദേശിച്ച പ്രയോഗക്ഷമമായ രാഷ്ട്രത്തിന്റെ അതിര്‍ത്തിയില്‍ എത്തിക്കഴിഞ്ഞുവെന്ന് ഇസ്രയേലിനും സാമ്രാജ്യത്വശക്തികള്‍ക്കും ബോധ്യം വന്നപ്പോള്‍ ജൂലൈ 18ന് വീണ്ടും യുദ്ധവിരാമമുണ്ടായി. പലസ്തീന്‍ പ്രശ്നത്തിന് പരിഹാരമാകുന്നതുവരെ ഈ യുദ്ധവിരാമം തുടരണം എന്നതായിരുന്നു ഇതിലെ മുഖ്യവ്യവസ്ഥ.

യുദ്ധവിരാമം അടിച്ചോടിപ്പിക്കപ്പെട്ട പലസ്തീന്‍ ജനതയെ സ്വന്തം മണ്ണിലേക്ക് തിരിച്ചുകൊണ്ടുവരുന്നതിന് അവസരമൊരുക്കും എന്ന് യു.എന്‍. മധ്യസ്ഥന്‍ ബര്‍ണഡോട്ട് പ്രത്യാശിച്ചു. ഇതിനായി അഭയാര്‍ത്ഥികളായി പോയവരോട് നിര്‍ഭയം തങ്ങളുടെ നാട്ടിലേക്ക് കടന്നുവരാന്‍ അദ്ദേഹം നിര്‍ദ്ദേശിച്ചു. എന്നാല്‍ അവര്‍ ഒരിക്കല്‍പ്പോലും തിരിച്ചുവരില്ല എന്നുറപ്പു വരുത്താന്‍ വേണ്ട എല്ലാ നടപടികളും തങ്ങള്‍ ചെയ്യുമെന്നാണ് ഇസ്രയേല്‍ പ്രധാനമന്ത്രി ബെന്‍ ഗുരിയന്‍ ഇതിനു നല്‍കിയ മറുപടി. (Michael Bar - Zoher - The Armed Prophet - A Biography of Ben-Gurion)

ഏതൊക്കെയായിരുന്നു ആ നടപടികള്‍? ആദ്യ യുദ്ധവിരാമത്തെത്തുടര്‍ന്നു തന്നെ തല്‍ക്കാലം ഓടി രക്ഷപ്പെട്ട ജനങ്ങള്‍ പ്രതീക്ഷയോടെ തിരിച്ചുവന്നു തുടങ്ങിയിരുന്നു. പക്ഷേ അവര്‍ക്ക് തങ്ങളുടെ വീടുകള്‍ക്ക് മുന്നില്‍ കാണാന്‍ കഴിഞ്ഞത് ബുള്‍ഡോസറുകളെയായിരുന്നു. പട്ടാളക്കാര്‍ പലസ്തീന്‍ ജനതയുടെ വീടുകളെല്ലം നിലം‌പരിക്കുകയായിരുന്നു. ഒരു അഭയാര്‍ത്ഥി ക്യാമ്പ് സന്ദര്‍ശിച്ചപ്പോള്‍ കണ്ട കാഴ്ച ബര്‍ണഡോട്ട് വിവരിക്കുന്നുണ്ട്. ഭക്ഷണത്തിനും വീടിനും വേണ്ടി അലമുറയിട്ടു കരയുന്ന ദേശവാസികളുടെ ചിത്രം ദയനീയമായിരുന്നു. ഇതിനെത്തുടര്‍ന്ന് മറ്റ് അറബ് രാഷ്ട്രങ്ങളുമായുള്ള അതിര്‍ത്തി പ്രശ്നത്തിനപ്പുറം മാനമുള്ളതാണ് പ്രശ്നമെന്ന് യു.എന്‍ മധ്യസ്ഥന്‍ പ്രസ്താവിച്ചു. പലസ്തീനിലെ ജനതയും അവരുടെ മണ്ണും എന്ന കേന്ദ്രപ്രശ്നത്തെ മുന്‍‌നിര്‍ത്തി വേണം പ്രശ്നപരിഹാരം തേടേണ്ടതെന്നും അദ്ദേഹം ചൂണ്ടിക്കാട്ടി. അതിനായി 1947ലെ യു. എന്‍ നിര്‍ദ്ദേശം ഭേദഗതി ചെയ്യണമെന്നും അദ്ദേഹം നിര്‍ദ്ദേശിച്ചു.

പ്രശ്നത്തിന്റെ കാതല്‍ തൊട്ടുള്ള ഈ നിര്‍ദ്ദേശം ഐക്യരാഷ്ട്രസഭയുടെ തീരുമാനപ്രകാരം രൂപവത്ക്കരിക്കപ്പെട്ട ഇസ്രയേല്‍ എങ്ങനെയാണ് സ്വീകരിച്ചത്? 1948 സെപ്തംബര്‍ 17ന് ജറുസ്സലേമില്‍ വെച്ച് ബര്‍ണഡോട്ടിനെയും യു.എന്‍ പ്രതിനിധി ആന്ദ്രെ സറോട്ടിയേയും ഇസ്രയേല്‍ വെടിവെച്ചുകൊന്നു. പക്ഷെ, അതിനു മുന്‍പ് തന്നെ അദ്ദേഹം തന്റെ നിര്‍ദ്ദേശങ്ങളടങ്ങിയ റിപ്പോര്‍ട്ട് തയ്യാറാക്കിയിരുന്നു. എന്നാല്‍ അത് തയ്യാറാക്കിയ വ്യക്തിയെത്തന്നെ കൊന്നുതള്ളിയ ഭീകരരാഷ്ട്രം ആ റിപ്പോര്‍ട്ടിന് കീറക്കടലാസിന്റെ വിലപോലും കല്‍പ്പിച്ചില്ല.

ഐക്യരാഷ്ട്രസഭയുടെ ഇത്രയും ഉന്നതനായ ഒരു വ്യക്തിയെ ഇത്രയും ക്രൂരമായി വധിച്ചിട്ട് ഒരിലപോലും ഇളകിയില്ല എന്നത് തങ്ങള്‍ നടത്തുന്ന കടന്നാക്രമണം കൂടുതല്‍ രൂക്ഷമാക്കാന്‍ ഇസ്രയേലിനെ പ്രോത്സാഹിപ്പിച്ചു. അതിന്റെ തുടര്‍ച്ചയായി അറബ് രാഷ്ട്രങ്ങളുമായി വെവ്വേറെ വെടിനിര്‍ത്തല്‍ കരാറുകളും പിന്നീട് നിലവില്‍ വന്നു. ഇസ്രയേലുമായി യുദ്ധം നടന്നുകൊണ്ടിരിക്കുമ്പോള്‍ തന്നെ ജോര്‍ദ്ദാന്‍ ഈജിപ്തിനെതിരെയും ഈജിപ്ത് ജോര്‍ദ്ദാനെതിരെയും കരുക്കള്‍ നീക്കുകയായിരുന്നു. പരസ്പരം ആരോപണം ഉന്നയിച്ച് യുദ്ധത്തില്‍ നിന്നും പിന്മാറി ഇസ്രയേലുമായി സന്ധിയിലെത്തുവാന്‍ ഇരു രാഷ്ട്രങ്ങളും അണിയറയില്‍ ശ്രമിക്കുകയായിരുന്നു. ഇതിനുവേണ്ടിയുള്ള ജോര്‍ദ്ദാന്റെ ശ്രമങ്ങള്‍ പുറത്തായപ്പോള്‍ അറബ് ഐക്യത്തെ ജോര്‍ദാന്‍ തുരങ്കം വെച്ചു എന്ന് പറഞ്ഞ് ഈജിപ്ത് യുദ്ധത്തില്‍ നിന്നും പിന്മാറി. 1949 ഫെബ്രുവരി 29ന് അവര്‍ ഇസ്രയേലുമായി കരാറിലെത്തി. തുടര്‍ന്ന് മറ്റു രാഷ്ട്രങ്ങളും ഇതുതന്നെ പിന്തുടര്‍ന്നു.

ഇങ്ങനെ തങ്ങള്‍ ആദ്യപടിയായി ആഗ്രഹിച്ചതെല്ലാം നേടി എന്നു വന്നപ്പോള്‍ ഇസ്രയേല്‍ യുദ്ധം താല്‍കാലികമായി നിറുത്തി. ഇത്തരമൊരു പരിസമാപ്തിക്കായി എല്ലാവിധ സൌകര്യങ്ങളും ചെയ്തുകൊടുത്തു. തങ്ങള്‍ക്കുവേണ്ടി അറബ് മേഖലയെ ഭരിക്കാന്‍ കെല്‍പ്പുള്ള ഒരു രാഷ്ട്രം നിലവില്‍ വന്നു എന്നുറപ്പായപ്പോള്‍ സാമ്രാജ്യത്വ അച്ചുതണ്ട് മറനീക്കി പുറത്തുവന്നു. 1950 ഏപ്രിലില്‍ ബ്രിട്ടന്‍ ഇസ്രയേലിനെ ഔദ്യോഗികമായി അംഗീകരിച്ചു. മെയ് മാസത്തില്‍ ബ്രിട്ടന്‍, ഫ്രാന്‍സ്, അമേരിക്ക എന്നിവര്‍ അറബ് മേഖലയുടെ ശാശ്വത ശാന്തിക്കായി എന്തു ചെയ്യുന്നുവെന്ന് ആലോചിക്കാന്‍ ഒരു യോഗം ചേര്‍ന്നു. തുടര്‍ന്ന് ഒരു സംയുക്ത പ്രസ്താവന പുറപ്പെടുവിക്കപ്പെട്ടു. ഈ മേഖലയില്‍ ഇനി മേലില്‍ ആയുധം പ്രയോഗിക്കുന്നതിനും ആയുധപ്രയോഗമെന്ന ഭീഷണി ഉയര്‍ത്തുന്നതിനും തങ്ങള്‍ അങ്ങേയറ്റം എതിരാണ് എന്ന്!

ഈ പ്രഖ്യാപനത്തിന്റെ അര്‍ത്ഥം ഇതായിരുന്നു: തങ്ങള്‍ ഉദ്ദ്യേശിച്ച ഇസ്രയേല്‍ രാഷ്ട്രം നിലവില്‍ വന്നു കഴിഞ്ഞു. അത് ആയുധബലം ഒന്നു കൊണ്ട് മാത്രമാണ് തങ്ങളുടെ അതിര്‍ത്തി നിര്‍ണ്ണയിച്ചിരിക്കുന്നത്. അതിനെതിരെ അന്താരാഷ്ട്രപ്രമാണങ്ങളുടെയും ജനാധിപത്യ നടപടി ക്രമങ്ങളുടെയും പേരു പറഞ്ഞ് പലസ്തീന്‍ ജനതയില്‍ നിന്നും അറബ് ലോകസമൂഹത്തില്‍ നിന്നും വെല്ലുവിളികള്‍ ഉയരാന്‍ സാധ്യതയുണ്ട്. ആ നടപടി ഇപ്പോള്‍ നടന്നതുപോലെയുള്ള പ്രതീകാത്മക യുദ്ധമായിരിക്കണമെന്നില്ല. ഇസ്രയേലിന്റെ നിലനില്‍പ്പിനെ അപകടപ്പെടുത്തുന്ന ഏതൊരു യുദ്ധത്തെയും തങ്ങള്‍ എതിര്‍ക്കും.

അങ്ങനെ 1950 തുടങ്ങുന്നതിനു മുന്‍പു തന്നെ ലോകരാഷ്ട്രീയ ഭൂപടത്തില്‍ നിന്നും പലസ്തീന്‍ എന്ന രാജ്യത്തെയും അതിലെ ജനതയെയും ഇല്ലായ്മ ചെയ്തു. ലോകയുദ്ധാനന്തര ലോകത്ത് അറബ് മേഖല ഭരിക്കേണ്ടുന്ന പോലീസിനെ ഉറപ്പിച്ചും സാമ്രാജ്യത്വം ആദ്യവിജയം ആഘോഷിച്ചു.

*

ജനാധിപത്യപരമായ നിയമനം

2008-12-20T01:14:00.007+05:30

അന്തുലെ രാജിവെയ്ക്കുമോ, വെച്ചാല്‍ രാജി സ്വീകരിക്കുമോ, നിരസിക്കപ്പെട്ടാല്‍ ആ രാജി അന്തുലെ തിരിച്ച് സ്വീകരിക്കുമോ എന്നൊക്കെ ആലോചിച്ച് തല പുകച്ചു കൊണ്ടിരിക്കുന്ന സമയത്താണ് നമ്മുടെ ഹൈബി ഈഡനെക്കുറിച്ചുള്ള മാതൃഭൂമി വാര്‍ത്ത കണ്ണില്‍പ്പെട്ടത്. രമേശ് ചെന്നിത്തലക്ക് ശേഷം ഈ നേട്ടം കൈവരിക്കുന്ന ആദ്യമലയാളി എന്നൊക്കെ ഓര്‍ത്തപ്പോള്‍ ശരിക്കും സന്തോഷം തോന്നി. ഒരു മല്ലുവിനു മറ്റൊരു മല്ലു നന്നാവുന്നത് ഇഷ്ടമല്ല എന്ന് പറയുന്നതൊക്കെ ചുമ്മാ ആണെന്നേ.. സന്തോഷവാര്‍ത്ത ദാ താഴെ
സന്തോഷമായെങ്കിലും വായിച്ച് കഴിഞ്ഞപ്പോള്‍ എന്തോ ഒരു സുഖമില്ലാത്ത പോലെ. ഹൈബിയെക്കുറിച്ചുള്ള വാര്‍ത്തക്ക് പകരം വല്ല പി.എസ്.സി ബുള്ളറ്റിനുമാണോ വായിച്ചത് എന്നായി സംശയം. നിയമിച്ചു, നിയമനം എന്നൊക്കെ കാണുന്നു. ജനാധിപത്യ വ്യവസ്ഥിതിയില്‍ തെരഞ്ഞെടുക്കപ്പെടുകയല്ലേ ചെയ്യുക? മാതൃഭൂമിക്ക് വെള്ളി വീണതായിരിക്കും, ഒരു പോസ്റ്റിനു സ്കോപ്പുണ്ടല്ലോ എന്ന മറ്റൊരു സന്തോഷവും. മനോരമ കൂടി നോക്കാം. അതിലാവുമ്പോള്‍ തെറ്റു വരാന്‍ സാധ്യതയില്ലല്ലോ. നോക്കി. ദാ .....
ശ്ശെടാ..ഇതിലും നിയമിച്ചു എന്നു തന്നെ. എന്നാപ്പിന്നെ കേരള കൌമുദി നോക്കിയിട്ട് തന്നെ കാര്യം. അത് അച്ചട്ടായിരിക്കും.
എന്ത് കഷ്ടമാണിത്।മലയാള പത്രങ്ങളെല്ലാം പി.എസ്.സിക്ക് വിട്ടോ? അതിലും നിയമിച്ചു എന്ന് തന്നെ. ജനാധിപത്യപരമായ കാര്യങ്ങള്‍ എങ്ങനെ റിപ്പോര്‍ട്ട് ചെയ്യണം എന്നറിയാത്ത മലയാള പത്രങ്ങളെ പുച്ഛത്തോടെ വലിച്ചെറിഞ്ഞ് ആംഗലേയ (ആന്തുലേയ അല്ല) വാര്‍ത്തയെ ശരണം പ്രാപിച്ചു. അതിലാവുമ്പോള്‍ ജനാധിപത്യമില്ലെങ്കിലും ഡെമോക്രസിയെങ്കിലും കാണുമല്ലോ. കേരള ഓണ്‍ലയിനിലെ വാര്‍ത്ത.
ഭാഗ്യം. നിയമിച്ചു എന്ന് അതില്‍ പറയുന്നില്ല. എന്നാലും appointed എന്നു കാണുന്നു. രാമലിംഗം പിള്ളയുടെ നിഘണ്ടു (പുതിയ പതിപ്പ്) എടുത്ത് അര്‍ത്ഥം നോക്കി. വാക്കുകളുടെ അര്‍ത്ഥം എപ്പോഴാണ് മാറുന്നതെന്നറിയില്ലല്ലോ. ഇപ്പോഴും ആ വാക്കിന്റെ അര്‍ത്ഥം നിയമിച്ചു എന്നു തന്നെ.

ആകെ നിരാ‍ശയായി. കോണ്‍ഗ്രസ്സില്‍, അതിന്റെ പോഷകസംഘടനകളില്‍ ജനാധിപത്യം ഇല്ലെങ്കില്‍പ്പിന്നെ, തെരഞ്ഞെടുപ്പില്ലെങ്കില്‍പ്പിന്നെ വേറെ ഏത് സംഘടനയില്‍ ഇതൊക്കെ കാണും? അപ്പോഴാണ് വീക്ഷണം വീണ്ടും പ്രസിദ്ധീകരിച്ച് തുടങ്ങിയത് ഓര്‍മ്മ വന്നത്. നോക്കി. സമാധാനമായി. ജനാധിപത്യം മരിച്ചിട്ടില്ല.
ഹൈബി ഈഡനെ എന്‍.എസ്. യു. പ്രസിഡന്റായി തെരഞ്ഞെടുത്തു എന്ന് കറകറക്ടായി വാര്‍ത്ത കൊടുത്തിരിക്കുന്നു. പത്രങ്ങളായാല്‍ ഇങ്ങനെ വേണം.

എന്നാലും ചിലരൊക്കെ സൈഡിലിരുന്ന് ചോദിക്കുന്നത് കേള്‍ക്കുന്നുണ്ടേ... “പ്രവര്‍ത്തനമികവ് കണക്കിലെടുത്താണ് തീരുമാനം“ എന്നു പറയുമ്പോള്‍ അത് നിയമിച്ചു എന്നത് ഭംഗിയാക്കി പറയുന്നതല്ലേ എന്നല്ലേ അസൂയാലുക്കളേ നിങ്ങള്‍ ചോദിക്കുന്നത്?

കഷ്ടമുണ്ട് കേട്ടോ.. അസൂയക്ക് മരുന്നില്ല സഖാക്കളേ..ഇങ്ങനെയാണോ ദേശാഭിമാനിയൊക്കെ വാര്‍ത്ത കൊടുക്കുന്നത്?
പാവം നദീം ജാവെദിനെക്കൂടി നിയമിച്ചു അല്ലേ?

രണ്ടു കുറിപ്പുകള്‍

2008-09-16T21:58:00.000+05:30

വീക്ഷണം ദിനപ്പത്രത്തില്‍ വന്ന “അമേരിക്കയെ ആര്‍ക്കാണ് പേടി“ എന്ന ആണവ കരാര്‍ അനുകൂല ലേഖനത്തിലെ വളരെ രസകരമായി തോന്നിയ ഒരു പാരഗ്രാഫ് താഴെ.

“വളരുന്ന ഇന്ത്യക്ക്‌ എതിരെ അമേരിക്കന്‍ പ്രതിലോമ ശക്തികളുമുണ്ട്‌. ഇവര്‍ സ്വാധീനമുള്ളവരാണ്‌. ഇന്‍ന്തോ-യു.എസ്‌. കരാര്‍ നിലവില്‍ വന്നാല്‍ ഇന്ത്യയുടെ സാമ്പത്തിക വളര്‍ച്ച അമേരിക്കയെ തളര്‍ത്തുമെന്ന്‌ അവര്‍ക്കറിയാം. ചൈനയില്‍ നിന്നുള്ള കയറ്റുമതിയും സാമ്പത്തിക കടന്നുകയറ്റവും അമേരിക്കന്‍ തൊഴില്‍ മേഖലയേയും സാമ്പത്തിക മേഖലയേയും ബാധിച്ചിട്ടുണ്ട്‌. ഇനി ഇന്ത്യയില്‍ നിന്ന്‌ അത്തരം അനുഭവം ഉണ്ടാകാന്‍ ഈ പ്രബല ശക്തികള്‍ ആഗ്രഹിക്കുന്നില്ല. അവരാണ്‌ അമേരിക്കയില്‍ ഇന്‍ന്തോ യു.എസ്‌. കരാറിനെ എതിര്‍ക്കുന്നത്‌. അവര്‍ക്കു കൂട്ടുനില്‍ക്കുകയാണ്‌ ഇന്ത്യയിലെ ഇടതുപക്ഷം. ബി.ജെ.പി. തല്‍ക്കാലം എതിര്‍ക്കുന്നുവെങ്കിലും അവര്‍ അധികാരത്തില്‍ വന്നാല്‍ കൂടുതല്‍ ഇളവുകളോടെ കരാര്‍ നടപ്പാക്കും.“

അമേരിക്കന്‍ പ്രതിലോമ ശക്തികള്‍ എന്ന് ആരെയാണ് വിശേഷിപ്പിക്കുന്നത് എന്നത് അത്ര മനസ്സിലായില്ല. ആരെങ്കിലും ആകട്ടെ. എന്നാലും ഇന്ത്യ വളരുന്നത് അമേരിക്കയെ തകര്‍ക്കും എന്നറിഞ്ഞ് അതിനൊരു തട ഇടാന്‍ നോക്കുന്നവര്‍ എന്തായാലും അമേരിക്കന്‍ വിരുദ്ധരാവില്ല എന്ന് കരുതാം. ചൈനയില്‍ നിന്നുള്ള അനുഭവം ഇന്ത്യയില്‍ നിന്നു കൂടി ഉണ്ടാവാന്‍ ഈ പ്രബല ശക്തികള്‍ ആഗ്രഹിക്കുന്നില്ല, അവര്‍ കരാറിനെ എതിര്‍ക്കുന്നു. ആ നിലക്ക് അമേരിക്കയെ തളര്‍ത്താന്‍ ആഗ്രഹിക്കാത്ത അവര്‍ അമേരിക്കന്‍ രാജ്യസ്നേഹികള്‍ തന്നെ. സംശയമൊന്നുമില്ല.

എന്നാലും ഒരു ചിന്ന സന്ദേഹം...

ഈ കരാറിനു വേണ്ടി മരിച്ചു നില്‍ക്കുന്ന ബുഷും റൈസും കൂട്ടരും അപ്പോ ഏത് ടൈപ്പില്‍ വരും? ഇന്ത്യയെ വളര്‍ത്തി അമേരിക്കയെ കൊല്ലാന്‍ ആഗ്രഹിക്കുന്നവര്‍? അതോ 1,2,3 കരാറിലൂടെ ‘ഇന്ത്യ വളരും എന്നും അമേരിക്ക തകരും‘ എന്നും മനസ്സിലാകാത്ത മന്ദബുദ്ധികള്‍?

രണ്ട്

ഇന്ത്യയിലെ മുഴുവന്‍ ജനാധിപത്യവിശ്വാസികള്‍ക്കും ആഹ്ലാദം പകരുന്ന പ്രസ്താവന സോണിയാ ഗാന്ധിയില്‍ നിന്നുണ്ടായി.

“യോഗ്യതയും വിജയസാധ്യതയും മാത്രം കണക്കിലെടുത്താവും സ്ഥാനാര്‍ഥികളെ നിശ്ചയിക്കുകയെന്ന്‌ കോണ്‍ഗ്രസ്‌ പ്രസിഡന്റ്‌ സോണിയാഗാന്ധി വ്യക്തമാക്കി. ജനസംഖ്യാ ഘടകങ്ങളും പരിഗണിക്കപ്പെടും. നേതാക്കന്മാരുടെയും ഗ്രൂപ്പുകളുടെയും താത്‌പര്യത്തിനനുസരിച്ച്‌ ആര്‍ക്കും ടിക്കറ്റ്‌ നല്‍കില്ല. സ്ഥാനാര്‍ഥികളെ നിശ്ചയിക്കുന്നതില്‍ ഇടപെടാന്‍ ആരെയും അനുവദിക്കില്ല.“

എല്ലാ ജനാധിപത്യ വിശ്വാസികള്‍ക്കും സന്തോഷമുണ്ടാകേണ്ട പ്രസ്താവന തന്നെ. ഇതുവരെ ഇങ്ങനെയൊക്കെയായിരുന്നോ സ്ഥാനാര്‍ത്ഥികളെ നിശ്ചയിച്ചിരുന്നത് എന്ന് ചോദിക്കുന്നില്ല. കോണ്‍ഗ്രസ് ആണ് ഏറ്റവും വലിയ ജനാധിപത്യകക്ഷി എന്നു വിശ്വസിക്കുന്നവരുടെ വികാരത്തെ മാനിക്കണമല്ലോ.

എന്നാലും ഇത്രയും കാലം യോഗ്യതയില്ലാതെ, വിജയസാധ്യതയില്ലാതെ, നേതാക്കന്മാരുടെയും ഗ്രൂപ്പുകളുടെയും സ്വാധീനത്തിനനുസരിച്ച് സ്ഥാനാര്‍ത്ഥികളായിക്കൊണ്ടിരുന്നവര്‍ ഈ പ്രസ്താവനയെ എങ്ങിനെ കാണും എന്നൊരു ശങ്ക ഇല്ലാതില്ല.

അവക്ക് രക്ഷ കപില്‍ സിബലും കൂട്ടരും തന്നെ.

മുടക്കമില്ലാതെ ഇന്ധനവിതരണം ഉറപ്പു വരുത്തുവാന്‍ അമേരിക്കക്ക് ബാദ്ധ്യതയില്ലെന്ന് ജോര്‍ജ് ബുഷിന്റെ ഡിറ്റര്‍മിനേഷനെക്കുറിച്ച് ചോദിച്ചപ്പോള്‍ കപില്‍ സിബല്‍ പറഞ്ഞത് ‘ക്ലാസിക്‘ മറുപടിയായിരുന്നു.

“ലോകത്തുള്ളവരുടെ പ്രസ്താവനകളല്ല നമ്മെ നയിക്കുന്നത്.” ബുഷ് പറഞ്ഞതെന്താണെന്നോ അതിന്റെ അന്തരാര്‍ത്ഥങ്ങള്‍ എന്താണെന്നോ ഒന്നും വിഷയമല്ല. “ഉദ്ധരിക്കാവുന്ന ഉദ്ധരണി“ കൃത്യസമയത്ത് വായില്‍ വരണം. അങ്ങിനെ വന്നതാണാ വാചകം. ആ വാര്‍ത്തയുടെ വീക്ഷണം തലക്കെട്ടും കൊള്ളാവുന്ന ഒന്നാണ്. “ബുഷിന്റെ പരാമര്‍ശത്തില്‍ കാര്യമില്ലെന്ന്‌ കപില്‍ സിബല്‍“

ഗ്രൂപ്പുകാരുടെയും ഒരു രക്ഷ അതു തന്നെ..

“ലോകത്തുള്ളവരുടെ പ്രസ്താവനകളല്ല നമ്മെ നയിക്കുന്നത്.” “സോണിയാജിയുടെ പരാമര്‍ശത്തില്‍ കാര്യമില്ല.”

നിക്കോളാസ് ബേണ്‍സ് ഹൈഡ് ആക്ട് 123 കരാറിനു ബാധകമാണെന്ന് പറഞ്ഞപ്പോള്‍ ഇവിടെ ചിലര്‍ പറഞ്ഞിരുന്നു “ അത് അമേരിക്കയിലെ പൊതുജനത്തിനുവേണ്ടി പറഞ്ഞതാണ്. നമ്മളോടല്ല.”

ഗ്രൂപ്പുകളിക്കാരുടെ രണ്ടാമത്തെ രക്ഷ അതാണ്...സോണിയാജിയുടെ പ്രസ്താവന മാധ്യമങ്ങള്‍ക്കും,. ജനാധിപത്യ വിശ്വാസികള്‍ക്കും വേണ്ടിയുള്ളതാണ്. ഗ്രൂപ്പുകളിക്കാര്‍ക്ക് അതൊന്നും ബാധകമല്ല.

കണ്ണടയ്ക്കൂ, വോട്ട് ചെയ്യൂ

2008-09-15T23:46:00.003+05:30

ഗ്യാ‍ലപ്പ് പോള്‍ നടത്തുന്നുണ്ടെങ്കില്‍ ദാ ഇങ്ങനെ നടത്തണം.

മംഗളം വെബ് സൈറ്റില്‍ കണ്ട ഒരു പോള്‍ നിങ്ങളോട് ചോദിക്കുന്നു..

“ഡല്‍ഹി സ്ഫോടന പരമ്പരയുടെ പശ്ചാത്തലത്തില്‍ ‘പോട്ട’ പിന്‍വലിക്കണമെന്ന B.J.Pയുടെ അഭിപ്രായത്തോട് താങ്കള്‍ യോജിക്കുന്നുണ്ടോ?“

കുത്താന്‍ മൂന്ന് ഓപ്‌ഷന്‍സ് ഉണ്ട്. ഇല്ല, ഉവ്വ്, അഭിപ്രായമില്ല

ഒന്നിലും കുത്തിയില്ല. എന്നാലും റിസള്‍ട്ട് അറിഞ്ഞേക്കാം എന്നു കരുതി പതുക്കെ ക്ലിക്കി നോക്കി. അതു വരെ 303 പേര്‍ വോട്ട് ചെയ്തിട്ടുണ്ട്. ഇല്ല എന്നു 148 പേരും, ഉവ്വ് എന്ന് 142 പേരും, അഭിപ്രായമില്ലെന്ന് 13 പേരും വോട്ട് ചെയ്തിട്ടുണ്ട്...ഒരു നെക്ക് ആന്‍ഡ് നെക്ക് ഫൈറ്റ് തന്നെ....

എന്നാലും എന്നാലും....

വോട്ട് ചെയ്യുന്നതിനു മുന്‍പ് ഈ 303 പേരില്‍ ആരെങ്കിലും ചോദ്യം വായിച്ചു നോക്കിയോ ആവോ? പോള്‍ ഇടുന്നതിനു മുന്‍പ് മംഗളം വെബ് എഡിറ്റര്‍ എന്ത് പോള്‍ ആണ് താന്‍ ഇടുന്നത് എന്ന് വായിച്ചു നോക്കിയോ ആവോ?

ബി.ജെ.പി പോട്ട പിന്‍‌വലിക്കണമെന്ന് അഭിപ്രായപ്പെട്ടത്രെ..അതും ഇപ്പോള്‍ നിലവിലില്ലാത്ത പോട്ട...

തങ്ങള്‍ അധികാരത്തില്‍ വന്നാല്‍ 100 ദിവസത്തിനുള്ളില്‍ പോട്ട തിരികെ കൊണ്ടു വരും എന്ന് പറഞ്ഞ് അദ്വാനി നാക്കെടുത്തില്ല. അതിനു മുന്‍പേ അദ്വാനി പറഞ്ഞതിനു നേരെ വിരുദ്ധമായ ഒരു അഭിപ്രായത്തിന്റെ പുറത്ത് ഒരു പോളും അതിനൊരു റിസല്‍ട്ടും.

എന്തായാലും വോട്ട് ചെയ്തവരെ സമ്മതിച്ചു.

പോട്ട നിരോധനം പിന്‍‌വലിക്കണം എന്നായിരിക്കാം മംഗളം ഉദ്ദേശിച്ചത് എന്ന് കൃത്യമായി ഊഹിച്ച് വോട്ട് ചെയ്തു എന്നു മാത്രം പറയല്ലേ..പ്ലീസ്....

:)

അതീന്ദ്രിയ ജ്ഞാനം, ഹനുമാന്‍ സേവ, സായിബാബ

2008-08-26T14:41:00.001+05:30

കുറെക്കാലം മുന്‍പ് നാട്ടില്‍ വന്ന കൂട്ടുകാരനെ കാണുവാന്‍ വീട്ടില്‍ ചെന്നപ്പോഴാണ് ഒരു വിശിഷ്ടവ്യക്തിയെ പരിചയപ്പെട്ടത്. ഏഷ്യയില്‍ തന്നെ 3 പേര്‍ക്ക് മാത്രം സ്വായത്തമാണ് എന്ന് അയാള്‍ അവകാശപ്പെടുന്ന ക്ലെയര്‍‌വോയന്‍സ് എന്ന അത്ഭുതവിദ്യയുടെ മര്‍മ്മമറിഞ്ഞ മഹാന്‍. പ്രവചനങ്ങളുടേയും ആളെ കയ്യിലെടുക്കുന്നതിന്റെയും മഹാമഹം നടക്കുന്നതിന്റെ ഇടയിലേക്കാണ് ഞാന്‍ കയറിച്ചെന്നത്. സുഹൃത്തിന്റെ കുറെയേറെ ബന്ധുക്കളെ തന്റെ അതീന്ദ്രിയജ്നാനത്തില്‍ വീഴ്ത്തി ഷൈന്‍ ചെയ്ത് ഇരിപ്പായിരുന്നു അയാള്‍.

സുഹൃത്തിന്റെ അമ്മ അയാള്‍ പറയുന്ന ഓരോ കാര്യങ്ങള്‍ക്കും “ അയ്യോ എങ്ങനെ മനസ്സിലായി” എന്നൊക്കെ വണ്ടറടിച്ച് കറങ്ങി നടക്കുകയായിരുന്നു. ഈ ഫീല്‍ഡില്‍ കുറച്ച് കാലം പയറ്റിയിട്ടുള്ള ഏതൊരാള്‍ക്കും നിഷ്പ്രയാസം പറയാവുന്ന കാര്യങ്ങള്‍ മാത്രമെ അയാള്‍ തന്റെ അത്ഭുതവിദ്യയിലൂടെ പ്രവചിക്കുന്നുണ്ടായിരുന്നുള്ളൂ എന്നത് മറ്റൊരു കാര്യം.

ഇടക്ക് വെച്ച് സുഹൃത്തിന്റെ അമ്മ അയാളോട് ചോദിച്ചു “ ഞാന്‍ ഒരു കാര്യം മനസ്സില്‍ വിചാരിക്കുന്നുണ്ട്. അത് നടക്കുമോ ജോത്സ്യരേ?”. പാവം ഒന്നു ഞെട്ടിപ്പോയി. ക്ലെയര്‍‌വോയന്റ് അസ്ട്രോളജര്‍ എന്നൊക്കെ സ്വയം കരുതിയിരുന്ന ആളെപ്പിടിച്ചാണ് അമ്മ ലോക്കല്‍ ജോത്സ്യരാക്കിയത്. ജോത്സ്യര്‍ ഗൌരവം വിടാതെ പറഞ്ഞു.

“ അമ്മ ഒന്നിങ്ങോട്ട് മാറി നില്‍കൂ”

അമ്മ മാറി നിന്നു. ജോത്സ്യര്‍ ചൂണ്ടിക്കാണിച്ച സ്ഥലത്ത് ഒരു ബന്ധു നില്‍പ്പുണ്ടായിരുന്നു. അവര്‍ക്ക് മാറേണ്ടി വന്നു അമ്മക്കവിടെ വന്ന് നില്‍ക്കാന്‍.

“ അമ്മ കണ്ടോ അമ്മക്ക് ഇവിടെ വന്നു നില്‍ക്കണമെങ്കില്‍ ഒരാള്‍ മാറേണ്ടി വന്നു. അതു പോലെ ഒരാള്‍ മാറിയാലെ അമ്മ വിചാരിച്ച കാര്യം നടക്കൂ. ഒരു ശത്രു ഉണ്ട്.’

അമ്മ ഉടനെ തുടങ്ങി “അയ്യോ എത്ര കൃത്യം.. ഞാന്‍ പണ്ടേ വിചാരിച്ചിരുന്നതാ. ഇന്ന ആളാണിത് മുടക്കുന്നത് എന്ന്. ഇപ്പോ ഉറപ്പായി.”

പാവം ഏതോ ബന്ധുവിന്റെ തല..അതില്‍ ഇടിത്തീ വീഴണേ എന്നായിരിക്കും അത് പറഞ്ഞ അമ്മ പ്രാര്‍ത്ഥിച്ചത്.

അങ്ങിനെ പല നമ്പറുകള്‍ ഇറക്കി, ഉത്തരങ്ങളില്‍ നിന്നും മുഖഭാവത്തില്‍ നിന്നും സൂചനകളെടുത്ത് പുള്ളി തന്റെ വാഗ്‌വിലാസത്തിലൂടെ മിക്കവാറും എല്ലാവരേയും കയ്യിലെടുത്തു. കുറെക്കഴിഞ്ഞ് സുഹൃത്ത് പറഞ്ഞു “ ഇനി ഇവന്റെ കാര്യം നോക്ക്” എന്ന്...

പുള്ളി എന്റെ കാര്യങ്ങള്‍ പറയാന്‍ തുടങ്ങി. മുഖത്ത് ഒരു ഭാവവും ഇല്ലാതെ, മറുപടി പറയാതെ ഞാന്‍ നിസ്സംഗനായി കേട്ടുകൊണ്ടിരുന്നു. പുള്ളി പറഞ്ഞത് എല്ലാം പൊട്ടത്തെറ്റുകള്‍..

എല്ലാം കഴിഞ്ഞ് അയാള്‍ പോയിക്കഴിഞ്ഞപ്പോള്‍ സുഹൃത്ത് എന്നോട് പറഞ്ഞു

“അയാളുടെ നമ്പറ് നിന്റെ ആ ഇരുപ്പില്‍ പൊളിഞ്ഞല്ലോടേ”

*

കൂടുതല്‍ അത്ഭുതപ്പെടുത്തിയ ഒരു സംഭവം മറ്റൊരു സുഹൃത്ത് മദ്രാസിലെ ഏതോ ഹനുമാന്‍ സേവക്കാരന്റെ വലയില്‍ വീണതാണ്. ഹനുമാന്‍ കയറുമ്പോള്‍ ഉറഞ്ഞുതുള്ളി പ്രവചനങ്ങള്‍ നടത്തുന്ന ഒരാള് മദ്രാസിലെ എവിടെയോ ഉണ്ട്‍. ജോലിക്ക് ശ്രമിക്കാന്‍ പോയി തിരിച്ചുവന്ന സുഹൃത്ത് ഭയങ്കര ഹനുമാന്‍ സേവ ആരാധകന്‍. ചോദിച്ചപ്പോള്‍ മദ്രാസിലെ ആ മോനെ കണ്ടകാര്യം വിശദീകരിച്ചു. കൂട്ടുകാരന്റെ കുറെക്കാര്യങ്ങള്‍ കൃത്യമായി പറഞ്ഞു എന്നും പുള്ളി ഭയങ്കര പ്രവാചകനാണെന്നുമൊക്കെയായി. ഞാന്‍ ചോദിച്ചു നോക്കിയപ്പോള്‍ മിക്കവാറും എല്ലാം തന്നെ സുഹൃത്തിന്റെ ബന്ധുക്കളില്‍ ആര്‍ക്കെങ്കിലും അറിയാവുന്ന കാര്യങ്ങള്‍ മാത്രം. ചെരിപ്പു പോയതും, തിരിച്ചു കിട്ടിയതും ഒക്കെ. കൂട്ടുകാരന്റെ അച്ഛനും അമ്മയും പുള്ളിക്ക് ഇടാന്‍ വെച്ചിരുന്ന ഒരു പേരുണ്ടായിരുന്നു. അവസാന നിമിഷം അവര്‍ അത് മാറ്റി മറ്റൊരു പേരിടുകയായിരുന്നു. ആ ഇടാതെ പോയ പഴയ പേര് അയാള്‍ പറഞ്ഞു എന്നതില്‍ നിന്നാണ് വിശ്വാസം ആരംഭിക്കുന്നത്. ഹനുമാന്‍ സേവക്കാരന്റെ കടുത്ത ഭക്തയായ കൂട്ടുകാരന്റെ ചെറിയമ്മക്ക് ഇത് അറിയാം എന്നും അവര്‍ വഴി അറിഞ്ഞ് അയാള്‍ ഇറക്കിയ നമ്പര്‍ ആണതെന്നും സുഹൃത്ത് ചിന്തിച്ചുകൂടിയില്ല. ഹനുമാന്‍ സേവക്കാരന്‍ പറഞ്ഞ എല്ലാ ഭൂത/വര്‍ത്തമാനങ്ങളും ബന്ധുക്കളില്‍ ആര്‍ക്കെങ്കിലും അറിയാവുന്നവ മാത്രം. ഭാവിയില്‍ എന്റെ ഒരു ചെരിപ്പു കൂടി പോകും എന്ന് ഹനുമാന്‍ സേവക്കാരന്‍ പറഞ്ഞിട്ടുണ്ട്.ഞാന്‍ അത് വെയിറ്റ് ചെയ്ത് ഇരിക്കുകയാണ് എന്നായിരുന്നു ഇക്കാര്യത്തെപ്പറ്റി ഞങ്ങള്‍ തമ്മില്‍ അവസാനം സംസാരിച്ചത്. പിന്നെ എന്തായി എന്നറിയില്ല. ആ സമയത്ത് മാനസികമായി ചില നിരാശകള്‍ ബാധിച്ചിരുന്നു എന്നതാണ് അന്യഥാ ചിന്തിക്കുന്നവനും വായിക്കുന്നവനുമായ സുഹൃത്തിനെ വലയില്‍ വീഴ്ത്തിയത് എന്ന് ഉറപ്പാണ്. ഇപ്പോള്‍ രക്ഷപ്പെട്ടു കാണണം.

*

ബന്ധുക്കള്‍ വഴി അറിഞ്ഞ വിവരങ്ങള്‍ ഉപയോഗിച്ച് നമ്പര്‍ ഇറക്കി ആരാധകരെ നേടുന്ന ഹനുമാന്‍‌സേവക്കാരന്റെ കാര്യം പറഞ്ഞപ്പോഴാണ് പണ്ട് വായിച്ച ഒരു സംഭവം ഓര്‍മ്മ വന്നത്. കഥാനായകന്‍ പുട്ടപര്‍ത്തിയിലെ സായി ബാബ.

ദര്‍ശനത്തിനു വരുന്ന പുരുഷാരത്തിനിടയില്‍ നിന്ന് നിങ്ങളുടെ പേരു വിളിച്ച് കാര്യങ്ങള്‍ പറയുന്ന അത്ഭുത സിദ്ധിയെക്കുറിച്ച് വായിച്ച രണ്ടു പേര്‍ അതൊന്ന് പരീക്ഷിക്കണം എന്ന് കരുത് സായിബാബയുടെ ആശ്രമത്തില്‍ ചെന്നു. കുറെ ദിവസം പ്രാര്‍ത്ഥനയിലൊക്കെ പങ്ക് കൊണ്ടെങ്കിലും ഇവരെ ബാ‍ബ വിളിക്കുകയോ പറയുകയോ ഒന്നു ചെയ്തില്ല. അങ്ങനെ ഇവര്‍ ആശ്രമത്തിലെ ഒരു സഹായിയെ സമീപിക്കുന്നു. ബാബ തങ്ങളെ മാത്രം വിളിച്ചില്ലെന്നും നിരാശയുണ്ടെന്നുമൊക്കെ അയാളോട് കാച്ചുന്നു. ഇവരുടെ കാര്യങ്ങള്‍ ഒക്കെ ചോദിച്ചു മനസ്സിലാക്കിയ അയാള്‍ നാളെ ഒരു പ്രത്യേക തൂണിനു സമീപം ഇരുന്നാല്‍ ചിലപ്പോള്‍ ബാബ വിളിച്ചേക്കുമെന്നുമൊക്കെ പറയുന്നു. സഹായിയോട് ഇവര്‍ പറഞ്ഞ വിവരങ്ങള്‍ ഒക്കെ സത്യസന്ധമായിരുന്നെങ്കിലും ഒരു നമ്പര്‍ ഇറക്കിയിരുന്നു. ഒരാള്‍ തന്റെ വിവരങ്ങള്‍ എന്ന മട്ടില്‍ സഹായിയോട് പറഞ്ഞത് മറ്റെയാളുടെ കാര്യങ്ങളായിരുന്നു. മറ്റെയാള്‍ തിരിച്ചും.

പിറ്റേന്ന് തൂണിനു സമീപമിരുന്നെങ്കിലും ബാബ വിളിച്ചില്ല. വീണ്ടും സഹായിയെ കാണുന്നു. അയാള്‍ കുറച്ച് കൂടി കുശലപ്രശ്നം നടത്തുന്നു. നാളെ എന്തായാലും വിളിക്കും എന്ന് ഉറപ്പുകൊടുക്കുന്നു.

പിറ്റേന്ന് സായി ബാബ വരുന്നു...അതിലൊരാളെ വിളിക്കുന്നു...അയാളെ സംബന്ധിച്ച കാര്യങ്ങള്‍ മുഴുവന്‍ കൃത്യമായി പറയുന്നു. കുറച്ച് കഴിഞ്ഞ് മറ്റെയാളെ വിളിക്കുന്നു. അയാളുടേയും കാര്യങ്ങള്‍ പറയുന്നു..കൃത്യമായിത്തന്നെ...

ഒറ്റ കുഴപ്പമേയുള്ളൂ....

സഹായിയോട് പറഞ്ഞു കൊടുത്തപോലെ ഒരാളെ വിളിച്ച് സായി ബാബ പറഞ്ഞത് മറ്റെയാളുടെ കാര്യങ്ങളായിരുന്നു. രണ്ടാമനെ വിളിച്ച് പറഞ്ഞത് ആദ്യത്തെ ആളുടെ കാര്യങ്ങളും!!

നമ്മള്‍ നമ്മുടേതെന്നും ചൈന ചൈനയുടേതെന്നും

2008-07-30T00:58:00.000+05:30

"ഇതൊരു കെട്ടുപിണഞ്ഞ കാര്യമാണ്. അതിര്‍ത്തിയെ സംബന്ധിച്ചിടത്തോളം കൂടുതല്‍ അവ്യക്തമായ പ്രദേശമാണ്. കാരണം മക്‍മോഹന്‍ രേഖയുടെ കാര്യത്തിലെന്ന പോലെ ഇവിടെ കൃത്യമായ അതിര്‍ത്തി എന്ത് എന്നത് ഒട്ടും തന്നെ സ്പഷ്ടമല്ല."

ചൈനയുമായുള്ള അതിര്‍ത്തിയെക്കുറിച്ചുള്ള പരാമര്‍ശമാണിത്. 1962ല്‍ പറഞ്ഞത്. ആരായിരിക്കാം ഇത്തരമൊരു വാചകം പറഞ്ഞിട്ടുണ്ടാവുക? “നമ്മള്‍ നമ്മുടേതെന്നും ചൈന ചൈനയുടേതെന്നും പറയുന്ന ഭൂവിഭാഗം“ എന്ന പ്രസിദ്ധമായ വാചകത്തിന്റെ ഉടമ അതേ വാചകം കുറച്ചൊന്ന് മിനുക്കി മറ്റൊരു തരത്തില്‍ പറഞ്ഞതു തന്നെ ഇത്. അല്ലേ?

പറഞ്ഞത് ഇ.എം.എസ് ....സംശയമില്ല അല്ലേ?

എന്നാലിത് പറഞ്ഞത് പണ്ഡിറ്റ് ജവഹര്‍ലാല്‍ നെഹ്രുവാണ്. ലോക്‍സഭയില്‍ അദ്ദേഹം ചെയ്ത പ്രസ്താവനയിലെ ഒരു ഭാഗമാണ് മുകളില്‍ ഉദ്ധരിച്ചത്.

ഇനി മറ്റു ചിലത് കൂടി നോക്കാം...

"ഇന്ത്യയുടെ ഒരു തരി മണ്ണ്‌ മറ്റൊരു ശത്രു രാജ്യവും കൈവശപ്പെടുത്തുവാന്‍ പാടില്ല. ഇന്ത്യയുടെ അവസാനത്തെ തരി മണ്ണില്‍ നിന്നും അവസാനത്തെ ചൈനീസ് ഭടനെ വരെ അകറ്റുന്നതിന് ഇന്ത്യാ ഗവര്‍മെന്റ് എടുക്കുന്ന എല്ലാ ദേശരക്ഷാ ഏര്‍പ്പാടുകളേയും പാര്‍ട്ടി പിന്താങ്ങുന്നു. പാര്‍ട്ടിയുടെ ഈ തീരുമാനത്തിനെതിരായി ഏതെങ്കിലും പാര്‍ട്ടി അംഗം പ്രവര്‍ത്തിക്കുന്നുണ്ടെങ്കില്‍ അയാളെ സര്‍ക്കാര്‍ അറസ്റ്റ് ചെയ്യട്ടെ. "

"ഇന്ത്യയുടെ ഒരിഞ്ചു സ്ഥലം കടന്നാക്രമിച്ചു പിടിക്കുന്നതിനെ തടയാന്‍ ഇന്ത്യാ ഗവര്‍മെന്റ് എടുക്കുന്ന ഏത് നടപടിക്കും പാര്‍ട്ടിയുടെ പിന്തുണ ഗവര്‍മെണ്ടിനുണ്ടാകും. ചൈനീസ് ആക്രമികളെ അതിര്‍ത്തിക്കപ്പുറത്തേക്ക് തുരത്തുന്നതിന് എന്ത് ത്യാഗവും സഹിക്കുവാന്‍ പാര്‍ട്ടി തയ്യാറാണ്. ഇക്കാര്യം പാര്‍ട്ടി പല തവണ വ്യക്തമാക്കിയിട്ടുണ്ട്."

കൂറും ചോറും ഇന്ത്യയോട് തന്നെയായ, ദേശസ്നേഹത്താല്‍ പ്രചോദിതരായ ഏതോ രാഷ്ട്രീയപാര്‍ട്ടിയായിരിക്കണം 1962ല്‍ ഇത് പറഞ്ഞിട്ടുള്ളത്. ചൈനയോട് കൂറു പുലര്‍ത്തുന്ന കമ്യൂണിസ്റ്റുകാര്‍ ആയിരിക്കുവാന്‍ ഒരു സാധ്യതയും ഇല്ല.

അങ്ങിനെയേ വിശ്വസിക്കാനൊക്കൂ...കാരണം ആ രീതിയിലാണ് പ്രചരണങ്ങള്‍ കൊടുമ്പിരി കൊണ്ടിരുന്നത്. അതിന്റെ അനുനരണങ്ങള്‍ ഇപ്പോഴും അന്തരീക്ഷത്തില്‍ നിറയുന്നത്.

എന്നാല്‍ മുകളിലെ പ്രസ്താവനകള്‍ ഇന്ത്യന്‍ കമ്യൂണിസ്റ്റ് പാര്‍ട്ടിയുടേതാണ്.

ചരിത്രം ചിലപ്പോളിങ്ങനെയൊക്കെയാണ്. വട്ടം ചുറ്റിച്ചുകളയും.

അതിന്റെ കൂട്ടത്തില്‍ അന്നും ഇന്നും ഒരു സ്റ്റാന്‍ഡ് അവര്‍ എടുത്തിരുന്നു..ചൈനയുമായുള്ള അതിര്‍ത്തി തര്‍ക്കം സൈനിക നടപടികളിലൂടെ പരിഹരിക്കുവാന്‍ സാധ്യമല്ല. തുറന്ന ചര്‍ച്ചകളിലൂടെ, രണ്ട് വശത്തു നിന്നുമുള്ള വിട്ടുവീഴ്ചകളിലൂടെ മാത്രമേ പരിഹരിക്കാനാകൂ. പിന്നീട് ഇതുവരെ വന്ന സര്‍ക്കാരുകള്‍ക്കും സമ്മതിക്കേണ്ടി വന്ന യാഥാര്‍ത്ഥ്യം.

( അവലംബം: ഇ.എം.എസ് കൃതികളുടെ സഞ്ചയിക)

സേവ് ദ കിഡ് - ഒരു ബൌദ്ധിക വ്യായാമം

2008-07-09T23:56:00.002+05:30

കോവാലകൃഷ്ണന്‍ ശൈലിയില്‍ അതും ഇതും ഇതും വായിക്കാന്‍ പറയണം എന്നുണ്ട്. വേണ്ട..എന്തിനു മറ്റൊരു ഭൌതികവ്യായാമം?

നടുറോഡില്‍ കുട്ടി..

വളവു തിരിഞ്ഞു വണ്ടികള്‍ വന്നേക്കും..

രക്ഷിക്കണോ വേണ്ടയോ?

രക്ഷിക്കാതിരുന്നാല്‍ പാപമല്ലേ?

അതിനു പാപവും പുണ്യവും ഉണ്ടോ? പാപവും പുണ്യവും അല്ലാത്ത ഒരു അവസ്ഥ ആയിക്കൂടേ?

എന്നാലും കുറ്റബോധം എന്നൊന്നില്ലേ?

കുറ്റബോധത്തിനു ജനിതകമായ അടിത്തറ ഉണ്ടോ? അതോ വെറും തോന്നല്‍ മാത്രമോ?

രക്ഷിക്കുകയാണെങ്കില്‍ തന്നെ എങ്ങിനെ?

നേരെ പോയി കുട്ടിയെ പൊക്കി എടുക്കണോ?

നമ്മുടെ തടി നോക്കണ്ടേ?

നമുക്ക് വല്ലതും പറ്റിയാല്‍ നോക്കാന്‍ ആരെങ്കിലും..

ആകെ കണ്‍ഫ്യൂഷന്‍... ആ വാക്ക് ശരിയാണോ? ഗണ്‍ഫ്യൂഷന്‍ എന്നല്ലേ? അതും കണ്‍ഫ്യൂ ആയോ..

അയ്യോ...ലോറിയുടെ ചക്രങ്ങള്‍ ഉരയുന്ന ശബ്ദമല്ലേ..ചോരപ്പാടുകള്‍ ആണല്ലോ..

പോയേക്കാം..മെനക്കേട്..സാക്ഷിപറയാന്‍ നിന്നാല്‍ പണിയാവും..

ആകാശമിഠായിയുടെ മതം

2008-07-01T23:09:00.004+05:30

'നമ്മള്‍ ശ്രീജിത് കേശവന്‍നായരും ശ്രീമതി സാറാമ്മയും ഭാര്യാഭര്‍ത്താക്കന്മാരായി ജീവിക്കുമ്പോള്‍ വലിയ കുഴപ്പങ്ങള്‍ ഞാന്‍ കാണുന്നുണ്ട്. ഒരാള്‍ ക്ഷേത്രത്തില്‍ പോകുമ്പോള്‍ മറ്റേയാള്‍ പോകുന്നത് ചര്‍ച്ചിലാണ്. രണ്ടു സമൂഹം! എപ്പോഴും നമ്മുടെ ഇടയില്‍ ചര്‍ച്ചും അമ്പലവും!'

'നമ്മുടെ ഹൃദയങ്ങളുടെ ഇടയില്‍ മതിലുകള്‍ ഉണ്ടാവരുത്. ക്ഷമ, സഹാനുഭൂതി, കാരുണ്യം ഇവ മറക്കരുത്, തിരിഞ്ഞോ?'

'തിരിഞ്ഞു.' സാറാമ്മ ആലോചനയോടെ പറഞ്ഞു: 'സംശയങ്ങള്‍ വേറെയുമുണ്ടെങ്കിലോ?

'ഉണ്ടെങ്കില്‍ ദിസ് കേശവന്‍നായര്‍ തീര്‍ത്തു തരും. പറയൂ. കേള്‍ക്കട്ടെ'.

'പറയാന്‍ നാണം തോന്നുന്നു'.

'നാണിച്ചുതന്നെ സുന്ദരമായി പറയൂ.'

സാറാമ്മ ചോദിച്ചു:

'നമുക്കു കുഞ്ഞുങ്ങളുണ്ടാവില്ലേ?-അവര്‍ എന്തു ജാതിയായിരിക്കും? ഹിന്ദുക്കളായിട്ടു വളര്‍ത്താന്‍ എനിക്ക് ഇഷ്ടമില്ല. ക്രിസ്ത്യാനിയായിട്ടു വളര്‍ത്താന്‍ എന്റെ - എന്റെ ഭര്‍ത്താവിനും ഇഷ്ടം കാണുകയില്ല! അങ്ങനെ വരുമ്പോള്‍ അവരുടെ ജാതി?

കേശവന്‍നായര്‍ വിയര്‍ത്തുപോയി. അയാള്‍ അതിനെപ്പറ്റി ഒന്നും ചിന്തിച്ചിട്ടില്ല. പരമാര്‍ഥമല്ലേ- കുഞ്ഞുങ്ങള്‍ എന്തു ജാതിയായിരിക്കും? കേശവന്‍നായര്‍ ചിന്തിച്ചു. ഗാഢമായി ചിന്തിച്ചു. തലപുകഞ്ഞു. ചെന്നികളിലെ ഞരമ്പുകള്‍ വീര്‍ത്തുപൊന്തി. നെറ്റി ഭയങ്കരമായി വിയര്‍ത്തു. പരിഹാരം കാണുന്നില്ല. ചിന്ത ഇരുളില്‍ തപ്പിത്തടഞ്ഞു നടക്കുകയാണ്. വെളിച്ചം കാണുന്നില്ല. അങ്ങനെയിരിക്കെ, മിന്നല്‍പോലെ ഒരു തോന്നല്‍. വെളിച്ചത്തിന്റെ ഒരു വാതില്‍ തുറന്നു. മനോഹരമായ ഒരുദ്യാനം കണ്ടതുപോലെ അയാള്‍ സാവേശം പ്രസ്താവിച്ചു:

'കണ്ടിരിക്കുന്നു!'

'എന്ത്?'

'പറയാം' കേശവന്‍നായര്‍ പറഞ്ഞു: 'നമുക്കു നമ്മളുടെ കുഞ്ഞുങ്ങളെ ഒരു മതത്തിലും വളര്‍ത്തണ്ട! അവരങ്ങനെ നിര്‍മതരായി വളരട്ടെ!'

'മൃഗങ്ങളെപ്പോലെ? പക്ഷികളെപ്പോലെ? പാമ്പുകളെപ്പോലെ? ചീങ്കണ്ണികളെപ്പോലെ?

'അല്ല!'

'പിന്നെ?'

'പണിയുണ്ട്; പ്രായമായി വരുമ്പോള്‍ അവരെ പഠിപ്പിക്കുക. എല്ലാ മതങ്ങളെപ്പറ്റിയും-പക്ഷപാതരാഹിത്യത്തോടുകൂടി. അങ്ങനെ പത്തിരുപതു വയസ്സാകുമ്പോള്‍, എല്ലാ മതങ്ങളിലുംവെച്ച് അവര്‍ക്കു ഹൃദ്യമായതു സ്വീകരിക്കട്ടെ!

സാറാമ്മ കേശവന്‍ നാ‍യരുടെ മുഖത്ത് നോക്കാതെ സന്തോഷത്തോടെ പറഞ്ഞു:

“ന്യായം. പേരോ? നെറ്റെ ആദ്യത്തെ കുഞ്ഞ് ആണാണെന്നിരികട്ടെ. ആ തങ്കക്കുട്ടന് എന്തു പേരിടും?”

കേശവന്‍ നായര്‍ വിഷമിച്ചു.

“വാസ്തവമാണ്. ആ തങ്കക്കുട്ടന് എന്ത് പേരിടും? ഹിന്ദുവിന്റെ പേരിടുക വയ്യ. ക്രിസ്ത്യാനിയുടേയും അതുപോലെത്തന്നെ.”

തെല്ല് ആലോചിച്ചപ്പോള്‍ കേശവന്‍ നായര്‍ വീണ്ടും ആവേശഭരിതനായി.

“നമുക്കുണ്ടല്ലോ“ അയാള്‍ പറഞ്ഞു “മറ്റ് ഏതെങ്കിലും സമുദാ‍യത്തിലെ ജഗജില്ലന്‍ പേരിടാം.”

“അപ്പോള്‍ ആ സമുദായക്കാരനാണ് എന്റെ തങ്കക്കുട്ടനെന്ന് ആളുകള്‍ വിചാരിക്കയില്ലേ?”

“റൈറ്റ്” കേശവന്‍ നായര്‍ക്ക് ബോദ്ധ്യം വന്നു, “മുസല്‍മാന്റെ പേരിട്ടാല്‍ ആളുകള്‍ വിചാരിക്കും മുസല്‍മാനാണെന്ന്. ഫാര്‍സിയുടേതും അതുപോലെത്തന്നെ..ചൈനാക്കാരന്റേതും റഷ്യാക്കാരന്റേതും---എന്നുവേണ്ട, കുഴപ്പമാണ്.”

.........

അവര്‍ ചെറിയ കടലാസു തുണ്ടുകളില്‍ പേരുകള്‍ എഴുതി ചുരുട്ടി, കൂട്ടിക്കുഴച്ച്,ഒന്ന് സാറാമ്മയും, വേറൊന്ന് കേശവന്‍ നായരും എടുത്തു. കേശവന്‍ നായര്‍ കടലാസുകഷണം വിതിര്‍ത്തു നോക്കി പ്രഖ്യാപനം ചെയ്തു.

“മിഠായി”

സാറാമ്മയും വിതിര്‍ത്തു നോക്കി പതുക്കെ പറഞ്ഞു.

“ആ‍കാശം”

രണ്ട് പേരും മുഖത്തോടുമുഖം നോക്കി.

സാറാമ്മ ധീരതയോടെ മകന്റെ പേരു വിളിച്ചു.

“മിഠായി ആകാശം! എടാ മോനേ, മിഠായി ആകാശം!...എടാ മോനേ, മിഠായി ആകാശം.”

“തെറ്റ്!” കേശവന്‍ നായര്‍ ശരിയായതു പറഞ്ഞു. തന്റെ തങ്കക്കുട്ടനായ മകന്റെ പേരു ഗാംഭീര്യത്തോടെ വിളിച്ചു.

“ആകാശമിഠായി!”

(ബഷീറിന്റെ പ്രേമലേഖനത്തില്‍നിന്ന്... )

പഴയൊരു പത്രക്കുറിപ്പ്

2008-06-30T01:40:00.002+05:30

കുറച്ച് വാക്കുകള്‍ അങ്ങോട്ടും ഇങ്ങോട്ടും മാറ്റിയാല്‍ ഇന്നിറക്കിയത് പോലെ തോന്നും..1957 ജൂലൈ 18ന് അന്നത്തെ സര്‍ക്കാര്‍ പുറത്തിറക്കിയ ഒരു പത്രക്കുറിപ്പ്. മലയാളമാക്കാന്‍ സമയക്കുറവുള്ളതിനാല്‍ അങ്ങിനെ തന്നെ പോസ്റ്റ് ചെയ്യുന്നു.

Public Warned Against “Crusaders”

Government have been carefully watching the trend of public opinion, both in support of and in opposition to the Education Bill now before the Legislative Assembly. Government are reassured by the large volume of support for the measure and are also taking note of the objections to certain clauses in the Bill genuinely left by individual sections ;or interests concerned. The Legislature, which is the sovereign body, empowered to give form and finality to the measure will doubtless consider all aspects of the Bill.

At the same time, Government cannot help taking notice of certain unhealthy trends in the present organised opposition to the measure. Among the documents that have come to the possession of Government proving beyond doubt that such unhealthy trends are at work is a circular letter issued by an organisation in Trichur, addressed to the religious heads and senior ecclesiastical dignitaries of a major community in Kerala. The circular letter says that the main object of the plan adopted by the organisation is “to save our country and its culture from the influence of Communistic regime”. The circular further points out that “issues as the ‘Education Bill’ will be taken very seriously and timely informations will be given to the people at large so that Mass-Sensation can be easily created.............. If, at least, all our parish priests are co-operating with this move, we can form here in Kerala, some 2,000 small units of youths, well-informed and active against Communists. I expect a good deal of support from non-Christian circles also”. The circular promptly proceeds to add: “We will approach you for a ‘Two Rupees monthly donation’ to meet the expense of this crusade”.

Government wish to point out that, while they have no objection to any form of legitimate expression of opinion or peaceful demonstration against any measure initiated by them, attempts, such as the one cited above, to organise a crusade (as mentioned in the circular letter) particularly with the intention of whipping up “Mass-Sensation” among the youths, are fraught with danger to peaceful and orderly life in the State and might even cause repercussions which the promoters of the crusade may not themselves be in a position to control. Government wish to warn the people against being led astray by such attempts to exploit their emotions, religious or cultural, and fall a victim to the designs of those who seek sectarian or other benefits by whipping up agitation against a measure primarily intended to ensure protection for teachers and better organisation of education in the State.

(Press release issued on 18th July 1957)

സമരാഭാസത്തിന്റെ വിശുദ്ധന്യായം

2008-06-29T11:10:00.003+05:30

വര്‍ഷങ്ങള്‍ക്കു മുന്‍പ്, കൃത്യമായി പറഞ്ഞാല്‍ കേരളത്തിലെ ആദ്യ സര്‍ക്കാരിന്റെ കാലത്ത്, അതിലും കൃത്യമായി പറഞ്ഞാല്‍ വിമോചനസമരം എന്ന കുപ്രസിദ്ധമായ(പ്രസിദ്ധമായ എന്ന് ആരും തന്നെ വിശേഷിപ്പിച്ചു കേട്ടിട്ടില്ലെന്നത് പ്രത്യേകം ഓര്‍ക്കുക) സമരം നടക്കുന്നതിന് തൊട്ടുമുന്‍പ് അന്നത്തെ വിദ്യാഭ്യാസമന്ത്രി ജോസഫ് മുണശ്ശേരിക്കെതിരെ ഉണ്ടായ ആരോപണം ഒരു അശ്ലീല കഥ പാഠപുസ്തകത്തില്‍ ഉള്‍പ്പെടുത്തിയെന്നതായിരുന്നു. ആ കഥയുടെ കര്‍ത്താവിന്റെ പേര് വൈക്കം മുഹമ്മദ് ബഷീര്‍ എന്നായിരുന്നു. കഥയുടെ പേര് ബാല്യകാലസഖിയെന്നും. അന്നും കോണ്‍ഗ്രസ്സിന്റെ നേതൃത്വത്തിലായിരുന്നു സമരം. വൈക്കം മുഹമ്മദ് ബഷീറിന്റെ അവര്‍ വായിച്ചിട്ടുണ്ടോ എന്ന ചോദ്യം അന്ന് പ്രസക്തമായിരുന്നു. കാരണം ആ കഥാകാരന്റെ രചനകള്‍ വായിച്ചിട്ടുണ്ടെങ്കില്‍ ബാല്യകാലസഖിയെന്ന വിശ്വോത്തര സാഹിത്യസൃഷ്ടിയെ എതിര്‍ക്കാനുള്ള ഉളുപ്പ് അവര്‍ക്ക് എവിടെ നിന്ന് കിട്ടി എന്ന ചോദ്യം സ്വാഭാവികമായും അന്നത്തെ, വായനയും സര്‍ഗാത്മകതയുമുള്ള സമൂഹത്തില്‍ നിന്ന് ഉയര്‍ന്നിട്ടുണ്ടാകുമെന്ന് തീര്‍ച്ച. ഇത് ഒരു പഴയ കഥ.

ഇന്ന് കാലം ഏറെ കഴിഞ്ഞിരിക്കുന്നു.

വൈക്കം മുഹമ്മദ് ബഷീറിന്റെ അറിയാത്ത, മറ്റൊരു തരത്തില്‍ പറഞ്ഞാല്‍ അറിയാം പക്ഷേ വായിച്ചിട്ടില്ലാത്ത, അതുമല്ലെങ്കില്‍ ഒരു പക്ഷേ തലേക്കുന്നില്‍ ബഷീറിനെയും ഇ.ടി.മുഹമ്മദ് ബഷീറിനെയും മാത്രം അറിയാവുന്ന ഒരു തലമുറ അതേ പാഠപുസ്തക സമരത്തിന്റെ രണ്ടാം ഖണ്ഡം ഏറ്റെടുത്തിരിക്കുകയാണിന്ന്. അവര്‍ മതേതരത്വത്തെക്കുറിച്ച് ഏഴാം ക്ലാസിലെ സാമൂഹ്യപാഠം പുസ്തകത്തില്‍ പറഞ്ഞ കര്യങ്ങള്‍ മതവിരുദ്ധമാണെന്ന് പ്രചരിപ്പിച്ച് കലാപം നടത്തുന്നു. എന്നുവെച്ചാല്‍ ജോസഫ് മുണ്ടശ്ശേരി പേരിനൊപ്പം തെറി ചേര്‍ത്തുവിളിച്ച് പ്രകടനം നടത്താന്‍ കഴിഞ്ഞ ഒരു വിദ്യാര്‍ത്ഥി സംഘടനയാണ് ഈ പുതിയ സമരാഭാസത്തിന് പുറകിലും എന്നു സാരം. മുണ്ടശ്ശേരിയുടെ സാഹിത്യവിമര്‍ശനത്തിനു പാത്രമായവര്‍ പോലും അദ്ദേഹത്തോട് വിനയത്തോടും ബഹുമാനത്തോടും മാത്രമേ പെരുമാറിയിട്ടുള്ളൂ. പക്ഷേ സമരക്കാര്‍ അന്ന് വിളിച്ചത് അങ്ങേയറ്റം അധിക്ഷേപകരമായ മുദ്രാവാക്യമായിരുന്നുവെന്നത് ചരിത്രം.

ഇന്ന് പാഠപുസ്തകങ്ങള്‍ തെരുവിലിട്ട് കത്തിച്ചുകളയുവാന്‍ കഴിയുന്നതും ഇത്തരം മാനസികാവസ്ഥ മൂലമാണ്. കേരളത്തിലെ ഏതെങ്കിലും ഒരു മതസംഘടനയല്ല ഈ പൊറാട്ടുനാടകം(ക്ഷമിക്കണം, പൊറാട്ടുനാടകം ഇപ്പോള്‍ നടക്കുന്ന സമരം പോലെ അത്ര മാന്യതയില്ലാത്ത ഒന്നായിരുന്നില്ലെന്നറിയാം, എങ്കിലും ഒരു പ്രയോഗം എന്ന നിലയില്‍) തുടങ്ങിയത് എന്നതാണ് ഏറെ വിചിത്രം. അത് തുടങ്ങിയത് നെഹ്രുവിന്റേയും ഗാന്ധിയുടേയും പൈതൃകം അവകാശപ്പെടുന്ന ഒരു പ്രസ്ഥാനമാണ്. ഏതായാലും ഇവിടെ ഒരു കാര്യം വ്യക്തമായിരിക്കുന്നു. തികച്ചും മതനിരപേക്ഷമോ സാമൂഹികമോ ആയ ആദര്‍ശങ്ങള്‍ക്കനുസൃതമായല്ല കോണ്‍ഗ്രസ് പ്രവര്‍ത്തിക്കുന്നത്. മറിച്ച്, ഏതെങ്കിലും മതത്തിന് എവിടെയെങ്കിലും പൊള്ളിയാല്‍ അത് കൂടുതല്‍ മുതലെടുത്തുകൊണ്ടാണ് എന്നതാണത്. ഒരു ജനാധിപത്യരാജ്യത്ത് ഒരു വ്യക്തിക്ക് മതസ്ഥനായി മാത്രമല്ല മതവിമുക്തനായും ജീവിക്കാന്‍ കഴിയുമെന്ന ഭരണഘടനാപരമായ അവകാശത്തെ കുട്ടികള്‍ക്ക് പറഞ്ഞുകൊടുക്കുന്നത് എങ്ങനെയാണ് മതവിരുദ്ധമാകുക, മതേതരത്വം എന്നാല്‍ എല്ലാ മതത്തിനും തുല്യപരിഗണന നല്‍കല്‍ എന്നുമാത്രമല്ല ഒരു മതത്തിനുന്‍ അവശ്യമില്ലാത്ത പരിഗണന നല്‍കാതിരിക്കല്‍ എന്നും അര്‍ത്ഥമുണ്ടെന്ന് പഴയ വിമോചനസമരനായകന്മാരുടെ പുതു തലമുറ മനസ്സിലാക്കാത്തതെന്താണ്? വയലാര്‍ രവി മിശ്രവിവാഹിതനാണ്, എ.കെ.ആന്റണി മതവിശ്വാസിയല്ലെന്നും കേള്‍ക്കുന്നു. ഇവര്‍ രണ്ടുപേരും ഇക്കാര്യത്തില്‍ മൌനം പാലിക്കുന്നതെന്തുകൊണ്ടാണ്?

വോട്ട് ബാങ്ക് രാഷ്ട്രീയത്തിന്റെ പേരില്‍ എന്തു വില കുറഞ്ഞ നാടകവും കളിക്കാനുള്ള തൊലിക്കട്ടിയുള്ള ഒരു ആള്‍ക്കൂട്ടമായി ഒരു ജനാധിപത്യ പാര്‍ട്ടിക്ക് എങ്ങനെ മാറാന്‍ കഴിഞ്ഞുവെന്ന ചോദ്യമാണ് സമകാലിക കേരളം ഉയര്‍ത്തേണ്ടത്. കാള പെറ്റു എന്നു കേള്‍ക്കുമ്പോഴേക്കും കയറെടുക്കുന്നവന്റെ ആരംഭശൂരത്വം മാത്രമായിരുന്നു ഈ വിവാദകോലാഹലങ്ങളെന്ന് ഏഴാം ക്ലാസിലെയെന്നല്ല നാലാം ക്ലാസിലെ കുട്ടിക്ക് പോലും ഇപ്പോള്‍ ബോധ്യപ്പെട്ടിരിക്കുന്നു. കാരണം അവര്‍ക്ക് യൂത്ത് കോണ്‍ഗ്രസ്സുകാരെക്കാളും ചിന്താശേഷിയുണ്ട്. ഇപ്പോള്‍ നടക്കുന്ന പാഠപുസ്തകവിവാദം കൊണ്ട് അതിന്റെ പേരില്‍ നടക്കുന്ന പഠിപ്പ് മുടക്ക് കൊണ്ട് കേരളത്തിലെ ഏതെങ്കിലും കോണ്‍ഗ്രസ് നേതാവിന്റെ മക്കളുടെ പഠിപ്പ് മുടങ്ങിയിട്ടില്ല എന്നും ഉറപ്പാണ്. അവരില്‍ എത്ര പേരുടെ മക്കള്‍ സര്‍ക്കാര്‍ സ്കൂളില്‍ പഠിക്കുന്നുണ്ട്? വിരലിലെണ്ണാവുന്നവര്‍ മാത്രമായിരിക്കും അത്. പിന്നെ 12000 പാഠപുസ്തകം കത്തിച്ചാലെന്ത്? ക്ലാസ് മുടക്കിയാലെന്ത്?

ഒരമ്പലം നശിച്ചാല്‍ അത്രയും അന്ധവിശ്വാസം നശിച്ചുവെന്ന കോണ്‍ഗ്രസുകാരന്‍ തന്നെയായ സി.കേശവന്റെ പ്രസിദ്ധമായ പ്രസംഗം കോണ്‍ഗ്രസിന് ഓര്‍മയില്ലെന്നുണ്ടോ? അതു മത വിരുദ്ധമായിരുന്നില്ലേ? ഞാന്‍ മരിച്ചാല്‍ എന്നെ ഒരു മതവിശ്വാസവും അനുസരിച്ച് സംസ്കരിക്കരുതെന്ന നെഹ്രുവിന്റെ മഹത്തരമായ ദര്‍ശനത്തെ അവര്‍ ചര്‍ച്ചകളില്‍ നിന്ന് മനപ്പൂര്‍വം മറന്നുകളയുന്നതെന്താണ്? രാജ്യത്തിന്റെ ഭരണഘടനയില്‍ രാഷ്ട്രത്തെക്കുറിച്ച് പറഞ്ഞ നിര്‍വചനം ജനാധിപത്യ-മതേതര-സോഷ്യലിസ് റിപ്പബ്ലിക്ക് എന്നാണെന്ന ചരിത്രം അറിയാത്ത കോണ്‍ഗ്രസാണോ കേരളത്തിലുള്ളത്? അവരാണോ പാഠപുസ്തകത്തില്‍ സോഷ്യലിസം കൊണ്ടുവരാന്‍ ശ്രമിക്കുകയാണെന്ന് വിമര്‍ശിക്കുന്നത്>

എന്‍.സി.ഇ.ആര്‍.ടിയുടെ സിലബസ് പ്രകാരം നിലനില്‍ക്കുന്ന അതാത് സമൂഹങ്ങളുടെ പ്രാദേശിക ചരിത്രം, അത്ത കാലത്തെ പ്രാദേശികമായ ചെറുത്തുനില്‍പ്പുകള്‍ക്ക് നേതൃത്വം നല്‍കിയ വ്യക്തികള്‍, വിവിധ ധാരകള്‍ തുടങ്ങിയ വിവരങ്ങള്‍ പുസ്തകങ്ങളില്‍ ഉള്‍പ്പെടുത്തണമെന്ന വ്യവസ്ഥയെയാണ് കെ.ദാമോദരന്റെയും എ.കെ.ജിയുടേയുമെല്ലാം പേരുകള്‍ ഉദ്ദരിച്ച് സമരക്കാര്‍ അധിക്ഷേപിക്കുന്നത്. അവര്‍ക്ക് ആ സിലബസ് വായിക്കാനുള്ള ക്ഷമ ഇല്ലാത്തതാണോ? പ്രസിദ്ധമായ ചമ്പാരന്‍ സമരം, ബംഗാളിലെ നീലം കര്‍ഷകരുടെ സമരം തുടങ്ങി കേരളഗാന്ധി എന്നറിയപ്പെടുന്ന കെ.കേളപ്പന്‍ നേതൃത്വം നല്‍കിയ ഗുരുവായൂര്‍ സത്യാഗ്രഹം, വൈക്കം സത്യാഗ്രഹം അടക്കമുള്ളവയെക്കുറിച്ചും ഈ പുസ്തകത്തില്‍ പരാമര്‍ശിക്കുന്നുണ്ട്. അതെല്ലാം നീക്കം ചെയ്യണോ എന്ന കാര്യവും കോണ്‍ഗ്രസ് പറയണം.

ഇതിനൊക്കെ കോണ്‍ഗ്രസിന് എന്തു മറുപടിയാണ് പറയാനുള്ളത്? എല്ലാ കാലത്തും ഹിറ്റ്ലറിന്റെയും അലക്സാണ്ടറുടേയും നെപ്പോളിയന്റെയും ചരിത്രം മാത്രം വായിച്ചാല്‍ മതിയെന്ന സങ്കുചിതത്വമാണ് ഇവിടെ അടിച്ചേല്‍പ്പിക്കുവാന്‍ ശ്രമിക്കുന്നത് എന്ന കാര്യം സമരക്കാര്‍ മറക്കരുത്. ഒപ്പം മത വര്‍ഗീയ കക്ഷികള്‍ക്ക് കൂടുതല്‍ വളം വെച്ചുകൊടുക്കാനാണ് ഈ സമരം കാരണമാകുക എന്ന കാര്യവും വിസ്മരിക്കരുത്.

മതവിരുദ്ധതയെന്നത് ഒരു ക്രിമിനല്‍ കുറ്റമൊന്നുമല്ല എന്ന കാര്യം മതത്തില്‍ വിശ്വസിക്കുന്നതു പോലെ അതില്‍ വിശ്വസിക്കാതിരിക്കാനും അവകാശമുണ്ടെന്ന ഭരണഘടനാപരമായ സത്യം, ജനങ്ങളെ ബോധ്യപ്പെടുത്താനാണ് സര്‍ക്കാര്‍ ഇനി മുന്‍‌കൈ എടുക്കേണ്ടത്.

കോടികളുടെ കള്ളപ്പണവും മറ്റ് അനാശാസ്യങ്ങളും ഒഴുകുന്ന പല സന്ന്യാസി മഠങ്ങളുടേയും ധ്യാനകേന്ദ്രങ്ങളുടെയും വ്യാജ മൌലവിമാരുടേയും യഥാര്‍ത്ഥ മുഖം ജനമധ്യത്തില്‍ വെളിവാക്കപ്പെട്ടതോടെ അവശേഷിക്കുന്ന സ്വത്തുക്കളെങ്കിലും സംരക്ഷിക്കാനും ജനശ്രദ്ധ തിരിച്ചുവിടാനും വേണ്ടി രൂപപ്പെടുത്തിയ ഒരു അവിശുദ്ധ കൂട്ടുകെട്ടിന്റെ സൃഷ്ടിയാണ് ഈ സമരം എന്നതില്‍ തര്‍ക്കമില്ല.

മുസ്ലീം ലീഗിന്റെയും അവരുടെ വിദ്യാര്‍ത്ഥി സംഘടനയായ എം.എസ്.എഫിന്റെയും പുസ്തകം കത്തിക്കല്‍ സമരവീര്യം ജനം അത്ര കാര്യമായെടുക്കുമെന്ന് തോന്നുന്നില്ല. കാരണം പുസ്തകവും എം.എസ്.എഫും തമ്മില്‍ വലിയ ബന്ധമൊന്നുമില്ല എന്ന് എല്ലാവര്‍ക്കുമറിയാം. അല്ലെങ്കില്‍ ആറാം ക്ലാസിലെ അറബി പാഠപുസ്തകങ്ങളടക്കമുള്ളവ ഏഴാം ക്ലാസിലെ സാമൂഹ്യപാഠത്തിന്റെ പേരില്‍ കത്തിക്കുമായിരുന്നോ?

മരങ്ങളും കാടുകളുമാണ് മഴ പെയ്യാന്‍ സഹായിക്കുന്നതെന്ന് പറഞ്ഞവരോട് അപ്പോള്‍ കടലില്‍ മഴപെയ്യുന്നതോ, അവിടെ മരമുണ്ടോ എന്ന് ചോദിച്ച ഒരു നേതാവിന്റെ/പാര്‍ട്ടിയുടെ വിദ്യാര്‍ത്ഥി സംഘടനയാണവര്‍. അത് കൊണ്ട് തന്നെ പുസ്തകം കത്തിക്കല്‍ സമരത്തെ വിവരമുള്ള ജനങ്ങള്‍ തിരിച്ചറിയുമെന്ന് തീര്‍ച്ചയാണ്.

എന്നാല്‍ രാജ്യത്തെ യഥാര്‍ത്ഥ വിഷയങ്ങളില്‍ നിന്ന് ശ്രദ്ധ തിരിച്ചുവിടാനുള്ള ഈ സമരാഭാസത്തിന് കൂട്ടുനില്‍ക്കുന്ന കോണ്‍ഗ്രസിന് നെഹ്രുവിന്റെ പാരമ്പര്യം അവകാശപ്പെടാന്‍ ഇനിയെന്താണവകാശം?

(കടപ്പാട്: വി.എസ്.സനോജ്, ജനയുഗം ദിനപ്പത്രം )

കേരള വിദ്യാഭ്യാസം എന്ന ബ്ലോഗ് സന്ദര്‍ശിക്കുകയും ചര്‍ച്ചയില്‍ പങ്കെടുക്കുകയും ചെയ്യുമല്ലോ. ഈ ലേഖനം അവിടെയും ഇട്ടിട്ടുണ്ട്. കമന്റുകള്‍ അവിടെ ഇടുമല്ലോ.

പാഠപുസ്തക വിവാദം: വ്യത്യസ്ഥമായ ഒരു ചര്‍ച്ച, സമരരൂപം

2008-06-27T17:29:00.002+05:30

കുറിപ്പ് ഡാലിയുടെ ചൂട്ടഴിയിലെ പോസ്റ്റില്‍ നിന്ന്:

ആളിക്കത്തുകയാണ് ഏഴാം ക്ലാസ്സിലെ സാമൂഹ്യശാസ്ത്ര പാഠ പുസ്തക വിവാദം. പുസ്തകം വായിച്ചുപോലും നോക്കാതെ തെരുവില്‍ കത്തിക്കാനും തെരുവ് കത്തിക്കാനും ആളിറങ്ങിക്കഴിഞ്ഞു. മോഷണക്കേസില്‍ ജയിലില്‍ കിടന്നവന്‍ വരെ ഏഴാം ക്ലാസുകാരനെ രക്ഷിക്കാന്‍ പെട്രോള്‍ കാനും തീപ്പെട്ടിയുമായി തെരുവിലുണ്ട്.

ഈ സമരം അനാവശ്യമാണെന്ന് പാഠപുസ്തകം ഒരിക്കലെങ്കിലും വായിച്ചു നോക്കിയിട്ടുള്ള ഏതൊരാള്‍ക്കും ബോധ്യപ്പെടും. രണ്ടാം വിമോചന സമരത്തിന് പടയൊരുക്കം നടത്തുകയാണത്രെ അരമനകള്‍. അതിനെ നേരിടാനായി ഇപ്പോഴേ ഒരുങ്ങുക. കല്ലും, കവിണിയും, കുന്തവുമാണ് അവര്‍ക്ക് പരിചയമുളള ആയുധങ്ങള്‍. അതിനെ എതിര്‍ക്കാന്‍ അക്ഷരവും പുസ്തകവും സംവാദവുമാണ് നമ്മുടെ ആയുധം.

സംവാദത്തിന്റെ വാതിലുകള്‍ മുഴുവന്‍ അടച്ച്, സ്വന്തം മുന്‍വിധികളുടെയും സ്ഥാപിത താല്‍പര്യക്കാരുടെയും താളത്തിനൊത്ത് തുളളുന്നവര്‍ കൊണ്ടാടുന്ന വാദങ്ങളുടെ കാമ്പും കഴമ്പും നമുക്ക് പരിശോധിക്കാം, ഒന്നൊന്നായി.

അതിന്, ഇതാ ഇവിടെയൊരവസരം:

ഇതാ ഇതിലേ പോവുക അഭിപ്രായങ്ങള്‍ രേഖപ്പെടുത്തുക.

കിരണ്‍, മാരീചന്‍, സെബിന്‍, രാധേയന്‍, മൂര്‍ത്തി, റോബി, ഡാലി,സൂരജ് എന്നിവരുടെ ചിന്തകള്‍ ആമുഖമായി അവതരിക്കപ്പെട്ടിരിക്കുന്നു.

വിവാദമായിരിക്കുന്നത് ഏഴാം ക്ലാസ്സിലെ സാമൂഹ്യപാഠം പുസ്തകത്തിലെ ഒന്നാം റ്റേം പുസ്തകത്തിലെ അഞ്ച് അദ്ധ്യയങ്ങളില്‍ ആദ്യത്തെ മൂന്ന് അദ്ധ്യയമാണ്.

അദ്ധ്യായം തിരിച്ചുള്ള ചര്‍ച്ചകള്‍

ഒന്നാം അദ്ധ്യായം ചര്‍ച്ച, പഴയതും പുതിയതും താരതമ്യം

അദ്ധ്യായം രണ്ട് ചര്‍ച്ച

അദ്ധ്യയം മൂന്ന് ചര്‍ച്ച

പുസ്തകം വായിക്കാനും ചര്‍ച്ചയില്‍ പങ്കെടക്കാനും എല്ലാവരോടും അഭ്യര്‍ത്ഥിക്കുന്നു. പുസ്തകം വായിക്കാനുളളതാണ്, കത്തിക്കാനുളളതല്ല എന്ന് തിരിച്ചറിയുന്നവര്‍ക്കും, ലോകം കത്തിച്ചിട്ടായാലും തങ്ങളുടെ വാശിയും ഈഗോയും ജയിക്കണമെന്നുളളവര്‍ക്കും ഈ സംവാദത്തില്‍ പങ്കെടുക്കാം.

സത്യമേ ജയിക്കൂ.... സത്യം മാത്രം. സത്യത്തെ ജയിപ്പിക്കാനും നമ്മുടെ കുട്ടികളെ നല്ല മനുഷ്യരായി വളര്‍ത്താനും മാനവികതയും മതനിരപേക്ഷതയും ഉയര്‍ത്തിപ്പിടിക്കാനും ഈ സമരത്തില്‍ പങ്കു ചേരുക.

കമന്റുകള്‍ മുകളിലെ ലിങ്കിലെ പോസ്റ്റുകളില്‍ ഇടുക.

ഒരു വനിതാ ചാവേറിന്റെ മനസ്സ്

2008-06-25T23:02:00.004+05:30

ഹസ്‌ന മാരി എപ്പോഴെങ്കിലും കുടുംബ ഖുറാന്‍ തുറക്കുന്നത് കണ്ടതായി ആരും ഓര്‍ക്കുന്നില്ല. അവള്‍ ഒരിക്കലും പള്ളിയില്‍ പോകാറില്ലെന്നു മാത്രമല്ല പള്ളിയിലെ ഇമാമിനെ ഒരു സ്ത്രീലമ്പടനായാണ് താന്‍ കാണുന്നതെന്ന് അവള്‍ പലപ്പോഴും പറയുമായിരുന്നു. അതുകൊണ്ട് തന്നെ മതവിശ്വാസവുമായി ബന്ധപ്പെട്ട തീവ്രവാദമല്ല അന്‍ബാര്‍ പ്രവിശ്യയില്‍ നിന്നുള്ള ഈ ഗ്രാമീണയെ കഴിഞ്ഞ വേനല്‍ക്കാലത്ത് ഇറാഖി ചെക്ക് പോസ്റ്റുകളിലൊന്നില്‍ വെച്ച് സ്വയം പൊട്ടിച്ചിതറുവാന്‍ പ്രേരിപ്പിച്ചത്. അവളുടെ കൂടെ മൂന്ന് ഉദ്യോഗസ്ഥര്‍ കൊല്ലപ്പെടുകയും പത്ത് സാധാരണക്കാര്‍ക്കെങ്കിലും പരിക്കേല്‍ക്കുകയും ചെയ്തിരുന്നു.

മതം ആവണമെന്നില്ല അവളുടെ പ്രേരകശക്തി, എങ്കിലും വിശുദ്ധ യുദ്ധത്തിന്റെ മുന്നണിയില്‍ വനിതകളെ ഉപയോഗിക്കുക എന്ന പുതിയ രീതിയുടെ സ്വയംസന്നദ്ധയായ ആദ്യ ഇരകളിലൊന്നായിരുന്നു അവള്‍. അധിനിവേശത്തിനു ശേഷം നടന്ന ആയിരത്തോളം ചാവേര്‍ ബോംബാക്രമണങ്ങളില്‍ സ്ത്രീകള്‍ ഉള്‍പ്പെട്ടത് ഏതാണ്ട് മുപ്പതോളം എണ്ണത്തില്‍ മാത്രമാണെങ്കിലും, അമേരിക്കന്‍- ഇറാഖി ഉദ്യോഗസ്ഥര്‍ പറയുന്നത് അമേരിക്കന്‍ ആക്രമണതന്ത്രത്തിന്റെ നട്ടെല്ലായ സെക്യൂരിറ്റി സംവിധാനങ്ങളെ മറികടക്കുവാന്‍ ജിഹാദി ഗ്രൂപ്പുകള്‍ കൂടുതല്‍ കൂടുതലായി വനിതകളെ ഉപയോഗിക്കുന്നുണ്ട് എന്നാണ്. കഴിഞ്ഞ ഞായറാഴ്ച ബക്കൂബയില്‍ നടന്ന ഒരു വനിതാ ചാവേര്‍ ആക്രമണത്തില്‍ പതിനാറ് പേര്‍ കൊല്ലപ്പെടുകയും മുപ്പത്തി അഞ്ചോളം പേര്‍ക്ക് പരിക്കേല്‍ക്കുകയുമുണ്ടായി. കുറച്ച് ദിവസങ്ങള്‍ക്ക് മുന്‍പാണ് രണ്ട് പുരുഷന്മാരും നാലു സ്ത്രീകളും ഉത്തരപടിഞ്ഞാറന്‍ ബാഗ്ദാദിലെ തിരക്കേറിയ ഒരു മാര്‍ക്കറ്റില്‍ കാര്‍ ബോംബാക്രമണം നടത്തിയത്. ഇതില്‍ 63 പേര്‍ കൊല്ലപ്പെട്ടിരുന്നു.

എല്ലാ അവസരങ്ങളിലും, പല തട്ടിലുള്ള സുരക്ഷാസംവിധാനങ്ങള്‍ മറികടന്ന് തങ്ങളുടെ ലക്ഷ്യസ്ഥാനത്ത് എത്തുവാന്‍ വനിതാ ചാവേറുകള്‍ക്ക് കഴിഞ്ഞിട്ടുണ്ട്. പുരുഷ പോലീസുകാരോ ചെക്ക് പോയിന്റ് ഉദ്യോഗസ്ഥരോ വനിതകളെ പരിശോധിക്കുന്നത് വിലക്കുന്ന ഒരു സംസ്കാരം നിലവിലിരിക്കെ, പോലീസ് സ്റ്റേഷനുകളും മാര്‍ക്കറ്റുകളും പോലുള്ള സുപ്രധാന ലക്ഷ്യങ്ങളിലേക്ക് എത്തിച്ചേരുവാന്‍ ഇവര്‍ക്ക് കഴിയുന്നുണ്ട്. ഒരു പുരുഷനു എത്തിച്ചേരാമെന്ന് സ്വപ്നം കാണാന്‍ പോലും കഴിയാത്ത ഇടങ്ങളിലേക്ക് ഒരു പരിശോധനയും ഇല്ലാതെ കടന്നു ചെല്ലുവാന്‍ ഇവര്‍ക്ക് സാധിക്കുന്നു.

ഒരോ ആത്മഹത്യാ ബോംബറും തന്റെ ജീവിതം അവസാനിപ്പിക്കുന്നത് ഒരേ രീതിയിലായിരിക്കാം, എങ്കിലും അവരുടെ ഉദ്ദേശലക്ഷ്യങ്ങളെക്കുറിച്ച് ഒറ്റക്കഥയില്‍ നിന്നുമാത്രം എന്തെങ്കിലും നിഗമനത്തിലെത്തുന്നത് ബുദ്ധിശൂന്യമയിരിക്കും. എങ്കിലും, ഹസ്‌ന എങ്ങിനെ സ്വയം പൊട്ടിച്ചിതറുവാന്‍ തയ്യാറായി എന്നത് ഇറാഖിലെ സ്ത്രീകള്‍ അകപ്പെട്ടിരിക്കുന്നതായ നിസ്സഹായാവസ്ഥയുടെ വിഷമവൃത്തത്തിലേക്ക് അല്‍പം വെളിച്ചം വീശുവാന്‍ സഹായിക്കും എന്നു തോന്നുന്നു..

ഇപ്പോള്‍ സിറിയയില്‍ ഒളിച്ച് താമസിക്കുന്ന അവളുടെ സഹോദരി സദിയയില്‍ നിന്നും അമ്മ ഷാഫിക്വയില്‍ നിന്നുമാണ് ടൈം ഹസ്‌നയെക്കുറിച്ച് അറിഞ്ഞത്. ( പേരുകള്‍, ഹസ്‌നയുടേതടക്കം സാങ്കല്‍പ്പികമാണ്). അവര്‍ പറഞ്ഞ കഥ ശരിയോ തെറ്റോ എന്നു പരിശോധിക്കുക അസാദ്ധ്യമാണെങ്കിലും, അവര്‍ പറഞ്ഞതിലെ പ്രധാന സംഗതികള്‍ അന്‍ബാറിലെ ഇറാഖി ഉദ്യോഗസ്ഥര്‍ നല്‍കുന്ന സംഭവ വിവരണവുമായി ഒത്തുപോകുന്നുണ്ട്. (അമേരിക്കന്‍ സൈന്യം ആകെ സ്ഥിരീകരിക്കാന്‍ തയ്യാറായത് ജൂലൈ 23ന് അഞ്ചാം കിലോമീറ്ററിലെ ചെക്‍പോയിന്റില്‍ ഒരു വനിതാ ചാവേര്‍ ആക്രമണം ഉണ്ടായി എന്നത് മാത്രമാണ്). സദിയയും ഷഫിക്വയും ഒരു അല്‍-ഖ്വൈദ പോരാളി അവര്‍ക്ക് നല്‍കിയ രണ്ട് ഡി.വി.ഡി പരിശോധിക്കുവാന്‍ സമ്മതിച്ചു, അതിന്റെ കോപ്പി എടുക്കുവാന്‍ അനുവദിച്ചില്ലെങ്കിലും. ഒന്നില്‍ ഹസ്‌നയുടെ അന്ത്യ യാത്രാമൊഴിയും, മറ്റൊന്നില്‍ അവളുടെ ദൌത്യത്തിന്റെ ചിത്രീകരണവും ആയിരുന്നു. സ്വന്തം സഹോദരന്റെ മരണം സൃഷ്ടിച്ച ദു:ഖത്താല്‍ ഭ്രാന്തമായ അവസ്ഥയിലെത്തിയ, ഒരിക്കല്‍ അസാമാന്യ മന:ശക്തിയുണ്ടായിരുന്ന ഒരു വനിതയുടെ ചിത്രമാണ് നമുക്ക് കാണാനാവുക.

സഹോദരനായ താമര്‍ 2007 ആദ്യം ഒരു ചാവേര്‍ ആക്രമണത്തിനു സ്വയം സന്നദ്ധനാവുകയായിരുന്നു. ഹസ്‌ന അവനെ സഹായിക്കുകയും. ഫെബ്രുവരിയിലെ ഒരു പ്രഭാതത്തില്‍ താമര്‍ ചെക്ക് പോയിന്റ് അഞ്ചിലേക്ക് സഹജിഹാദികളോടൊത്ത് കാറോടിച്ച് പൊയ്ക്കൊണ്ടിരിക്കെ അബദ്ധത്തില്‍ ബോംബ് പൊട്ടുകയും എല്ലാവരും കൊല്ലപ്പെടുകയുമായിരുന്നു.

ഹസ്‌നയെ ഇത് ദുഖത്തിലാഴ്ത്തി - സഹോദരന്‍ മരിച്ചു എന്നതിലല്ല, മറിച്ച് അവന്‍ ഏറ്റെടുത്ത ദൌത്യം പൂര്‍ത്തിയാക്കാനായില്ലല്ലോ എന്നതായിരുന്നു അവളുടെ ദുഖം. "അവന്റെ മരണവാര്‍ത്ത അവള്‍ പ്രതീക്ഷിച്ചതായിരുന്നു, എങ്കിലും അവന്‍ ഒരു രക്തസാക്ഷിയായി കരുതപ്പെടുകയില്ല എന്നത് അവള്‍ക്ക് സഹിക്കാവുന്നതിലും അപ്പുറമായിരുന്നു." സദിയ പറഞ്ഞു. ഒരാഴ്ചയോളം അവള്‍ ഒരു മുറിയില്‍ കയറി കതകടച്ചിരുന്നു. അവസാനം അയല്‍ക്കാര്‍ അവള്‍ മരിച്ചുവെന്നുറപ്പിച്ച് സദിയയെ വിളിക്കുകയായിരുന്നു. വാതില്‍ പൊളിച്ച് അകത്ത് കടന്ന അവര്‍ കണ്ടത് വിസര്‍ജ്യങ്ങളുടെ നടുവില്‍ അബോധാവസ്ഥയില്‍ കിടന്നിരുന്ന ഹസ്‌നയെയാണ്. സദിയയുടെ പരിചരണത്താല്‍ ഹസ്‌ന തന്റെ ആരോഗ്യം കുറെയൊക്കെ വീണ്ടെടുത്തു, എങ്കിലും താമറിനു സംഭവിച്ച പരാജയത്തെക്കുറിച്ചുള്ള ഓര്‍മകള്‍ അവളെ വേട്ടയാടുകയായിരുന്നു. "അപൂര്‍ണമായ രക്തസാക്ഷിത്വം" എന്നാണവള്‍ അതിനെ വിശേഷിപ്പിച്ചത്. അധികം കഴിയുന്നതിനു മുന്‍പ് തന്നെ അവള്‍ ഒരു തീരുമാനത്തിലെത്തി : സഹോദരന്റെ മാനം കാക്കാനുള്ള ഏക വഴി അവന്‍ പൂര്‍ത്തിയാക്കാതെ പോയ ദൌത്യം പൂര്‍ത്തിയാക്കുക എന്നതാണെന്ന്.

തുടര്‍ന്ന് ഹസ്‌ന ഒരു നിര്‍ദ്ദേശവുമായി തന്റെ സഹോദരന്റെ സഹപ്രവര്‍ത്തകരെ സമീപിച്ചു. അവള്‍ക്കൊരു ബെല്‍റ്റ് സംഘടിപ്പിച്ചുകൊടുക്കാമെങ്കില്‍ കിലോമീറ്റര്‍ 5 അവള്‍ ബോംബായി മാറി തകര്‍ക്കും. അവര്‍ ആദ്യം സംശയിച്ചു ,കാരണം ഒരു വനിതയെ അതു വരെയും ഇത്തരം പ്രവര്‍ത്തനത്തില്‍ ഉള്‍പ്പെടുത്തിയിട്ടില്ല, മാത്രമല്ല അവസാന നിമിഷം അവളുടെ മനസാന്നിദ്ധ്യം നഷ്ടപ്പെടും എന്നതവര്‍ക്ക് ഉറപ്പായിരുന്നു. എങ്കിലും അവസാനം അവര്‍ക്ക് ഹസ്നയുടെ നിര്‍ബന്ധത്തിനു വഴങ്ങേണ്ടി വന്നു. അങ്ങിനെ അവര്‍ അവളെ ഉന്നത ജിഹാദി തലവന്മാരുടെ അംഗീകാരത്തിനായും ബെല്‍ട്ട് ബോംബ് ഘടിപ്പിക്കുന്നതിനായും സിറിയയിലേക്ക് അയച്ചു. (നിരവധി തവണ അവള്‍ സിറിയ സന്ദര്‍ശിച്ചുവെന്ന് റമാദിയിലെ ഇറാഖി ഉദ്യോഗസ്ഥര്‍ പറയുന്നു.)

അടുത്ത തവണ സദിയ ഹസ്‌നയെ കണ്ടപ്പോള്‍ ചെയ്യാന്‍ പോകുന്ന കാര്യത്തെക്കുറിച്ചുള്ള പ്രതീക്ഷയില്‍ അവള്‍ ഒരു തരം ചാപല്യം ബാധിച്ചവളെപ്പോലെ കാണപ്പെട്ടു. സിറിയയില്‍ ഉണ്ടായ അനുഭങ്ങളെക്കുറിച്ച് രസകരമായ കഥകള്‍ അവള്‍ സദിയക്ക് പറഞ്ഞു കൊടുത്തു. സ്ത്രീയെ സ്പര്‍ശിക്കുന്നത് ജിഹാദികളുടെ മതവിശ്വാസം വിലക്കുന്നതിനാല്‍ ബെല്‍ട്ടിനായി എങ്ങിനെ അവളുടെ അളവുകള്‍ എടുക്കും എന്നതിനെക്കുരിച്ച് അവര്‍ക്കൊരു രൂപവും ഇല്ലായിരുന്നു. എങ്കില്‍ തന്റെ ബ്രേസിയര്‍ തരാമെന്നായി അവള്‍. പക്ഷെ ഒരു സ്ത്രീയുടെ അടിവസ്ത്രം സ്പര്‍ശിക്കന്‍ ഇസ്ലാം അനുവദിക്കുന്നുണ്ടോ എന്നത് ഒരു ഇമ്മാമിനോട് ചോദിച്ച് അവര്‍ക്ക് ഉറപ്പു വരുത്തേണ്ടിവന്നുവത്രെ.

അവള്‍ സ്വയം ഒരു ബോംബായി മാറിയ കഴിഞ്ഞ ജൂലായിലെ ആ ദിവസം ചെക്ക് പോയിന്റില്‍ ഏതാണ്ട് നാല്‍പതോളം പോലീസുകാര്‍ ഉണ്ടായിരുന്നു. അതില്‍ ഒറ്റ സ്ത്രീ പോലും ഇല്ലായിരുന്നു. രാവിലെ 9.30ന് ഇളം നിറത്തിലുള്ള ഒരു ഓപ്പല്‍ സലൂണ്‍ ചെക്ക് പോയിന്റിനു ഏതാണ്ട് 100 വാര അകലെ ഒരു സ്ത്രീയെ വിട്ടതിനുശേഷം റമാദിയിലേക്ക് യാത്രയായി. തിളങ്ങുന്ന കറുത്ത ഗൌണും പര്‍ദയും ധരിച്ച കുറിയതും ബലിഷ്ടവുമായ ശരീരമുള്ള സ്ത്രീയെ.

ചെക്ക് പോയിന്റിന്റെ ചുമരുകള്‍ക്ക് സമീപമെത്തിയപ്പോള്‍ അവള്‍ വസ്ത്രം തടഞ്ഞ് വീഴുന്നതായി ഭാവിച്ചു. ദൃക്‍സാക്ഷി വിവരണം അനുസരിച്ച് അവള്‍ ഒരു പോലീസുകാരനെ വിളിക്കുകയും തന്നെ സഹായിക്കാന്‍ ആവശ്യപ്പെടുകയും ചെയ്തു. അവര്‍ സമീപത്തെത്തിയപ്പോള്‍ അവള്‍ ബോംബിന്റെ ട്രിഗര്‍ വലിക്കുകയും രണ്ട് പൊലീസുകാരും തല്‍ക്ഷണം കൊല്ലപ്പെടുകയും ഒരാള്‍ക്ക് ഗുരുതരമായി പരിക്കേല്‍ക്കുകയും ചെയ്തു. ഒരു വലിയ തീഗോളം സമീപത്ത് പാര്‍ക്ക് ചെയ്തിരുന്ന കാറില്‍ ചെന്ന് പതിക്കുകയും അതിനുള്ളിലുണ്ടായിരുന്നവരെ ഗുരുതരമായി പൊള്ളലേല്‍പ്പിക്കുകയും ചെയ്തു.

ഹസ്‌നയുടെ മരണത്തിനു ഒരു ആഴ്ച കഴിഞ്ഞ്, സദിയക്ക് രണ്ട് ഡി.വി.ഡി കള്‍ ലഭിച്ചു. ആ റെക്കോര്‍ഡിങ്ങുകളിലെ സ്ത്രീയെ തിരിച്ചറിയാന്‍ കഴിയുന്നില്ലെന്ന് സദിയ പറയുന്നു. "അത് ഹസ്‌ന തന്നെയാണ്. പക്ഷെ താമര്‍ കൂടെ ഇല്ലാത്ത ഹസ്‌ന. അവന്‍ മരിച്ചപ്പോള്‍ അവള്‍ ഒരു പകുതി വ്യക്തി ആയി മാറിയിരുന്നു. ആ അര്‍ദ്ധവ്യക്തിയെ നിങ്ങള്‍ക്ക് ഈ വീഡിയോയില്‍ കാണാം." തങ്ങളുടെ മരണമൊഴി രേഖപ്പെടുത്തിവെക്കുക എന്നത് ചാവേര്‍ ബോംബര്‍മാരുടെ ഇടയില്‍ പതിവാണ്. പലതും ജിഹാദി വെബ് സൈറ്റുകളില്‍ പോസ്റ്റ് ചെയ്യപ്പെടും. പലതിലും ബോംബര്‍മാര്‍ മുഖം മൂടി ധരിച്ച് ഖുറാനില്‍ നിന്നുള്ള വരികള്‍ ചൊല്ലി പ്രാര്‍ത്ഥിക്കുകയും രക്തസാക്ഷിത്വത്തിന്റെ നന്മകളെ പ്രകീര്‍ത്തിക്കുകയും തങ്ങളുടെ എതിരാളികള്‍ (മിക്കവാറും അമേരിക്കയെ) നരകത്തില്‍ പോകട്ടെ എന്ന് ശപിക്കുകയും ചെയ്യും.

ഹസ്‌നയുടെ അവസാന റെക്കോര്‍ഡിങ്ങില്‍ അവള്‍ മുഖം മറച്ചിട്ടില്ല, തലമുടി സ്വതന്ത്രമായി വിടര്‍ത്തിയിട്ടിരിക്കുമയുമാണ്. ക്യാമറയിലേക്ക് തന്നെ ഉറ്റുനോക്കിക്കൊണ്ട് പതറാത്ത ഉറച്ച ശബ്ദത്തില്‍ അവള്‍ സംസാരിക്കുന്നു. സംസാരിക്കുമ്പോള്‍ കുറിപ്പുകളെയൊന്നും ആശ്രയിക്കുന്നില്ലെങ്കിലും റിഹേഴ്സല്‍ നടത്തിയിട്ടുണ്ടെന്ന് തോന്നും. ഒരിക്കല്‍പ്പോലും അവള്‍വാക്കുകള്‍ക്കായി നിര്‍ത്തുന്നില്ല. പതിനഞ്ച് മിനിറ്റ് സംസാരം മുഴുവന്‍ അവളുടെ സഹോദരനെക്കുറിച്ചാണ് - നല്ലൊരു യുവാവായി വളര്‍ന്ന, എന്ത് അനുസരണയുള്ള കുട്ടിയായിരുന്നു അവന്‍, കുടുംബത്തെ സ്നേഹിക്കുകയും അവരുടെ സന്തോഷത്തിനു വേണ്ടി എന്ത് ചെയ്യുവാനും തയ്യാറാകുന്ന നല്ല കുട്ടി. അവന്റെ സ്കൂള്‍ കാലത്തെ സംഭവങ്ങളെക്കുറിച്ചും ചിത്രരചനയിലുള്ള അവന്റെ കഴിവിനെക്കുറിച്ചും, ഇലക്‍ട്രോണിക്‍സ് വസ്തുക്കള്‍ നന്നാക്കുന്നതിലുള്ള മിടുക്കിനെക്കുറിച്ചുമൊക്കെ ഹസ്‌ന സംസാരിക്കുന്നു. " അടുത്തുള്ള ഏത് വീട്ടിലും ഫ്രിഡ്‌ജോ, ടീവിയോ കേടു വന്നാല്‍ അവര്‍ എന്റെ സഹോദരനെയാവും എപ്പോഴും സമീപിക്കുക. അതൊക്കെ ചെയ്യുന്നതില്‍ അവന്‍ ആനന്ദം കണ്ടെത്തിയിരുന്നു."

മതത്തെയോ രാഷ്ട്രീയത്തെയോ സംബന്ധിച്ച ഒറ്റ വാക്കു പോലും ആ സംഭാഷണത്തില്‍ ഇല്ല, അതു കൊണ്ടായിരിക്കണം അത് ജിഹാദി സൈറ്റുകളില്‍ പ്രസിദ്ധീകരിക്കാത്തത്. ഇറാഖിലെ അമേരിക്കന്‍ സാന്നിദ്ധ്യത്തെക്കുറിച്ച് ഒരു പരാമര്‍ശം മാത്രമെ അതിലുള്ളൂ. "അമേരിക്കക്കാര്‍ ആദ്യം ഗ്രാമത്തില്‍ വന്നപ്പോള്‍ താമര്‍ അതിലെ ഗായകന്റെ ചിത്രം വരയ്ക്കുകയും അത് കമാണ്ടറെ ഏല്‍പ്പിക്കുകയും ചെയ്തു. എത്ര പെട്ടെന്നാണ് അവന്‍ ഈ ചിത്രം വരച്ചതെന്ന് കമാണ്ടര്‍ അത്ഭുതപ്പെട്ടു.'

ഹസ്‌ന ഒരു ചെറിയ പ്രഖ്യാപനത്തോടെ തന്റെ സംസാരം അവസാനിപ്പിക്കുന്നു. " സ്വര്‍ഗത്തില്‍ വെച്ച് ഞാന്‍ അവനുമായി ചേരുവാന്‍ പോകുകയാണ്."

അവളെ ചെക്ക് പോയിന്റിലെത്തിച്ചവരില്‍ ഒരാള്‍ ഷൂട്ട് ചെയ്ത മറ്റേ ഡി.വി.ഡിയില്‍ വികാരഭേദമില്ലാതെ ഹസ്‌ന വാഹനത്തിന്റെ ജനലിലൂടെ പുറത്തേക്ക് നോക്കിയിരിക്കുന്നത് ചിത്രീകരിച്ചിരിക്കുന്നു. തുടര്‍ന്ന് പുറത്തിറങ്ങുന്നതിനു മുന്‍പായി അവള്‍ തന്നെ മുഖകവചം ധരിക്കുകയും ബെല്‍ട്ട് ശരിയാക്കുകയും ചെയ്യുന്നു. "ദൈവം മഹാനാണ് " കാറിലിരുന്നു ഒരാള്‍ മന്ത്രിക്കുന്നു. അവള്‍ പ്രതികരിക്കുകയോ തിരിഞ്ഞു നോക്കുകയോ ചെയ്യുന്നില്ല. കാര്‍ മടങ്ങിപ്പോകവേ, പിന്നിലെ വാതിലിലൂടെ ഷൂട്ട് ചെയ്ത വീഡിയോ അവള്‍ ചെക്ക് പോസ്റ്റിനു സമീപമെത്തുന്നത് കാണിക്കുന്നു. കാര്‍ ഉയര്‍ത്തുന്ന പൊടിപടലത്തില്‍ അവളെ കാണാതാവുന്നു. ഏതാണ്ട് ഒരു നിമിഷത്തിനുശേഷം ഒരു വെളിച്ചവും സ്ഫോടനശബ്ദവും കറുത്ത പുകയും മാത്രം. "ദൈവം മഹാനാണ്" ക്യാമറാമാന്‍ പറയുന്നു. "ആ ബുദ്ധിയില്ലാത്ത പെണ്ണ് അത് ചെയ്തു."

(ടൈം പ്രസിദ്ധീകരിച്ച The Mind of a Female Suicide Bomber എന്ന ലേഖനത്തിന്റെ പരിഭാഷ)

പ്രണയം,വൈധവ്യം,മരണം

2008-06-23T23:22:00.002+05:30

പ്രണയം

"ഇറാഖിലെ പ്രണയകഥകളൊക്കെ ഇപ്പോള്‍ പറയുന്നത് മരണത്തെക്കുറിച്ചും വേര്‍പാടിനെക്കുറിച്ചുമാണ്‌‍...അറേബ്യന്‍ രാത്രികളുടേയും മനോഹരമായ കവിതകളുടേതുമായിരുന്ന ഈ രാജ്യം ഇപ്പോള്‍ പ്രണയത്തിനു പറ്റിയതല്ല.”

പറയുന്നത് കവിയും രാഷ്ട്രീയ നിരീക്ഷകനുമായ Maki al-Nazzal.

അധിനിവേശത്തില്‍ മരിച്ച ഇറാഖികളുടെ എണ്ണം 6,65,000 എന്ന ലാന്‍സെറ്റ് കണക്ക് ഒന്നു കൂടി ആവര്‍ത്തിക്കട്ടെ..മരിച്ചവരിലോരോരുത്തരും കരയാനായി ആരെയെങ്കിലുമൊക്കെ ബാക്കി വെച്ചിട്ടാണ് കടന്നു പോകുന്നത്..

28കാരനായ ഹുസാം അബ്ദുള്ളയുടെ കല്യാണമുറപ്പിച്ചതായിരുന്നു. യുദ്ധം കഴിഞ്ഞ് വിവാഹമാകാം എന്നു തീരുമാനിക്കുകയും ചെയ്തു. ഒരു മാസത്തിനകം എല്ലാ പ്രശ്നങ്ങളും തീരുമെന്നും 2003 മേയില്‍ വിവാഹിതനാകാമെന്നും കരുതിയിരുന്നതാണ്. എന്നാല്‍ നടന്നത് രണ്ട് വര്‍ഷത്തെ ജയില്‍‌വാസം. അതിനിടയില്‍ വധുവിന്റെ കുടുംബത്തിനു ഈജിപ്തിലേക്ക് പാലായനം ചെയ്യേണ്ടിയും വന്നു.

ഇത് 2008 ജൂണ്‍...ഹുസൈം ഇപ്പോഴും അവിവാഹിതന്‍..

നാടുവിടാന്‍ സാധിച്ചവര്‍ ഇറാഖിലെ ഭാഗ്യവാന്മാര്‍. മരണമോ, തടവോ, നരകതുല്യമായ ജീവിതമോ ആണ് നിര്‍ഭാഗ്യവാന്മാര്‍ക്ക് ഇറാഖില്‍ വിധിച്ചിട്ടുള്ളത്.

25 കാരിയാ‍യ അര്‍ദയോട് കാമുകന്‍ പറഞ്ഞിരുന്നത് ജോര്‍ദ്ദാനില്‍ ജോലിക്ക് പോകുകയാണെന്നും ജോലികിട്ടിയാലുടന്‍ അവളെ വിളിക്കാമെന്നുമായിരുന്നു...കാലം കുറെക്കഴിഞ്ഞിട്ടും പോയ ആളുടെ വിവരമൊന്നുമില്ല..തന്നെ പറ്റിച്ച് കടന്നു കളഞ്ഞു എന്നു തന്നെ ആര്‍ദ കരുതി..പിന്നെ എപ്പോഴോ ആണ് അവള്‍ അറിഞ്ഞത് കാമുകന്‍ ജോര്‍ദ്ദാന്‍ അതിര്‍ത്തിയില്‍ വെച്ച് അമേരിക്കന്‍ സൈന്യത്തിന്റെ പിടിയിലായെന്ന്. രേഖകളില്‍ അയാളുടെ പേരില്ലെങ്കിലും കാത്തിരിക്കാനാണ് ആര്‍ദയുടെ തീരുമാനം. വേണമെങ്കില്‍ ജീവിതാവസാനം വരെ.

32കാരനായ ഖാലിക് ഒബൈദി തന്റെ വധുവിനോട് പറഞ്ഞത് മറ്റാരെയെങ്കിലും കല്യാണം കഴിച്ചുകൊള്ളാനാണ്. ജോലിയും നഷ്ടപ്പെട്ട് ഉള്ള വീടും ബോബാക്രമണത്തില്‍ തകര്‍ന്നവന്‍ ഒബൈദി..പക്ഷെ വധു ഇപ്പോഴും പറയുന്നത്...കാത്തിരിക്കാം എന്നാണ്. അവള്‍ക്കു വട്ടാണെന്ന് സ്നേഹത്തോടെ ഒബൈദി...

കല്യാണം കഴിച്ചാലും ജീവിക്കുന്നതും കുട്ടികളെ വളര്‍ത്തുന്നതും അതിലേറെ കഷ്ട്രം എന്നത് വേറെ കാര്യം.

വൈധവ്യം

ഇറാഖിലെ ഓരോ വ്യക്തിയും ആരെയെങ്കിലുമൊക്കെ, എന്തെങ്കിലുമൊക്കെ നഷ്ടപ്പെട്ടവരാണ്..അതില്‍ത്തന്നെ വലിയ നഷ്ടം മറ്റെല്ലാ യുദ്ധങ്ങളിലും ദുരന്തങ്ങളിലും എന്ന പോലെ സ്ത്രീകള്‍ക്കും.

23 ലക്ഷ്യം സ്ത്രീകള്‍ വൈധവ്യദുഃഖം അനുഭവിക്കുന്നവരായി ഇറാഖിലുണ്ടെന്ന് Iraqiyat (Iraqi women) എന്ന ഗ്രൂപ്പിന്റെ കണക്ക്...1980-88 കാലത്തെ ഇറാനുമായുള്ള യുദ്ധത്തില്‍ മരിച്ച അഞ്ചുലക്ഷം പേരുടെയും സാധാരണഗതിയില്‍ മരണമടഞ്ഞവരുടെയും വിധവകള്‍ ഉള്‍പ്പെടെ.

അധിനിവേശത്തിന്റെ ദുരന്തത്തിനു പുറമെ, സാമൂഹികമായ പല വിലക്കുകളും ഇവരുടെ ജീവിതം തീര്‍ത്തും കഷ്ടതരമാക്കുന്നു.

വിധവയാകുക എന്നത് ഇറാഖില്‍ ഇന്ന് മരിക്കുന്നതിനു തുല്യമാണെന്ന് ദിയാല യൂണിവേഴ്സിറ്റിയിലെ പേരു വെളിപ്പെടുത്താനാഗ്രഹിക്കാത്ത പ്രൊഫസര്‍ പറയുന്നു. വ്യക്തിപരമായുണ്ടായ നഷ്ടത്തിന്റെ കൂടെ അവരുടെ ചുമലില്‍ വീഴുന്ന ഭാരിച്ച ഉത്തരവാദിത്വവും ഏകാന്തതയുമൊക്കെ ജീ‍വിതം ദുരന്തമാക്കുന്നു.

ഇസ്ലാം മതം വിധവകള്‍ക്ക് സ്വാതന്ത്ര്യം അനുവദിക്കുന്നുണ്ടെങ്കിലും അതിനെക്കുറിച്ചുള്ള അജ്ഞതമൂലം നിരവധി അനാവശ്യ വിലക്കുകള്‍ ഇവര്‍ക്കുമേല്‍ സമൂഹം കല്പിക്കുന്നുവെന്നുമാണ് ഇറാഖിലെ ഒരു മത പുരോഹിതന്‍ പറയുന്നത്.

മരണം

മുകളില്‍പ്പറഞ്ഞ ലാന്‍സെറ്റ് കണക്കനുസരിച്ച് ഇറാഖില്‍ മരിച്ചവരുടെ എണ്ണം 6,65,000...

അത് ശരിയായ എണ്ണത്തിന്റെ പകുതി മാത്രമെ ആകുന്നുള്ളൂ എന്ന് ഒപ്പീനിയന്‍ റിസര്‍ച്ച് ഗ്രൂപ്പും മറ്റും നടത്തിയ സര്‍വെയില്‍ പറയുന്നു. 12 ലക്ഷം പേരെങ്കിലും മരിച്ചുകാണുമെന്നാണ് അവരുടെ കണക്കുകൂട്ടല്‍..12,25,898 എന്നതാണിന്ന് ജസ്റ്റ് ഫോറിന്‍ പോളിസിയുടെ വെബ് സൈറ്റില്‍ കാണുന്ന കൌണ്ട്.

എത്ര പേര്‍ മരിച്ചാലെന്ത്? നമ്മുടെ ഹൃദയം അവര്‍ക്കുവേണ്ടി തുടിച്ചാല്‍പ്പോരെ എന്നാണ് അമേരിക്കന്‍ ഭരണകൂടത്തിന്റെ ചിന്താഗതി.

2006 അവസാനം മകന്‍ ബുഷിന്റെ വക്താവായ സ്കോട്ട് സ്റ്റാന്‍സെല്‍ ഇറാഖിലെ അമേരിക്കന്‍ ഭടന്മാരുടെ മരണസംഖ്യ 3000 എത്തിയപ്പോള്‍ ഇങ്ങനെ പറഞ്ഞല്ലോ...

“ ഓരോ ജീവനും അമൂല്യമാണെന്നു ബുഷ് കരുതുന്നു. മരിച്ചവരുടെ കുടുംബാംഗങ്ങള്‍ക്കായി അദ്ദേഹത്തിന്റെ ഹൃദയം തുടിക്കുന്നു.”

ഹൃദയമൊക്കെ വീണ്ടും തുടിച്ചുകാണണം...അതിന്റെ രേഖകള്‍ പുറത്ത് വരുന്നത് കാത്തിരിക്കാം...

(അവലംബം : ദാര്‍ ജമൈലിന്റെ മിഡ്‌ഈസ്റ്റ് കുറിപ്പുകള്‍. )

The Love Stories Are Gone

Home to Too Many Widows

IRAQ: Death Toll 'Above Highest Estimates'

എത്ര ഭാരതങ്ങള്‍!

2008-06-15T01:17:00.003+05:30

Inside Gate, India’s Good Life; Outside, the Servants’ Slums

ന്യൂയോര്‍ക്ക് ടൈസില്‍ സോമിനി സെന്‍‌ഗുപ്ത എഴുതിയ റിപ്പോര്‍ട്ടിന്റെ തലക്കെട്ടാണിത്.

ഗേറ്റിനുള്ളില്‍ സ്കൂളും, വെട്ടിയൊതുക്കിയ പുല്‍ത്തകിടിയും, ഒരിക്കലും നിലയ്ക്കാത്ത തിളങ്ങുന്ന കുടിവെള്ളവും, മുഴുവന്‍ സമയ വൈദ്യുതിയും, സെക്യൂരിറ്റി ഗാര്‍ഡുകളുമൊക്കെയുള്ള ഒരു ലോകം. സ്വയം പര്യാപ്തമായ ടൌണ്‍‌ഷിപ്പുകള്‍ തന്നെയാണിവ. ഒരു കാര്യത്തിനും പുറത്ത് പോകേണ്ടതില്ലാത്ത, പുറം ലോകത്തിന്റെ യാഥാര്‍ത്ഥ്യങ്ങള്‍ കണ്ട് മനസ്സു മടുപ്പിക്കേണ്ടതില്ലാത്ത സുന്ദരന്‍ ലോകം. ഗുര്‍‌ഗാവോണിലേയും ബാംഗ്ലൂരിലേയും മറ്റു മഹാനഗരങ്ങളിലേയും നഗരാതിര്‍ത്തികളില്‍ ഇന്ത്യയിലെ പുതിയ ധനിക വര്‍ഗത്തിനായി പണിയപ്പെടുന്ന കൂറ്റന്‍ എന്‍‌ക്ലേവുകള്‍.

ഗേറ്റിനു പുറത്ത് കഥ പഴയതു തന്നെ...വെള്ളമില്ലാത്ത, വെളിച്ചമില്ലാത്ത, ഭക്ഷണമില്ലാത്ത.......

വാക്കുകളേക്കാള്‍ ശക്തി ചിത്രത്തിനുണ്ടെന്നത് എത്ര ശരി.

ന്യൂ‍യോര്ക്ക് ടൈംസിലെ റിപ്പോര്‍ട്ട് ഇവിടെ. ചിത്രങ്ങളും കാണുക.

(Courtesy: Newyork Times)

പാഠപുസ്തകത്തിലെ സത്യങ്ങള്‍

2008-06-11T02:59:00.003+05:30

പാഠപുസ്തക വിമര്‍ശനത്തിലെ തമാശകള്‍ എന്ന പോസ്റ്റിട്ടു കഴിഞ്ഞതിനുശേഷമാണ് ആ വിഷയത്തില്‍ വന്ന രണ്ട് വാര്‍ത്തകള്‍ കണ്ടത്. പുസ്തകത്തിലൂടെ സ്വാതന്ത്ര്യസമരത്തെ അവഹേളിച്ചു, ഗാന്ധിജിക്കും നെഹ്റുവിനും പ്രാധാന്യം നല്‍കിയില്ല എന്നീ വിമര്‍ശനങ്ങള്‍ മറ്റു വിമര്‍ശനങ്ങള്‍ പോലെ പുസ്തകം കാണാതെയുള്ള വിമര്‍ശനമാണെന്ന് ഈ വാര്‍ത്തകള്‍ അനുസരിച്ച് പറയേണ്ടിയിരിക്കുന്നു. രണ്ടാം ഘട്ടത്തില്‍ പുറത്തിറങ്ങുന്ന പുസ്തകത്തിന്റെ രണ്ടാം ഭാഗത്തില്‍ ഇനിയും മുന്നോട്ട്' എന്ന പതിനാല് പേജുള്ള പാഠഭാഗത്തില്‍ നാലുപേജോളം ഗാന്ധിജി നേതൃത്വംകൊടുത്ത ഉപ്പുസത്യഗ്രഹവും ക്വിറ്റ് ഇന്ത്യാസമരവുമാണ് പരാമര്‍ശിക്കുന്നത്. ഇതേ പുസ്തകത്തിന്റെ 39-ാം പേജില്‍ നെഹ്റുവിന്റെ പാര്‍ലമെന്റ് പ്രസംഗത്തിന്റെ ഉള്ളടക്കം നല്‍കിയിട്ടുണ്ട്.

അതു പോലെ 'മനുഷ്യത്വം വിളയുന്ന ഭൂമി' എന്ന പാഠത്തില്‍ നെഹ്റുവിന്റെ ആശയങ്ങള്‍ക്ക് നല്ല പ്രാധാന്യം നല്‍കിയിട്ടുണ്ട്. നെഹ്റുവിന്റെ ഫോട്ടോയും ചിത്രീകരണവും ചേര്‍ത്തിട്ടുണ്ട്. അഹിംസാ സമരത്തെക്കുറിച്ച് പാഠഭാഗങ്ങളില്ലെന്നു വിമര്‍ശിക്കുന്നവര്‍ കാണാതെ പോയത് 'വളയിട്ട കൈകളില്‍ ഗര്‍ജിക്കുന്ന തോക്ക്' എന്ന തലക്കെട്ടിനുകീഴിലെ പത്തുവരിയൊഴികെ ബാക്കിയെല്ലാം സഹനസമരത്തെക്കുറിച്ചാണ് എന്നതാണ്. കേരളത്തിന്റെ സ്വാതന്ത്ര്യസമരമായി വാഗണ്‍ ട്രാജഡി മാത്രമല്ല പുസ്തകത്തില്‍ പരാമര്‍ശിക്കുന്നത്. 37, 38 പേജുകളില്‍ 'സ്വാതന്ത്ര്യത്തിന്റെ ഉപ്പ്' എന്ന തലക്കെട്ടില്‍ ഉപ്പ് സത്യഗ്രഹത്തെക്കുറിച്ച് വിശദമാക്കിയിട്ടുണ്ട്. ശ്രീനാരായണഗുരുവിനെപ്പറ്റി സാമൂഹ്യശാസ്ത്രം ആരംഭിക്കുന്ന അഞ്ചാംക്ളാസില്‍തന്നെ പഠിച്ചുതുടങ്ങണമെന്നാണ് കാഴ്ചപ്പാട്. അഞ്ചാംക്ളാസിലെ പുതിയ പുസ്തകത്തില്‍ 'വേര്‍തിരിവില്ലാത്ത ലോക'മെന്ന പാഠഭാഗത്ത് ഒരു പേജ് മുഴുവന്‍ ഗുരുവിന്റെ ചിത്രത്തോടുകൂടിയ വിവരണമുണ്ട്. ഇതേ പാഠത്തില്‍ മംഗല്‍ പാണ്ഡെ, പീര്‍മുഹമ്മദ്, ഭഗത്സിങ്, മഹാത്മാഗാന്ധി, ജവഹര്‍ലാല്‍ നെഹ്റു എന്നിവരെപ്പറി വിശദമായി പ്രതിപാദിക്കുന്നുണ്ട്. എന്നാല്‍, സ്വാതന്ത്ര്യസമരത്തിലെ ദേശാഭിമാനികളെ പരിചയപ്പെടുത്താതെ വിപ്ലവചിന്തകള്‍ പങ്കുവയ്ക്കുന്ന കമ്യൂണിസ്റ്റ് തന്ത്രമേ പുസ്തകത്തിലുള്ളൂവെന്ന് വിമര്‍ശിക്കുന്നവര്‍ക്ക് ഇവരൊന്നും വീരന്മാരാകുന്നില്ല എന്നു തോന്നുന്നു. വടക്കേമലബാറിലെ കമ്യൂണിസ്റ്റ് അതിക്രമങ്ങളെ കര്‍ഷകസമരമാക്കി പവിത്രവല്‍ക്കരിച്ചുവെന്നും ഉള്ള ആക്ഷേപം ചില കേന്ദ്രങ്ങള്‍ ഉയര്‍ത്തുന്നുണ്ട്. എങ്കിലും അത്തരം വിമര്‍ശകര്‍ സമ്മതിക്കാന്‍ മടിക്കുന്നത് കമ്യൂണിസ്റ്റുപാര്‍ട്ടി കേരളത്തില്‍ നയിച്ച സമരങ്ങള്‍ തിരസ്കരിക്കുന്നത് ചരിത്രത്തിന്റെ നിരാകരണമാണ് എന്നതാണ്.

അതുപോലെത്തന്നെ എ.കെ.ജിയുടെ ആത്മകഥ പഠിപ്പിക്കുന്നു എന്നതും തെറ്റാണെന്ന് വരുന്നു. എന്നാല്‍, ആത്മകഥ പഠിപ്പിക്കുകയല്ല ഈ പാഠഭാഗത്തിന്റെ ലക്ഷ്യമെന്ന് പുസ്തകത്തില്‍നിന്ന് വ്യക്തമാകും. ആ കാലഘട്ടത്തിലെ കര്‍ഷകരുടെ ജീവിതാവസ്ഥ കുട്ടികള്‍ക്ക് പകര്‍ന്നുനല്‍കാനായി ഉള്‍പ്പെടുത്തിയ ഭാഗത്തെയാണ് പേരുണ്ട് എന്ന കാരണത്താല്‍ വിമര്‍ശന വിധേയമാക്കുന്നത്. കാരണം ആ പാഠഭാഗത്തില്‍ എ കെ ജിയുടെ വ്യക്തിജീവിതത്തിന്റെ ഒരംശംപോലും ഇല്ല. അതേ സമയം എ കെ ജിയുടെ വലിയ ചിത്രമടക്കമുള്ള രാഷ്ട്രീയ പ്രവര്‍ത്തനചരിത്രം പഴയ അഞ്ചാംക്ളാസ് സാമൂഹ്യപാഠ പുസ്തകത്തിലുണ്ടായിരുന്നു. സാഹിത്യഅക്കാദമിയുടെ അവാര്‍ഡ് നേടിയ യുവകവി മോഹനകൃഷ്ണന്‍ കാലടിയുടെ കവിത ഉള്‍പ്പെടുത്തിയതിലും വിമര്‍ശകര്‍ കെറുവിക്കുന്നു. ബാലവേലചെയ്യുന്ന കുട്ടി പഠനത്തെ നോക്കിക്കാണുന്നതെങ്ങനെയെന്ന ആശയം ഈ കവിതയ്ക്കകത്തുണ്ട്. പുതിയ കവികളെയും പാഠപുസ്തകത്തിന്റെ ഭാഗമാക്കുകയെന്ന ഒരു വിശാലവീക്ഷണം പുസ്തകം തയ്യാറാക്കുന്ന വിദഗ്ദരടങ്ങിയ കമ്മിറ്റിക്ക് ഇല്ല എന്ന് പറയാനാകുമോ? പുസ്തകരചനയില്‍ പങ്കെടുത്തവര്‍ ശാസ്ത്രസാഹിത്യപരിഷത്തിന്റെ പ്രവര്‍ത്തകരും കമ്യൂണിസ്റ്റ് അധ്യാപകരുമാണെന്ന വിമര്‍ശനവും കഥയറിയാതെ ആട്ടം കാണലാണെന്നതാണ് സത്യം. കാരണം ഇപ്പോള്‍ പുസ്തകരചന നിര്‍വഹിച്ചവര്‍ യുഡിഎഫ് ഭരണകാലത്തും ഇതേ ജോലിയില്‍ പങ്കാളികളായിരുന്നിട്ടുണ്ട് എന്നതു തന്നെ. യോഗ്യതയുള്ളവരെ മത്സരത്തിലൂടെ കണ്ടെത്തിയാണ് പുസ്തകരചനയ്ക്ക് നിയോഗിച്ചത് എന്നതും വിമര്‍ശകര്‍ അറിയുന്നില്ല അല്ലെങ്കില്‍ അറിഞ്ഞിട്ടും അറിഞ്ഞില്ലെന്ന് നടിക്കുന്നു. കരിക്കുലം കമ്മിറ്റി അംഗീകരിക്കുകയും പ്രതിപക്ഷ-ഭരണപക്ഷ സംഘടനാ പ്രതിനിധികള്‍ ഉള്‍പ്പെട്ട സബ്ജക്ട് കമ്മിറ്റി വിശദമായി പരിശോധിക്കുകയും ചെയ്തശേഷം അച്ചടിക്കാന്‍ നല്‍കിയ പുസ്തകങ്ങളാണ് തരം താണ വിമര്‍ശനങ്ങള്‍ക്ക് വിധേയമാകുന്നത്.

പാഠ പുസ്തകത്തെ വിമര്‍ശിക്കരുത് എന്ന് ഒരു തരത്തിലും പറയുന്നില്ല. പാഠപുസ്തകം മാത്രമല്ല ഏതൊരു കാര്യവും വിമര്‍ശനവിധേയമാക്കേണ്ടതുണ്ട്. തെറ്റുകള്‍ തിരുത്തുവാനും കൂടുതല്‍ മെച്ചപ്പെട്ട രീതിയില്‍ കാര്യങ്ങള്‍ നടപ്പിലാക്കുവാനും ഇത് സഹായിക്കും. പക്ഷെ, വിമര്‍ശിക്കുവാന്‍ വേണ്ടിയും, പ്രത്യേക ഉദ്ദേശത്തോടെയും വസ്തുതകള്‍ പൂര്‍ണ്ണമായും മനസ്സിലാക്കാതെയും ഉള്ള വിമര്‍ശനങ്ങള്‍ ദോഷമേ ചെയ്യൂ എന്ന് പറയാതെ വയ്യ.

(വാര്‍ത്ത ദേശാഭിമാനിയില്‍)

പാഠപുസ്തക വിമര്‍ശനത്തിലെ തമാശകള്‍

2008-06-11T00:37:00.003+05:30

ഡീക്കന്റെ ബ്ലോഗില്‍ മാര്‍ ജോസഫ് കല്ലറങ്ങാട്ട് എഴുതിയ ലേഖനം വീണ്ടും വായിച്ചപ്പോള്‍ നല്ല തമാശ തോന്നി. ഏഴാം ക്ലാസിലെ സാമൂഹ്യശാസ്ത്ര പുസ്തകത്തിനെതിരായ വിമര്‍ശനങ്ങള്‍ ഉള്‍ക്കൊള്ളുന്ന പ്രസ്തുത ലേഖനം “അവനവന്‍ പാര” എന്ന വിശേഷണത്തിനു അര്‍ഹമാണ്. വിമര്‍ശനാത്മകമായി വായിച്ചാല്‍ (അങ്ങിനെ പറയാമോ എന്തോ?) ലേഖനം തിരിഞ്ഞുകൊത്തുന്ന അവസ്ഥയാണെന്ന് മനസ്സിലാകും.

"യുക്തിചിന്തയും ചരിത്രബോധവും രാഷ്ട്രീയവീക്ഷണവും ഉള്‍ക്കൊള്ളുന്നതായിരിക്കണം പൗരബോധം." എന്ന് പാഠ്യപദ്ധതി ചട്ടക്കൂടില്‍ പറഞ്ഞിരിക്കുന്നതിനെതിരെയാണ് ആദ്യവിമര്‍ശനം. എത്ര തിരിച്ചും മറിച്ചും നോക്കിയിട്ടും മേല്‍പ്പറഞ്ഞ വാചകത്തിലെ കുഴപ്പം മനസ്സിലായില്ല. ഇതൊന്നും ഇല്ലാത്തതാണ് കുഴപ്പം എന്ന് വ്യക്തമായി മനസ്സിലാകുന്നുണ്ട് താനും. പക്ഷെ അച്ചന്‍ പറയുന്നത് “ഈ കാഴ്ചപ്പാടിനു പിന്നിലെ പ്രത്യയശാസ്ത്രനിറം ആര്‍ക്കാണ്‌ മനസ്സിലാകാത്തത്‌.“ എന്നാണ്.

ഇനി അത് ശരി തന്നെ എന്ന് വെക്കുക. യുക്തി ചിന്തയും ചരിത്രബോധവും രാഷ്ട്രീയവീക്ഷണവും ഉള്‍ക്കൊള്ളുന്ന പൌരബോധത്തിനു വേണ്ടിയാണ് സഭ നിലകൊള്ളുന്നതെങ്കില്‍ നമ്മള്‍ ഉദ്ദേശിക്കുന്ന രീതിയിലേക്കാണല്ലോ സമൂഹം വളരുന്നത് എന്ന് കരുതി സന്തോഷിക്കുകയല്ലേ ചെയ്യുക? അതിനു പകരം എതിര്‍ക്കുമ്പോള്‍ തന്റെ പൂച്ച് വെളിച്ചത്താക്കിക്കൊണ്ട് സ്വന്തം “പ്രത്യയശാസ്ത്ര നിറം” വെളിവാക്കുക തന്നെയാണ് അച്ചന്‍ ചെയ്യുന്നത്.

അടുത്ത വിമര്‍ശനം ..

"ജാതിമത സംഘടനകളുടെ വിദ്യാഭ്യാസരംഗത്തുള്ള മൗലികവാദപരമായ ഇടപെടലുകള്‍, കുട്ടികളില്‍ മതമൗലികവാദം അടിച്ചേല്‍പിക്കാനുള്ള പ്രവണത, അതിന്റെ ഫലമായി വിദ്യാര്‍ത്ഥികളില്‍ രൂപപ്പെട്ടുവരുന്ന ജാതീയവും മതപരവുമായ അസഹിഷ്ണുത, ജനാധിപത്യപ്രക്രിയകളോടുള്ള അരാജകത്വ സ്വഭാവമുള്ള വിമുഖത, വര്‍ദ്ധിച്ചുവരുന്ന അസമത്വം, ആക്രമണോത്സുകത, വിപണി കേന്ദ്രീകൃതമായ പുത്തന്‍ ആത്മീയത, ശിഥിലമാകുന്ന കുടുംബബന്ധങ്ങള്‍, സ്ത്രീ - പുരുഷ ബന്ധങ്ങളില്‍ സംഭവിക്കുന്ന മൂല്യച്യുതി, അന്ധമായ ധനതൃഷ്ണ, വളര്‍ന്നുവരുന്ന ഗുണ്ടാ-മാഫിയാ സംസ്ക്കാരം, ലഹരി പദാര്‍ത്ഥങ്ങളോട്‌ യുവത്വം പ്രകടിപ്പിക്കുന്ന അമിതാസക്തി, സംസ്കാരത്തെയും വിദ്യാഭ്യാസത്തെയും വര്‍ഗ്ഗീയവല്‍ക്കരിക്കാനുള്ള പ്രവണത തുടങ്ങിയ സാമൂഹ്യപ്രശ്നങ്ങള്‍ വളര്‍ന്നുവരുന്ന തലമുറയെ ശരിയായ ദിശയില്‍ വിദ്യാഭ്യാസം നല്‍കി വളര്‍ത്താന്‍ പ്രേരണ നല്‍കുന്നു."

അച്ചന്‍ പറയുന്നത് “കേരള വിദ്യാഭ്യാസചട്ടക്കൂട്ടിലെ മേലുദ്ധരിച്ച കാര്യം വ്യക്തമാകുന്നത്‌ സാമൂഹ്യതിന്മകള്‍ക്കും അസമത്വത്തിനും കാരണം മതവും മതാത്മകമൂല്യങ്ങളുമാണെന്നാണ്.“ മൌലികവാദപരമായ, മൌലികവാദം എന്നൊക്കെ ആവര്‍ത്തിച്ച് പറഞ്ഞിരിക്കെ, അങ്ങിനെയൊരു ഇടപെടല്‍ തങ്ങള്‍ നടത്തുന്നില്ല എങ്കില്‍, മൌലിക വാദം അടിച്ചേല്‍പ്പിക്കുന്നില്ല എങ്കില്‍ അച്ചനെന്തിനു വ്യാകുലപ്പെടണം? മറ്റുള്ള വാക്കുകളോടുള്ള എതിര്‍പ്പിനെയും ഈ തരത്തില്‍ വായിച്ച് നോക്കുക. സമൂഹത്തില്‍ നെഗറ്റീവ് ആയ സ്വാധീനം ചെലുത്തുന്ന കാരണങ്ങള്‍ക്കെതിരെയുള്ള വിമര്‍ശനത്തെ തങ്ങള്‍ക്കെതിരെയാണെന്ന മട്ടില്‍ മറുപടി പറയുമ്പോള്‍ പുറത്ത് ചാടുന്നതിനെ പൂച്ച് എന്ന് തന്നെയല്ലേ വിളിക്കുക?

അടുത്തത് നോക്കാം.

"പ്രവേശനസമയത്ത്‌ കുട്ടിയുടെ ജാതിയും മതവും രേഖപ്പെടുത്തുന്നത്‌ നിര്‍ബന്ധമില്ല"

നിര്‍ബന്ധമില്ല എന്നേ പറയുന്നുള്ളൂ. രേഖപ്പെടുത്തിയാല്‍ എന്തെങ്കിലും കുഴപ്പമുണ്ടെന്ന് പറയുന്നേയില്ല. ഇതിനെ എതിര്‍ക്കുമ്പോള്‍ അച്ചന്‍ പറയുന്നത് എന്താണ്? ജാതിയും മതവും രേഖപ്പെടുത്തിയേ പറ്റൂ എന്നല്ലേ? ജാതിയിലും മതത്തിലും വിശ്വാസം ഇല്ലാത്ത ഒരാള്‍ തന്റെ കുട്ടിയുടെ ജാതിയും മതവും രേഖപ്പെടുത്തണം എന്ന് അച്ചന്‍ വാശിപിടിക്കുമ്പോള്‍ അതിനെ മുകളില്‍ സൂചിപ്പിച്ച മൌലികവാദം എന്ന് വിശേഷിപ്പിച്ചാല്‍ തെറ്റുണ്ടോ? മതത്തെ നശിപ്പിക്കുന്നേ എന്ന് നിലവിളിക്കുന്നവര്‍ തന്നെ, മതവിശ്വാസമില്ലാത്തവന്റെ സ്വാതന്ത്ര്യത്തില്‍ കൈ കടത്തുന്നതിനെ എങ്ങിനെ വിശേഷിപ്പിക്കും? മറ്റുള്ളവരില്‍ ആരോപിക്കുന്ന കുറ്റം യഥാര്‍ത്ഥത്തില്‍ ചെയ്യുന്നത് തങ്ങള്‍ തന്നെയാണെന്ന് അറിയാതെയാണെങ്കിലും സമ്മതിക്കുകയല്ലേ ചെയ്യുന്നത്?

അധ്യായം ഒന്ന്‌ 'മണ്ണിനെ പൊന്നാക്കല്‍' എന്ന പാഠത്തെക്കുറിച്ചുള്ള വിമര്‍ശനത്തിലെ ചില പദപ്രയോഗങ്ങള്‍ രസകരമാണ്.

“ജാതി(sic) കുടിയാന്‍ ബന്ധത്തിന്റെ പഴകിയ കഥകള്‍“‍, “ശ്രീ. എ.കെ. ഗോപാലന്‍ എന്ന കമ്യൂണിസ്റ്റുകാരനെയും“, “വര്‍ഗസമരം എന്ന കാലഹരണപ്പെട്ട ആശയം“, “1957ലെ കമ്യൂണിസ്റ്റ്‌ സര്‍ക്കാരിന്റെ വിലകുറഞ്ഞ പരിഷ്കാരങ്ങളെ“, തുടങ്ങിയ പദപ്രയോഗങ്ങള്‍ നോക്കുക. കെ.ഇ.ആറിലെ പദപ്രയോഗങ്ങള്‍ക്കെതിരെ ഗോഗ്വാ വിളി മുഴക്കുന്ന ലേഖനത്തിലെയാണിവയെന്ന് ഓര്‍ക്കണം. ഇതിലൊക്കെത്തന്നെ അച്ചന്റെ വ്യക്തമായ രാഷ്ട്രീയം കാണുന്നില്ലേ? ഇതേ പാരയില്‍ തന്നെ ചെങ്ങറ, കുട്ടനാട് തുടങ്ങിയ സമീപകാല സംഭവ വികാസങ്ങളെക്കുറിച്ച് ധാരാളം പരാമര്‍ശങ്ങളുമുണ്ട്. വ്യക്തമായ പക്ഷം പിടിച്ചുള്ള പരാമര്‍ശങ്ങള്‍. ആ പാഠപുസ്തകത്തിലൊരിടത്തും ഏതെങ്കിലും പ്രത്യേക മതത്തെ ഒരു രീതിയിലും വിമര്‍ശിക്കുന്നതായി അച്ചന്‍ പോലും പറയാത്തപ്പോഴാണ് അച്ചന്‍ തന്നെ ഒരു പ്രത്യേകകക്ഷിയെ തികച്ചും കക്ഷിരാഷ്ട്രീയപ്രസംഗത്തിന്റെ ശൈലിയില്‍ ചെളിയഭിഷേകം ചെയ്യുന്നത്. തങ്ങള്‍ക്ക് എന്തുമാകാം എന്നാണോ ആവോ?

“വര്‍ഗ സമരം എന്ന കാലഹരണപ്പെട്ട ആശയത്തെക്കുറിച്ച്” പഠിപ്പിക്കുക വഴി സമൂഹത്തെ രണ്ട് വിഭാഗമായി തിരിച്ച് തമ്മില്‍ തല്ലിക്കാനുള്ള ശ്രമമാണെന്നും അച്ചന്‍ പറയുന്നുണ്ട്. കാലഹരണപ്പെട്ടതാണെന്ന് വാദത്തിനുവേണ്ടി സമ്മതിച്ചാല്‍ തന്നെ ഒരു കാലത്ത് പ്രസക്തമായിരുന്നു എന്ന് തന്നെയല്ലേ അതിനര്‍ത്ഥം? അങ്ങിനെ പ്രസക്തമായിരുന്ന ഒരു ഭൂതകാലത്തെക്കുറിച്ച് കുട്ടികള്‍ ഒന്നും അറിയേണ്ട എന്നാണോ? ജന്മി കുടിയാന്‍ ബന്ധമെന്നുദ്ദേശിച്ചായിരിക്കും ജാതി കുടിയാന്‍ എന്ന് എഴുതിയത്. പഴകിയതൊന്നും പഠിപ്പിക്കേണ്ട എങ്കില്‍ വേദപഠനക്ലാസുകള്‍ക്ക് എന്ത് പ്രസക്തിയാണുള്ളത്? മതപഠനക്ലാസില്‍ അത്യന്താധുനിക സാങ്കേതികവിദ്യയെക്കുറിച്ചാണോ പഠിപ്പിക്കുന്നത്?

മറ്റു പദപ്രയോഗങ്ങളും നോക്കുക. അതിലെ വിശേഷണ പദങ്ങള്‍ അച്ചന്റെ കൃത്യമായ രാഷ്ടീയം വെളിവാക്കുന്നില്ലേ?

അധ്യായം രണ്ട്‌: മനുഷ്യത്വം വിളയുന്ന ഭൂമിയെക്കുറിച്ചുള്ള വിമര്‍ശനങ്ങള്‍ ഇങ്ങിനെ.

മലപ്പുറം ജില്ലയിലെ സ്കൂളിലെ അഡ്‌മിഷന്‍ രെജിസ്റ്റര്‍ എടുത്ത് വെച്ച് കുട്ടികളില്‍ ജാതി ചിന്ത വളര്‍ത്തുകയാണെന്നാണ് പരാതി. “ഏത്‌ ജാതിയില്‍ പെട്ടവരായിരുന്നു എന്ന ചോദ്യവും, ജാതീയ വിവേചനത്തിന്റെ പേരില്‍ എതെങ്കിലും കുട്ടികള്‍ ഇന്നും സ്കൂളില്‍ പഠിക്കാതിരിക്കുന്നുണ്ടോ എന്ന ചോദ്യവും യഥാര്‍ത്ഥത്തില്‍ വര്‍ഗീയത വളര്‍ത്തുകയാണ്“ എന്നാണ് വിമര്‍ശനം. ലേഖനത്തില്‍ മുന്‍പൊരിടത്ത് ജാതിയും മതവും രേഖപ്പെടുത്തേണ്ടതില്ല എന്നതിനെ വിമര്‍ശിച്ചവര്‍ തന്നെയാണിത് പറയുന്നത് എന്നോര്‍ക്കണം. “അക്കാലത്ത്‌ ക്രിസ്ത്യന്‍, മുസ്ലീം കുട്ടികള്‍ക്ക്‌ സര്‍ക്കാര്‍ സ്കൂളില്‍ അഡ്മിഷന്‍ കിട്ടിയിരുന്നില്ലാ എന്നത്‌ എന്തുകൊണ്ട്‌ എന്ന ചോദ്യവും ഉയരുന്നു“ എന്നും ഇത് വര്‍ഗീയത ആളിക്കത്തിക്കുന്നു എന്ന പരാതിയും ഉണ്ട്. എങ്ങിനെയാണെന്ന് മാത്രം പറയുന്നില്ല. സത്യത്തില്‍ ന്യൂനപക്ഷങ്ങള്‍ക്ക് അന്ന് ഇന്നുള്ള സംരക്ഷണം ഇല്ലായിരുന്നു എന്നും അത് ഉണ്ടായിരുന്നുവെങ്കില്‍ ക്രിസ്ത്യന്‍, മുസ്ലീം കുട്ടികള്‍ക്ക്‌ സര്‍ക്കാര്‍ സ്കൂളില്‍ അഡ്മിഷന്‍ കിട്ടാതിരിക്കുമായിരുന്നില്ല എന്നുമല്ലേ കുട്ടികള്‍ മനസ്സിലാക്കുക? ന്യൂനപക്ഷ അനുഭാവം തന്നെയല്ലേ ഇതില്‍ ഉള്ളത്? അത് പോലും സമ്മതിക്കാന്‍ മടിക്കുന്നത് “ഇഷ്ടമില്ലാത്ത അച്ചി തൊട്ടതെല്ലാം കുറ്റം” എന്ന രീതിയിലും, അത് സമ്മതിച്ചാല്‍ തങ്ങള്‍ സര്‍ക്കാരിനെതിരെ ഉയര്‍ത്തിക്കൊണ്ടു വരുന്ന ന്യൂനപക്ഷ വിരുദ്ധ വാദം പൊളിയും എന്ന ഭീതി കൊണ്ടും അല്ലേ?

ആ ലേഖനത്തിലെ മറ്റു വാദങ്ങളുടേയും സ്ഥിതി ഇത് തന്നെയാണ്. തങ്ങള്‍ക്കാവശ്യമുള്ള ഭാഗം മാത്രം തെരഞ്ഞെടുത്ത് അതില്‍ തങ്ങള്‍ക്ക് ആവശ്യമുള്ളതായ വ്യാഖ്യാനങ്ങള്‍ കുത്തിച്ചേര്‍ത്ത് മതത്തിനെ അപകടപ്പെടുത്തുവാന്‍ പാഠപുസ്തകങ്ങളിലൂടെ ശ്രമിക്കുന്നു എന്ന ഒരു ഫിയര്‍ സൈക്കോസിസ് ഉണ്ടാക്കുക.

ഇതിലെ മറ്റൊരു തമാശ കെ.ഇ.ആര്‍ പരിഷ്കരണത്തിനായി ഉണ്ടാക്കിയ സമിതിയില്‍ പ്രതിപക്ഷ അദ്ധ്യാപക യൂണിയനിലെ ആളുകളും ഉണ്ടായിരുന്നു എന്നതാണ്. അതിനെക്കുറിച്ചൊരു മിണ്ടാട്ടവും ഇല്ല. ഈ ലിങ്കിലെ അവസാന പേജില്‍ ആ കമ്മിറ്റിയില്‍ ഉണ്ടായിരുന്ന വിദഗ്ദരുടേയും വിവിധ സംഘടനാ പ്രതിനിധികളുടെയും വിവരങ്ങളുണ്ട്.

ദേശീയ തലത്തില്‍ നടന്ന പാഠ്യപദ്ധതി പരിഷ്കരണത്തിന്റെ “കഥ” national curriculum framework for school education—2005 backgrounder എന്ന പേജില്‍‍ കുറെയൊക്കെ വായിക്കാം.

എന്‍.സി.ഇ.ആര്‍.ടിയുടെ ചുമതലയായി അതില്‍ പറയുന്നത് As an apex national agency of education reform, NCERT is expected to review the school curriculum as a routine activity, ensuring the highest standards of rigour and deliberative openness in the process എന്നാണ്. അതിന്റെ ചുവട് പിടിച്ചാണ് കേരളത്തിലും മാറ്റങ്ങള്‍ വന്നത് എന്ന് നിരവധി തവണ ബന്ധപ്പെട്ടവര്‍ വ്യക്തമാക്കിക്കഴിഞ്ഞതാണ്.

ഈ ലിങ്കില്‍ എന്‍.സി.ആര്‍.ഇ.ടിയുടെ ടെക്സ് പുസ്തകങ്ങള്‍ ഉണ്ട്. അതിലെ ഏഴാം ക്ലാസിലെ സോഷ്യല്‍ സയന്‍സ് വിഭാഗത്തിലെ പുസ്തകത്തിലൂടെ കണ്ണോടിക്കുക. ഓം പ്രകാശ് വാല്‍മീകിയുടെ ആത്മകഥയായ ജൂതന്‍ എന്നതില്‍ നിന്നുള്ള ഭാഗങ്ങള്‍ അതിലുണ്ട്. ദളിതനായിപ്പോയത് കൊണ്ട് മാത്രം സ്കൂള്‍ അടിച്ചുവാരാനും മറ്റും നിര്‍ബന്ധിക്കപ്പെടുന്ന അദ്ദേഹത്തിന്റെ കുട്ടിക്കാലത്തെ അനുഭവവും അതിലുണ്ട്. അവന്‍ എന്തുകൊണ്ട് ഈ അപമാനത്തിനു വിധേയനായി എന്ന ചോദ്യവും. അവന്റെ ജാതിയുടെ പേരില്‍ സ്കൂള്‍ ഹെഡ്‌മാസ്റ്ററും മറ്റും ചേര്‍ന്ന് അവനെക്കൊണ്ട് സ്കൂള്‍ അടിച്ചുവാരുവാന്‍ നിര്‍ബന്ധിച്ചതിനാല്‍ എന്ന ഉത്തരവും. ഇതും നമുക്ക് വേണമെങ്കില്‍ ജാതിചിന്ത വളര്‍ത്തുന്നുവെന്നോ ഉയര്‍ന്ന ജാതിക്കാരെ അധിക്ഷേപിക്കുന്നുവെന്നോ ഒക്കെ വാദിക്കാമല്ലോ അല്ലേ?

പാഠപുസ്തകത്തിലെ സത്യങ്ങള്‍ എന്ന പോസ്റ്റ് കൂടി കാണുക.

പ്രതിഷേധം പ്രതിഷേധം

2008-06-08T22:31:00.002+05:30

Joining hands with Inji Pennu in her fight against threat, cyber stalking, Abuse & plagiarism.
എല്ല്ലാവരുടെയും കൈകള്‍ കോര്‍ത്തു പിടിച്ച്കൊണ്ട് ഞാനും പ്രതിഷേധിക്കുന്നു!

വാര്‍ത്തയുടെ കാതല്‍

2008-05-29T21:10:00.006+05:30

പ്ലസ് 1 പ്രവേശനത്തിന് ഏകജാലക സംവിധാനം ഏര്‍പ്പെടുത്തുന്നതിനെതിരെ നല്‍കിയ ഹര്‍ജിയില്‍ ഹൈക്കോടതി വിധി വന്നിരിക്കുകയാണല്ലോ...

കേരളകൌമുദി, മാധ്യമം, മാതൃഭൂമി, ദേശാഭിമാനി തുടങ്ങിയ പത്രങ്ങളുടെ വെബ് എഡിഷന്‍ തലക്കെട്ടുകള്‍ വാര്‍ത്തയുടെ കാതല്‍ മനസ്സിലാക്കാത്ത സാധാരണ തലക്കെട്ടുകളായിപ്പോയി എന്ന് പറയാതെ വയ്യ. ഹര്‍ജി തള്ളി, ഏകജാലകത്തിനു സ്റ്റേയില്ല,സ്റ്റേ ചെയ്യണമെന്ന അവശ്യം തള്ളി എന്നൊക്കെയായിരുന്നു അവരുടെ തലക്കെട്ടുകള്‍. അത്തരം തലക്കെട്ടുകള്‍ നല്‍കുക വഴി ജനങ്ങളുടെ അറിയാനുള്ള അവകാശത്തെ ഇത്തിരി പിന്നോട്ട് വലിക്കുകയാണ് അവര്‍ ചെയ്തിരിക്കുന്നത്.

ഏത് വര്‍ഷം മുതലാണ് പ്രവേശനം ആരംഭിക്കുക എന്ന മില്യണ്‍ ഡോളര്‍ ചോദ്യവുമായി രക്ഷിതാക്കളും വിദ്യാര്‍ത്ഥി സമൂഹവും ഒക്കെ ഉറക്കമൊഴിച്ച് കാത്തിരിക്കെയാണ് ഹൈക്കോടതി സ്റ്റേ ആവശ്യം തള്ളി എന്ന നിസ്സാര കാര്യത്തെ ഇവരൊക്കെ കൂടി വലുതാക്കി തലക്കെട്ടാക്കിയിരിക്കുന്നത്.

പാവപ്പെട്ട വായനക്കാരനോട് എന്തും ആകാമല്ലോ.........

വാര്‍ത്തയുടെ കാതല്‍ കണ്ടു പിടിക്കുന്നതില്‍ ഞങ്ങളെ കഴിഞ്ഞേയുള്ളൂ എന്ന പ്രൊഫഷണല്‍ ആത്മവിശ്വാസത്തോടെ മനോരമ നല്‍കിയ തലക്കെട്ടുകള്‍ മാധ്യമ രംഗത്തെ പുലികള്‍ കണ്ടുപഠിക്കേണ്ടത് തന്നെയാണ്. രക്ഷിതാക്കളുടെ ഉത്കണ്ഠ അകറ്റുന്ന തലക്കെട്ടാണ് അവര്‍ നല്‍കിയത്.

“ഏകജാലക പ്രവേശനം ഈ വര്‍ഷം മുതല്‍”

പമ്പ കടന്നിരുന്ന രക്ഷിതാക്കളുടെയും കുട്ടികളുടെയും ഉറക്കം ടാക്സി പിടിച്ച് തിരിച്ച് വന്നില്ലേ തലക്കെട്ട് മാത്രം വായിച്ച് നിര്‍ത്തിയാല്‍പ്പോലും.

മാത്രമല്ല പാവപ്പെട്ട കുട്ടികളുടെ പ്രവേശനത്തിന്റെ കാര്യത്തില്‍ ആണ് തങ്ങളുടെ ഉത്കണ്ഠ എന്ന്‌ പറയാതെ പറയുക വഴി ജനപക്ഷത്താണ് തങ്ങള്‍ എന്ന് തെളിയിക്കുകയാണ് മനോരമ. ഇന്റര്‍ ചര്‍ച്ച് കൌണ്‍സില്‍ തങ്ങളുടെ ആളുകളാണെന്ന് ആക്ഷേപത്തെ പൊടിച്ചുകളയാന്‍ കൂടി ഈ വിദ്യാര്‍ത്ഥിപക്ഷ തലക്കെട്ടിലൂടെ മനോരമക്ക് കഴിഞ്ഞിട്ടുണ്ട്.

പിന്നെ പേരിനു മറ്റൊരു വാര്‍ത്തകൂടി ഇട്ടിട്ടുണ്ട്...അത് പിന്നെ “സ്റ്റേ നല്‍കാന്‍ ഹൈക്കോടതി വിസമ്മതിച്ച സാഹചര്യം“ വന്നുപോയില്ലേ?

“അപ്പീല്‍ നല്‍കുമെന്ന് ഇന്റര്‍ ചര്‍ച്ച് കൌണ്‍സില്‍“.

ഹര്‍ജി തള്ളിയതല്ല വാര്‍ത്തയുടെ കാതല്‍ എന്നും അപ്പീലിനു പോകുമോ ഇല്ലയോ എന്നതാണ് പ്രധാനമെന്നും മനസ്സിലാക്കുവാന്‍ ഇവിടത്തെ മറ്റു മാധ്യമങ്ങള്‍ക്ക് എന്ന് സാധിക്കുമോ ആവോ?

കഷ്ടം തന്നെ വായനക്കാരാ നിന്റെ അവസ്ഥ...

ഹര്‍ജി തള്ളി, സ്റ്റേ അനുവദിച്ചില്ല എന്നൊക്കെ തലക്കെട്ടില്‍ വേണമായിരുന്നെന്നോ?

നല്ല തമാശ...അപ്പീല്‍ പോകുന്നത് ഹര്‍ജി തള്ളുമ്പോഴാണെന്ന് മനസ്സിലാക്കാത്തവരോട് സംസാരിച്ചിട്ട് കാര്യമില്ല...

ഇനി ഹര്‍ജി തള്ളി എന്ന് കണ്ടാലേ ഉറക്കം ശരിയാവൂ എന്നുണ്ടെങ്കില്‍ ഇതാ ഒരെണ്ണം

ദശാവതാരം എന്ന കമലഹാസന്‍ ചിത്രത്തിന്റെ പേരുമാറ്റണമെന്നൊക്കെ പറഞ്ഞ് നല്‍കിയ ഹര്‍ജി തള്ളി...

വാര്‍ത്തയെന്നാല്‍........ അല്ലെങ്കില്‍ വേണ്ട അത് പറയുന്നില്ല.

വിദേശപണം ലഭിക്കുന്ന സംഘടനകള്‍

2008-05-24T00:53:00.002+05:30

വിദേശപണം ലഭിക്കുന്ന അത്മീയ സംഘടനകളെക്കുറിച്ചുള്ള ഒരു വാര്‍ത്ത പ്രസക്തമാണെന്ന് തോന്നുന്നതിനാല്‍ ഇവിടെ പോസ്റ്റു ചെയ്യുന്നു.

ആത്മീയ സംഘടനകള്‍ക്കും സന്നദ്ധ സംഘടനകള്‍ക്കുമായി ഇന്ത്യയിലേക്ക് 2005-06 സാമ്പത്തികവര്‍ഷം ഒഴുകിയ വിദേശപണം 7877.5 കോടി രൂപ. 18570 സംഘടനകള്‍ക്കുവേണ്ടിയാണ് ഈ പണം എത്തിയത്. ഇതില്‍ ഏറ്റവും കൂടുതല്‍ പണം ലഭിച്ച പതിനഞ്ചു സംഘടനകളില്‍ കേരളത്തില്‍നിന്ന് മാതാ അമൃതാനന്ദമയി മഠം ഉള്‍പ്പെടെ മൂന്നെണ്ണം. രാജ്യത്ത് ഏറ്റവും കൂടുതല്‍ വിദേശപണം ലഭിക്കുന്ന സംഘടനകളില്‍ ഏഴാംസ്ഥാനമാണ് അമൃതാനന്ദമയി മഠത്തിന്. രാജ്യത്ത് ഏറ്റവുമധികം പണം ലഭിക്കുന്ന സംഘടന തമിഴ്‌നാട്ടിലെ വേള്‍ഡ് വിഷന്‍ ഓഫ് ഇന്ത്യയാണ് (256.41 കോടി). രണ്ടാമത് കാരിത്താസ് ഇന്ത്യ ഡല്‍ഹിയും(193.36 കോടി). കേന്ദ്രആഭ്യന്തരമന്ത്രാലയത്തിന്റെ വെബ്‌സൈറ്റിലാണ് ഈ വിവരമുള്ളത്.

കേരളത്തില്‍ ഏറ്റവും കൂടുതല്‍ വിദേശപണം ലഭിച്ച സംഘടന അമൃതാനന്ദമയി മഠംതന്നെ. 85.33 കോടി രൂപയാണ് 2005-06ല്‍ മഠത്തിലെത്തിയത്. അമേരിക്കയിലെ അമൃതാ ഇന്റര്‍നാഷണല്‍ മെഡിക്കല്‍ സര്‍വീസസ് പ്രോജക്ട് ഇന്‍കോര്‍പറേഷന്‍ മാത്രം 38.67 കോടി മഠത്തിന് അയച്ചു. തൊട്ടുപിന്നില്‍ ക്രിസ്ത്യന്‍സംഘടനയായ ബിലീവേഴ്സ് ചര്‍ച്ചാണ്. ഇവര്‍ക്ക് 78.62 കോടി ലഭിച്ചു. കേരളത്തിലെ ഗോസ്പെല്‍ ഫോര്‍ ഏഷ്യ എന്ന സംഘടനയ്ക്ക് 58.29 കോടി രൂപയും ലഭിച്ചു. ഇവരുള്‍പ്പെടെ ആത്മീയ, സന്നദ്ധ വ്യവസായികള്‍ക്കെല്ലാംകൂടി ലഭിക്കുന്നത് 656.27 കോടി രൂപ.

മൊത്തം 1565 സംഘടനകള്‍ക്കാണ് കേരളത്തില്‍ വിദേശപണം ലഭിക്കുന്നത്. കേരളത്തില്‍ത്തന്നെ എറണാകുളം ജില്ലയിലാണ് വിദേശ പണം കിട്ടുന്ന സംഘടനകള്‍ കൂടുതല്‍, 311. ഈ സംഘടനകള്‍ക്കാകെ 165.04 കോടിയാണ് കിട്ടുന്നത്. തൊട്ടുപിന്നില്‍ തിരുവനന്തപുരം. ഇവിടെ 155 സംഘടനകള്‍ കൂടി നേടുന്നത് 91.23 കോടി. വിദേശപണം ലഭിക്കുന്ന സംസ്ഥാനങ്ങളില്‍ കേരളത്തിന് അഞ്ചാം സ്ഥാനമാണുള്ളത്. തമിഴ്‌നാടാണ് ഇതില്‍ ഏറ്റവും മുന്നില്‍. 1609.64 കോടിയാണ് തമിഴ്‌നാട്ടിലെ ആത്മീയ, സന്നദ്ധസംഘടനാവ്യവസായികള്‍ പറ്റുന്നത്. തൊട്ടുപിന്നില്‍ ഡല്‍ഹിയാണ് 1555.6 കോടി. 1011കോടിയുമായി ആന്ധ്രാപ്രദേശും 663 കോടിയുമായി മഹാരാഷ്ട്രയും കേരളത്തിന് മുന്നില്‍ നില്‍ക്കുന്നു.

ഇന്ത്യയിലേക്ക് പണമയക്കുന്നതില്‍ മുന്നില്‍ നില്‍ക്കുന്നത് അമേരിക്ക തന്നെ. 2425.88 കോടി. ബ്രിട്ടണ്‍(1180കോടി), ജര്‍മനി(1062) എന്നീ രാജ്യങ്ങള്‍ തൊട്ടുപിന്നില്‍. അമേരിക്കയിലെ ഗോസ്പെല്‍ ഫെലോഷിപ്പ് ട്രസ്റ്റും (229 കോടി) ഗോസ്പെല്‍ ഫോര്‍ ഏഷ്യ(137കോടി)യുമാണ് പണമയക്കുന്ന സംഘടനകളില്‍ ഒന്നും രണ്ടും സ്ഥാനത്ത്.

വിശദമായ കണക്കുകള്‍ക്ക് 2005-06ലെ റിപ്പോര്‍ട്ട് (pdf) കാണുക. html ഇവിടെ

ഈ ലിങ്കുകള്‍ കൂടി നോക്കാം

fcraforngos എന്ന സൈറ്റ് ഇവിടെ

The Foreign Contribution (Regulation) Bill, 2006 നെക്കുറിച്ചുള്ള ഒരു ലീഗല്‍ ബ്രീഫിങ്ങ് ഇവിടെ

പ്രകാശ് കാരാട്ട് സന്നദ്ധസംഘടനകളെക്കുറിച്ചും വിദേശ ഫണ്ടിങ്ങിനെക്കുറിച്ചും 1984ല്‍ എഴുതിയ പഠനം ഇവിടെ

വാര്‍ത്തക്ക് കടപ്പാട്: ദേശാഭിമാനി

‘സംഗതി’യും വിദേശി തന്നെ!

2008-05-18T01:00:00.002+05:30

നമ്മുടെ ടി.വി ചാനലുകളൊക്കെ അവരുടെ എസ്.എം.എസ് ‘സംഗതി‘യും സായിപ്പിനെ കണ്ട് പഠിച്ചത് തന്നെ...മെയ് 18ലെ ദേശാഭിമാനി വാര്‍ത്ത അതുപോലെ ഇവിടെ പോസ്റ്റുന്നു...

ലണ്ടന്‍: ഫോണ്‍ ഇന്‍ പരിപാടികളുടെ പേരില്‍ പ്രേക്ഷകരെ വഞ്ചിച്ചതിന് ബിബിസി അടക്കമുള്ള പ്രമുഖ ടെലിവിഷന്‍ ചാനലുകള്‍ കഴിഞ്ഞ ഒരു വര്‍ഷത്തിനിടെ പിഴ നല്‍കേണ്ടി വന്നത് കോടികള്‍. വിജയികളെ നേരത്തെതന്നെ തീരുമാനിച്ചുറപ്പിക്കുകയും മത്സരം അവസാനിച്ചശേഷവും ഫോണ്‍ കോളുകള്‍ സ്വീകരിച്ചതുമടക്കം കടുത്ത വഞ്ചനയാണ് ബിബിസി, ചാനല്‍ ഫോര്‍, ഐടിവി ചാനലുകള്‍ നടത്തിയത്. ഫോണ്‍ വഴി വോട്ടിങ് തുടങ്ങുന്നതിനുമുമ്പ് വിജയിയെ നിശ്ചയിച്ച സംഭവംവരെയുണ്ട്. പ്രേക്ഷകരുമായുള്ള ടെലിഫോണ്‍ ബന്ധം സാങ്കേതികത്തകരാര്‍മൂലം മുടങ്ങിയപ്പോള്‍ ചാനലിന്റെ സ്റ്റുഡിയോയിലുള്ളവര്‍തന്നെ ആ റോള്‍ ഏറ്റെടുക്കുക, കൃത്രിമ 'ടെന്‍ഷന്‍' സൃഷ്ടിച്ച് കാഴ്ചക്കാരെ ആകാംക്ഷയുടെ മുള്‍മുനയില്‍ നിര്‍ത്തുക... അങ്ങനെ പ്രേക്ഷകരെ കൈയിലെടുക്കാന്‍ ഇവര്‍ പല കുതന്ത്രങ്ങളും പയറ്റി. ടിവി ഫോണ്‍ ഇന്‍ പരിപാടികളിലേക്കു വിളിക്കുമ്പോള്‍ വാടകയായി വലിയ തുകയാണ് ടെലിഫോണ്‍ കമ്പനികള്‍ ഈടാക്കുക. പരിപാടി കൊഴുപ്പിക്കാന്‍ ചാനലുകാര്‍ 'സംഗതി'കള്‍ പുറത്തെടുക്കുമ്പോള്‍ ഫോണ്‍ വിളി ഏറും. ഫലം, ടെലികോം കമ്പനിക്കും ലാഭവിഹിതത്തിന്റെ പങ്കുപറ്റുന്ന ചാനലിനും കുശാല്‍.

കഴിഞ്ഞ ഒരു വര്‍ഷമായി പ്രേക്ഷകരെ പലതരത്തിലും പറ്റിച്ചതിന്റെ പേരില്‍ ഐടിവിക്ക് അരക്കോടി പൌണ്ടാണ് ബ്രിട്ടനിലെ മീഡിയാ റെഗുലേറ്ററായ 'ഓഫ്കോം' പിഴ വിധിച്ചത്. ചാനലിലെ ജനപ്രിയ പരിപാടിക്കായുള്ള തെരഞ്ഞെടുപ്പില്‍ തങ്ങളുടെ മികച്ച അവതാരകരായ ആന്റണി മക്പാര്‍ട്ടലിനും ഡെകാന്‍ ഡോണലിക്കും അനുകൂലമായി ഐടിവി കണക്കുണ്ടാക്കി. പ്രേക്ഷകരുടെ വോട്ട് കണക്കാക്കിയാല്‍ ഹാസ്യപരിപാടിയുടെ അവതാരക കാതറിന്‍ ടെയ്റ്റ് ആയിരുന്നു വിജയി. മത്സരത്തില്‍ ജയിക്കാന്‍ സാധ്യതയില്ലെന്നറിയാതെ പാവം പ്രേക്ഷകര്‍ 78 ലക്ഷം പൌണ്ടിനാണ് ഫോണ്‍ വിളിച്ചത്. ഐടിവി തലവന്‍ മൈക്കല്‍ ഗ്രേഡ് തന്നെ ഇക്കാര്യം സമ്മതിച്ചു. തെറ്റ് ആവര്‍ത്തിക്കാതിരക്കാന്‍ നടപടിയെടുത്തിട്ടുണ്ടെന്ന് പറഞ്ഞൊഴിയുകയാണ് അദ്ദേഹം ചെയ്തത്.

പ്രേക്ഷകരെ വിഡ്ഢികളാക്കുന്നതില്‍ ബിബിസിയും മോശക്കാരല്ല. ഫോണ്‍ ഇന്‍ പരിപാടിയില്‍നിന്നുള്ള വരുമാനം സന്നദ്ധസേവനത്തിന് ഉപയോഗിക്കുമെന്ന് പ്രഖ്യാപിച്ച് പരിപാടിക്ക് ആളെ കൂട്ടിയ ചാനല്‍, ഫോണ്‍ ഇന്‍ വഴി കിട്ടിയ 1.06 ലക്ഷം പൌണ്ട് വിഴുങ്ങിയെന്ന് പിന്നീട് സമ്മതിച്ചു. മലയാളത്തിലെ ഒരു ചാനല്‍ എസ് എം എസ് വോട്ടിങ്ങില്‍നിന്ന് ലഭിക്കുന്ന വരുമാനം സന്നദ്ധപ്രവര്‍ത്തനത്തിന് ചെലവഴിക്കുമെന്നു പറഞ്ഞാണ് റിയാലിറ്റി ഷോ സംഘടിപ്പിച്ചത്. ആ തുക എങ്ങോട്ട് പോയെന്ന് ആര്‍ക്കറിയാം?

ബിബിസി ഒരിക്കല്‍ ഫോണ്‍ വഴി വോട്ടിങ്ങില്‍ പങ്കെടുത്ത ആയിരത്തോളം പ്രേക്ഷകരുടെ വോട്ട് പരിഗണിക്കുകപോലും ചെയ്തില്ല. ഫോണ്‍ വിളിച്ച കാശ് നഷ്ടമായതു മിച്ചം. ഫോണ്‍ ഇന്‍ പരിപാടിയില്‍ കൃത്രിമം കാണിച്ച് പ്രേക്ഷകരെ വഞ്ചിച്ചതിന് ചാനല്‍ ഫോര്‍ 15 ലക്ഷം പൌണ്ട് പിഴ അടയ്ക്കേണ്ടി വന്നു.

പ്രേക്ഷകരെയും പരസ്യക്കാരെയും ആകര്‍ഷിക്കാന്‍ ഇന്ത്യയിലെ ടെലിവിഷന്‍ ചാനല്‍ മേഖലയില്‍ കടുത്ത മത്സരമാണ് നടക്കുന്നത്. പിടിച്ചുനില്‍ക്കാന്‍ ചാനലുകള്‍ ദിവസേന പുതിയ വഴികള്‍ തേടിക്കൊണ്ടിരിക്കുന്നു. മികച്ച വരുമാനമാര്‍ഗമെന്ന നിലയിലാണ് റിയാലിറ്റിഷോയെ ചാനലുകള്‍ കൂട്ടുപിടിച്ചത്. ഇതുവഴി പ്രേക്ഷകരുടെ കൈയിലെ പണം തട്ടാന്‍ എളുപ്പമാണെന്ന് ഇവര്‍ മനസ്സിലാക്കി. റിയാലിറ്റി ഷോ തട്ടിപ്പിന്റെ ചെറുപതിപ്പുകള്‍ ഇതിനകം കൊച്ചുകേരളത്തിലും അരങ്ങേറിയിട്ടുണ്ട്.

വിദേശത്തെ വമ്പന്മാരെ അനുകരിച്ച് തട്ടിപ്പിന് പുതിയ 'സംഗതി'കള്‍ ഇവിടെയും ഒരുങ്ങുമെന്നുറപ്പ്. പ്രേക്ഷകര്‍ കരുതിയിരിക്കുക മാത്രമേ വഴിയുള്ളൂ.

മാധ്യമസ്വാതന്ത്ര്യദിന ചിന്തകള്‍

2008-05-02T21:51:00.007+05:30

മെയ് 3 അന്താരാഷ്ട്ര പത്രസ്വാതന്ത്ര്യ ദിനമാണ്.

പത്രസ്വാതന്ത്ര്യം, അതിന്റെ അടിസ്ഥാനതത്വങ്ങള്‍, മാധ്യമങ്ങള്‍ക്കെതിരായ ആക്രമണങ്ങള്‍ എന്നിവയൊക്കെ ഈ ദിനത്തോടനുബന്ധിച്ച് അവലോകനം ചെയ്യപ്പെടുന്നു. അതുപോലെ തന്നെ ഔദ്യോഗിക കൃത്യനിര്‍വഹണത്തിനിടയില്‍ ജീവന്‍ വെടിയേണ്ടിവരുന്ന മാധ്യമപ്രവര്‍ത്തകര്‍ക്ക് ആദരാഞ്ജലി അര്‍പ്പിക്കാനും ഈ ദിവസം വിനിയോഗിക്കുന്നു. 1991ല്‍ യുനെസ്കൊ നിര്‍ദ്ദേശിച്ചതനുസരിച്ച് 1993ല്‍ ഐക്യരാഷ്ട്രസഭയാണ് ഇങ്ങിനെ ഒരു ദിനം ആചരിക്കുവാന്‍ തീരുമാനിച്ചത്.

ഈ വര്‍ഷത്തെ ദിനാചരണം യുനെസ്കൊയുടെ ന്യൂയോര്‍ക്ക് ഓഫീസില്‍ വെച്ച് നടക്കും.ഇതിനോടനുബന്ധിച്ച് "Access to Information and the Empowerment of people" എന്ന വിഷയത്തില്‍ ഒരു പാനല്‍ ചര്‍ച്ചയും സംഘടിപ്പിക്കുന്നുണ്ട്.

ഈ ദിനത്തോടനുബന്ധിച്ച് World Public Opinion.org ഇരുപത് രാജ്യങ്ങളില്‍ നടത്തിയ അന്താരാഷ്ട്രസര്‍വെയില്‍ ഒരു വിധം എല്ലാ രാജ്യങ്ങളിലേയും ഭൂരിഭാഗം ജനങ്ങളും സര്‍ക്കാര്‍ ഇടപെടല്‍ ഇല്ലാത്ത മാധ്യമസ്വാതന്ത്ര്യം വേണം എന്ന് അഭിപ്രായപ്പെടുന്നവരാണ്. ഇന്ത്യയിലാകട്ടെ 52 ശതമാനം പേര്‍ മാധ്യമസ്വാതന്ത്യം പ്രധാനമാണെന്നും , ഇന്റര്‍നെറ്റിലെ വിവരങ്ങള്‍ സെന്‍സര്‍ഷിപ്പ് ഇല്ലാതെ തന്നെ ലഭ്യമാക്കണം എന്നും അഭിപ്രായപ്പെടുന്നവരാണ്. 42% പേര്‍ സര്‍ക്കാര്‍ നിയന്ത്രണം ഇല്ലാതെ വാര്‍ത്തകളും ആശയങ്ങളും പ്രസിദ്ധീകരിക്കുവാന്‍ മാധ്യമങ്ങള്‍ക്ക് സ്വാതന്ത്ര്യം വേണം എന്നഭിപ്രായപ്പെട്ടപ്പോള്‍ 33% രാഷ്ട്രീയമായ അസ്ഥിരതക്കിടയാക്കുന്ന കാര്യങ്ങള്‍ പ്രസിദ്ധീകരിക്കുന്നതില്‍ നിന്നും മാധ്യമങ്ങളെ തടയുവാന്‍ സര്‍ക്കാരിനു സ്വാതന്ത്രം അധികം വേണം എന്ന് അഭിപ്രായപ്പെട്ടു. ഇപ്പോഴുള്ളതിലും കൂടുതല്‍ സ്വാതന്ത്ര്യം മാധ്യമങ്ങള്‍ക്ക് വേണമെന്ന് 36% പേര്‍ അഭിപ്രായപ്പെട്ടപ്പോള്‍ കുറവ് മതി എന്നാണ് 32 ശതമാനം അഭിപ്രായപ്പെട്ടത്. ( 2008 ഫെബ്രുവരി 25 മുതല്‍ 28 വരെ നടന്ന ഈ സര്‍വെയില്‍ 1023 പേരോട് 6 ചോദ്യങ്ങള്‍ ചോദിക്കുകയാണുണ്ടായത്.

ഇത് വായിച്ചപ്പോള്‍ തോന്നിയ പ്രധാന സംശയം മാധ്യമസ്വാതന്ത്ര്യം എന്നു പറഞ്ഞാല്‍ സര്‍ക്കാര്‍ ഇടപെടല്‍ ഇല്ലാതിരിക്കുക എന്നത് മാത്രമാണോ എന്നതായിരുന്നു. കോര്‍പ്പറേറ്റ് താല്പര്യങ്ങള്‍ സംരക്ഷിക്കുന്നതില്‍ ബദ്ധശ്രദ്ധരായ മാധ്യമങ്ങള്‍ സര്‍ക്കാര്‍ ഇടപെടല്‍ ഇല്ലാത്ത അവസ്ഥയിലും തങ്ങളുടെ സ്വാതന്ത്ര്യം ജനങ്ങളുടെ താല്പര്യങ്ങള്‍ സംരക്ഷിക്കാനായി എത്രമാത്രം ഉപയോഗിക്കും എന്നത് നമുക്കറിയാവുന്ന കാര്യമാണ്. ഈ സര്‍വെയിലെ ചോദ്യങ്ങളില്‍ ഈയൊരു വശം ഉള്‍പ്പെടുത്തിയിട്ടില്ല എന്നത് ആലോചിക്കേണ്ട കാര്യമാണ്. ഫോര്‍ഡ് ഫൌണ്ടേഷനും മറ്റുമാണ് ഇവരുടെ പ്രായോജകര്‍ എന്നത് കൊണ്ട് തന്നെ അതില്‍ അല്‍ഭുതത്തിനവകാശമില്ല എന്നും തോന്നുന്നു. മുഖ്യധാരാ മാധ്യമങ്ങള്‍ മാത്രം പിന്തുടര്‍ന്നാല്‍ നാം തികഞ്ഞ അന്ധകാരത്തിലായിരിക്കും എന്നതിനു സംശയമില്ല. സമാന്തര മാധ്യമങ്ങള്‍ കൂടുതല്‍ കൂടുതലായി പ്രാമുഖ്യം നേടി വരുന്നതിന്റെയും കാരണം മറ്റൊന്നല്ല. ബ്ലോഗുകള്‍ക്ക് പ്രസക്തിയേറി വരുന്നതും ഇതേ കാരണം കൊണ്ട് തന്നെയാണ്.

Reporters Without Borders ന്റെ 2008 ലെ വാര്‍ഷിക റിപ്പോര്‍ട്ടും പുറത്തിറങ്ങിയിട്ടുണ്ട്.

ഇതില്‍ തമിഴ് പത്രമായ ദിനകരന്റെ മൂന്ന് സ്റ്റാഫംഗങ്ങള്‍ 2007 മെയ് മാസത്തില്‍ കരുണാനിധിയുടെ മകനായ അഴഗിരിയെ പിന്തുണക്കുന്നവരുടെ ആക്രമണത്തില്‍ കൊല്ലപ്പെട്ടതും, ഹിന്ദു രാഷ്ട്രീയ സഭ മിശ്രവിവാഹത്തെക്കുറിച്ചുള്ള ഒരു പരിപാടി പ്രക്ഷേപണം ചെയ്തതിനു കഴിഞ്ഞ ഏപ്രിലില്‍ സ്റ്റാര്‍ ടിവി ഓഫീസ് തല്ലിത്തകര്‍ത്തതും ഒക്കെ വിവരിക്കുന്നുണ്ട്. കൂടാതെ സ്വാതന്ത്ര്യത്തിന്റെ അറുപതാം വാര്‍ഷികത്തോടനുബന്ധിച്ചുള്ള പ്രത്യേക പതിപ്പില്‍ ബാല്‍ താക്കറെയെ വില്ലന്മാരുടെ പട്ടികയില്‍പ്പെടുത്തിയതിനെതിരെ 2007 ആഗസ്റ്റില്‍ ശിവസേനക്കാര്‍ ഔട്ട്‌ലുക്ക് ഓഫീസ് ആക്രമിച്ചതും ആസാമിലും കാഷ്മീരിലും മാധ്യമപ്രവര്‍ത്തകര്‍ നേരിടുന്ന ബുദ്ധിമുട്ടുകളും ഈ റിപ്പോര്‍ട്ടിലുണ്ട്. പശ്ചിമബംഗാളില്‍ രണ്ട് മാധ്യമപ്രവര്‍ത്തകരെ തടഞ്ഞുവെച്ചതും ഈ റിപ്പോര്‍ട്ടിലുണ്ട്.

ഇവര്‍ പ്രസിദ്ധീകരിച്ച 2007ലെ മാധ്യമസ്വാതന്ത്ര്യസൂചികയില്‍ ഇന്ത്യയുടെ സ്ഥാനം 120 ആണ്. അമേരിക്ക നാല്പത്തി എട്ടാം സ്ഥാനത്ത് നില്‍ക്കുമ്പോള്‍ അധിനിവേശിത ഇറാഖ് നൂറ്റി അന്‍പത്തിഏഴാം സ്ഥാനത്താണ്. ഇറാഖില്‍ പത്രസ്വാതന്ത്ര്യം കുറവായിരിക്കുന്നത് തികച്ചും സ്വാഭാവികം. മാധ്യമപ്രവര്‍ത്തകര്‍ കൂടുതലായി കൊല്ലപ്പെടുന്നുണ്ട് എന്നതും ഈ താഴ്ന്ന റാങ്കിങ്ങിനു കാരണമാകാം. എങ്കിലും അതിനു ശരിയായ കാരണക്കാര്‍ ആര് എന്ന് ചോദിക്കുമ്പോള്‍ ലിസ്റ്റൊന്നു മാറ്റിപ്പണിയേണ്ടിവരും.

2007 ജനുവരി 19ന് ഇസ്താംബുളില്‍ വെച്ച് വധിക്കപ്പെട്ട മാധ്യമപ്രവര്‍ത്തകന്‍ Hrant Dink

എന്തായാലും മാധ്യമസ്വാതന്ത്ര്യം എന്നത് ജനാധിപത്യവ്യവസ്ഥിതിയില്‍ ഒഴിച്ചുകൂടാനാവാത്ത ഒന്നാണ്. അറിയാനുള്ള ജനങ്ങളുടെ അവകാശത്തില്‍ അധിഷ്ഠിതമായ ശരിയായ മാധ്യമസ്വാതന്ത്രത്തിനുവേണ്ടിയാകട്ടെ ഈ ദിനാചരണവും അതിനോടനുബന്ധിച്ചുള്ള ചര്‍ച്ചകളും. കഴിഞ്ഞ വര്‍ഷം കൊല്ലപ്പെട്ട മാധ്യമപ്രവര്‍ത്തകരെ നമുക്ക് ആദരവോടെ സ്മരിക്കാം.

*****

വായിക്കാവുന്ന ലേഖനങ്ങള്‍

മുഖം‌മൂടി വെച്ച രാഷ്ട്രീയബോധം

2008-04-30T14:00:00.004+05:30

ആലപ്പുഴ
സമയം ചൊവ്വാഴ്‌ച വൈകിട്ട്‌ അഞ്ചുമണി
സ്ഥലം സീറോ ജംഗ്‌ഷന്‍

നെറ്റിയില്‍ കുങ്കുമപ്പൊട്ട്‌ തൊട്ട്‌ ചിരിച്ചുകൊണ്ട്‌ നിന്ന 'രാഹുല്‍ ഗാന്ധി' യെക്കണ്ട്‌ നഗരവാസികള്‍ അമ്പരന്നു. അമ്പരപ്പ്‌ മാറും മുമ്പേ അതാ വരുന്നു ഒരു കൂട്ടം രാഹുല്‍ ഗാന്ധിമാര്‍. പിന്നെ കണ്ടത്‌ 'രാഹുല്‍ ഗാന്ധി' മാരുടെ കൂട്ടയോട്ടം.

എന്താണ് സംഭവമെന്ന് പിടികിട്ടിയില്ലേ?

വേറെ ഒന്നുമില്ല.

കോണ്‍ഗ്രസ്‌ ജില്ലാ സമ്മേളനത്തിന്റെ പ്രചാരണാര്‍ത്ഥം ആലപ്പുഴ നഗരത്തില്‍ വെള്ള ബനിയനും എ.ഐ.സി.സി. ജനറല്‍ സെക്രട്ടറി രാഹുല്‍ ഗാന്ധിയുടെ മുഖംമൂടിയും ധരിച്ചെത്തിയ നൂറിലധികം കെ.എസ്‌.യു. പ്രവര്‍ത്തകര്‍ നടത്തിയ കൂട്ടയോട്ടത്തെക്കുറിച്ചുള്ള മാതൃഭൂമി വാര്‍ത്തയുടെ തുടക്കമാണത്. വിട്ടുകളഞ്ഞിട്ടുള്ളത് പങ്കെടുത്തവരുടെ പേരുകള്‍ മാത്രം.

ഭാഷ ശ്രദ്ധിച്ചോ? എവിടെയെങ്കിലും ഈ മുഖം‌മൂടിയോട്ടത്തിന്റെ അപഹാസ്യതയെക്കുറിച്ച് എന്തെങ്കിലും സൂചന?

ഒന്നുമില്ല. തികച്ചും രസകരം എന്ന് അവര്‍ കരുതുന്ന സംഭവത്തെക്കുറിച്ച് ഒരു കൌതുക വാര്‍ത്തയുടെ ഭാഷയിലും ശൈലിയിലും ഒരു റിപ്പോര്‍ട്ട്...

വ്യക്തിപൂജയുടെ അങ്ങേയറ്റം എന്ന് വിശേഷിപ്പിക്കാവുന്ന ഈ കുട്ടിക്കളിയില്‍ പത്രത്തിനു യാതൊരു തകരാറും തോന്നുന്നില്ല. യുവാക്കളുടെ ചിന്താശേഷി, കര്‍മ്മശേഷി എന്നിവയെക്കുറിച്ചൊന്നും ഒരു സംശയവും ഉയരുന്നുമില്ല. ക്രിക്കറ്റ് ഗ്രൌണ്ടില്‍ താരങ്ങളുടെ മുഖം മൂടിയും വെച്ചെത്തുന്ന ആരാധകവൃന്ദത്തിന്റെ അതേ നിലവാരത്തില്‍ത്തന്നെ നമ്മുടെ രാഷ്ട്രീയപ്രവര്‍ത്തകരും ചിന്തിച്ചാലും പ്രവര്‍ത്തിച്ചാലും തെറ്റൊന്നും തോന്നുന്നുമില്ല. വായനക്കാരനില്‍ അറിയാതെ പോലും അങ്ങിനെ ഒരു ചിന്ത വരരുത് എന്ന കാര്യത്തില്‍ പത്രത്തിന് ബദ്ധശ്രദ്ധ ഉണ്ട് താനും.

വേണ്ടപ്പെട്ടവരെ നോവിക്കാത്ത, ചുക്കിനും ചുണ്ണാമ്പിനും കൊള്ളാത്ത, വാര്‍ത്തയുടെ മര്‍മ്മത്ത് തൊടാത്ത ഇത്തരം റിപ്പോര്‍ട്ടിങ്ങിന്റെ സഹായം ഇല്ലായിരുന്നെങ്കില്‍ പല പ്രസ്ഥാനങ്ങളുടെയും ഗതി പരിതാപകരം ആയേനെ.....

ഒരു കാര്യത്തിനു പത്രത്തിനു നന്ദി പറയാം.

വരികള്‍ക്കിടയിലൂടെയാണെങ്കിലും ‍, മുകളില്‍ നിന്നും നേതാക്കള്‍ കെട്ടിയിറക്കപ്പെടുന്നത് ഇതുപോലെ മുഖം നഷ്ടപ്പെടുന്നതില്‍ വിമുഖത ഇല്ലാത്ത അണികള്‍ ഉള്ളതുകൊണ്ടാണെന്ന സൂചന ഈ വാര്‍ത്തയിലൂടെ തന്നതിന്...

(ചിത്രത്തിനു കടപ്പാട്: മാതൃഭൂമി)